https://arm.sputniknews.ru/20220817/surmalui-hrdehic-arajacats-vtangavvor-njutery-karvogh-en-60km-sharavghvov-taratsvel-inch-anel-46838148.html
«Սուրմալուի» հրդեհից առաջացած վտանգավոր նյութերը կարող են 60կմ շառավղով տարածվել. ինչ անել
«Սուրմալուի» հրդեհից առաջացած վտանգավոր նյութերը կարող են 60կմ շառավղով տարածվել. ինչ անել
Sputnik Արմենիա
«Հայ կանայք հանուն առողջության և առողջ շրջակա միջավայրի» ՀԿ փորձագետ Քնարիկ Գրիգորյանը Sputnik Արմենիայի եթերում անդրադարձել է «Սուրմալու» առևտրի կենտրում տեղի... 17.08.2022, Sputnik Արմենիա
2022-08-17T08:51+0400
2022-08-17T08:51+0400
2022-08-17T08:59+0400
«սուրմալու» առևտրի կենտրոն
հրդեհ
պայթյուն
երևան
https://cdn.am.sputniknews.ru/img/07e6/08/0f/46729768_0:84:1600:984_1920x0_80_0_0_568ed6676f095d41e4c336102a719a26.jpg
ԵՐԵՎԱՆ, 17 օգոստոսի – Sputnik. «Սուրմալու» առևտրի կենտրոնում պլաստիկե իրերի ու հրավառության համար նախատեսված պայթուցիկ նյութերի այրման արդյունքում առաջացած վնասակար նյութերը դեռ երկար կարող են պահպանվել օդում ու նույնիսկ դեպքի վայրից տասնյակ կիլոմետրեր հեռու տարածվել։Sputnik Արմենիայի հետ զրույցում նման տեսակետ հայտնեց «Հայ կանայք հանուն առողջության և առողջ շրջակա միջավայրի» ՀԿ–ի էկոլոգիական հարցերի փորձագետ Քնարիկ Գրիգորյանը։Նրա գնահատմամբ` առավել խոցելի վիճակում են հատկապես դեպքի վայրի հարևանությամբ բնակվող ու աշխատող մարդիկ։ Փորձագետը վերջիններին խորհուրդ է տալիս պատուհանները միառժամանակ փակ պահել կամ հնարավորության դեպքում` տեղափոխվել ավելի անվտանգ վայրեր։«Եթե այլ տեղ չունեն գնալու, օգտագործեն ջրցող միջոցներ, պարբերաբար հատակից, պատուհանագոգերից, ապակիներից խոնավ շորով սրբեն մուրը կամ փոշին, որովհետև օդում կարող են լինել վնասակար խառը մասնիկներ, որոնք երկրորդային վտանգ են ներկայացնում շնչառության համար»,– ասաց նա։Տոքսիկ նյութերի մեծ քանակի դեպքում, Գրիգորյանի խոսքով, կարող է նույնիսկ շնչառության կանգ կամ սուր թունավորում առաջանալ։ Եթե նույնիսկ մարդը չի ենթարկվել կրակի, բոցի անմիջական ազդեցությանը, տարածքին մոտ գտնվելիս կարող է շնչահեղձ լինել։ Նման դեպքերում մասնագետը խորհուրդ է տալիս շոր թրջել ու դրա միջոցով շնչել, որպեսզի օդում տարածված փոքրիկ մասնիկները չներթափանցեն շնչառական օրգաններ։Նման դեպքերում համայնքային կառույցները պետք է համալիր սանիտարական աշխատանքներ իրականացնեն, լվանան այն տարածքը, որտեղ մոխիր ու փոշի է նստել։Տոննաներով քարեր և երկաթներ են քանդել. «Սուրմալուում» փրկարարներին օգնում են կամավորներըՀիշեցնենք՝ «Սուրմալու» առևտրի կենտրոնում պայթյուն է տեղի ունեցել օգոստոսի 14-ին՝ մոտավորապես 13։23-ին։ Երևան քաղաքի ԲԿ-ներ են դիմել 60 քաղաքացիներ, որոնցից 7-ը շարունակում են բուժում ստանալ, իսկ մյուսները, ստանալով համապատասխան բուժօգնություն, դուրս են գրվել։Այս պահին հայտնի է, որ 16 մարդ մահացել է։ Երկու անձանց դեռ որոնում են։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.sputniknews.ru/img/07e6/08/0f/46729768_89:0:1512:1067_1920x0_80_0_0_62f1dedee29cf556065e331109c57350.jpgSputnik Արմենիա
media@sputniknews.com
+74956456601
MIA „Rossiya Segodnya“
«սուրմալու» առևտրի կենտրոն, հրդեհ, պայթյուն, երևան
«սուրմալու» առևտրի կենտրոն, հրդեհ, պայթյուն, երևան
«Սուրմալուի» հրդեհից առաջացած վտանգավոր նյութերը կարող են 60կմ շառավղով տարածվել. ինչ անել
08:51 17.08.2022 (Թարմացված է: 08:59 17.08.2022) «Հայ կանայք հանուն առողջության և առողջ շրջակա միջավայրի» ՀԿ փորձագետ Քնարիկ Գրիգորյանը Sputnik Արմենիայի եթերում անդրադարձել է «Սուրմալու» առևտրի կենտրում տեղի ունեցած պայթյունի էկոլոգիական հետևանքներին։
ԵՐԵՎԱՆ, 17 օգոստոսի – Sputnik. «Սուրմալու» առևտրի կենտրոնում պլաստիկե իրերի ու հրավառության համար նախատեսված պայթուցիկ նյութերի այրման արդյունքում առաջացած վնասակար նյութերը դեռ երկար կարող են պահպանվել օդում ու նույնիսկ դեպքի վայրից տասնյակ կիլոմետրեր հեռու տարածվել։
Sputnik Արմենիայի հետ զրույցում նման տեսակետ հայտնեց «Հայ կանայք հանուն առողջության և առողջ շրջակա միջավայրի» ՀԿ–ի էկոլոգիական հարցերի փորձագետ Քնարիկ Գրիգորյանը։
«Վնասակար մասնիկներն օդի մեջ իսկույն տարածվում են և շարժվում քամու ուղղությամբ, ընդ որում` որքան մասնիկները փոքր են, այնքան ավելի երկար ճանապարհ են անցնում։ Մի քանի միկրոմիացություններ նույնիսկ կարող են մինչև 60 կիլոմետր շառավղով տարածվել։ Լավ կլիներ, որ գոնե տեղումներ լինեին, բայց հակառակի պես այս շաբաթվա համար օդերևութաբանները կանխատեսել են բարձր ջերմաստիճանով, առանց տեղումների եղանակ»,– ասաց Գրիգորյանը։
Նրա գնահատմամբ` առավել խոցելի վիճակում են հատկապես դեպքի վայրի հարևանությամբ բնակվող ու աշխատող մարդիկ։ Փորձագետը վերջիններին խորհուրդ է տալիս պատուհանները միառժամանակ փակ պահել կամ հնարավորության դեպքում` տեղափոխվել ավելի անվտանգ վայրեր։
«Եթե այլ տեղ չունեն գնալու, օգտագործեն ջրցող միջոցներ, պարբերաբար հատակից, պատուհանագոգերից, ապակիներից խոնավ շորով սրբեն մուրը կամ փոշին, որովհետև օդում կարող են լինել վնասակար խառը մասնիկներ, որոնք երկրորդային վտանգ են ներկայացնում շնչառության համար»,– ասաց նա։
Տոքսիկ նյութերի մեծ քանակի դեպքում, Գրիգորյանի խոսքով, կարող է նույնիսկ շնչառության կանգ կամ սուր թունավորում առաջանալ։ Եթե նույնիսկ մարդը չի ենթարկվել կրակի, բոցի անմիջական ազդեցությանը, տարածքին մոտ գտնվելիս կարող է շնչահեղձ լինել։ Նման դեպքերում մասնագետը խորհուրդ է տալիս շոր թրջել ու դրա միջոցով շնչել, որպեսզի օդում տարածված փոքրիկ մասնիկները չներթափանցեն շնչառական օրգաններ։
Նման դեպքերում համայնքային կառույցները պետք է համալիր սանիտարական աշխատանքներ իրականացնեն, լվանան այն տարածքը, որտեղ մոխիր ու փոշի է նստել։
Հիշեցնենք՝ «Սուրմալու» առևտրի կենտրոնում
պայթյուն է տեղի ունեցել օգոստոսի 14-ին՝ մոտավորապես 13։23-ին։ Երևան քաղաքի ԲԿ-ներ են դիմել 60 քաղաքացիներ, որոնցից 7-ը շարունակում են բուժում ստանալ, իսկ մյուսները, ստանալով համապատասխան բուժօգնություն, դուրս են գրվել։
Այս պահին հայտնի է, որ 16 մարդ մահացել է։ Երկու անձանց դեռ որոնում են։