https://arm.sputniknews.ru/20220814/astvatsatsni-verapvokhum-kam-khaghvoghi-orhnutjamb-ekeghecin-orhnum-e-ambvoghj-berqy-46549483.html
Աստվածածնի վերափոխում, կամ խաղողի օրհնությամբ եկեղեցին օրհնում է ամբողջ բերքը
Աստվածածնի վերափոխում, կամ խաղողի օրհնությամբ եկեղեցին օրհնում է ամբողջ բերքը
Sputnik Արմենիա
Սուրբ պատարագի ավարտից հետո հայ առաքելական բոլոր եկեղեցիներում կկատարվի Խաղողօրհնեքի արարողություն: 14.08.2022, Sputnik Արմենիա
2022-08-14T10:04+0400
2022-08-14T10:04+0400
2022-08-14T10:09+0400
խաղող
խաղողօրհնեք
եկեղեցի
հայ առաքելական եկեղեցի
պատարագ
մարիամ աստվածածին
https://cdn.am.sputniknews.ru/img/07e5/08/0f/28676996_0:0:1400:789_1920x0_80_0_0_afd2a0d2cb006dba0ab8ebafe726e483.jpg
ԵՐԵՎԱՆ, 14 օգոստոսի - Sputnik. Սուրբ Աստվածածնի վերափոխման շարժական տոնն այս տարի նշվում է օգոստոսի 14-ին։ Մայր աթոռից հայտնում են, որ տոնի կապակցությամբ միաբանությունը պատարագի սրբազան արարողությանը կմասնակցի Սուրբ Գայանե վանքում, ժամը 11։00-ին։Սուրբ պատարագի ավարտից հետո Մայր աթոռի սուրբ Տրդատի բաց խորանին կկատարվի Խաղողօրհնեքի արարողությունը:Աստվածածնի վերափոխման տոնը կամ Խաղողօրհնեքը մեր եկեղեցու հինգ տաղավար տոներից չորրորդն է և Տիրամորը նվիրված տոներից ամենահինը:Ինչի՞ հետ է կապվում Մարիամ Աստվածածնի տոնըԱվանդության համաձայն՝ Ս. Կույսը Հիսուս Քրիստոսի խաչելությունից հետո շուրջ 12 տարի ապրում է Երուսաղեմում՝ Ս. Հովհաննես Ավետարանչի խնամատարության ներքո: Եվ մի օր Գաբրիել հրեշտակապետից ստանում է երկրից երկինք վերափոխման ավետիսը. «Ուրախացի՛ր, բերկրյալդ կանանց մեջ, քանզի քեզ կանչում է մեր Արարիչը, քո Միածին Որդին»:Սուրբ Աստվածածինն այս բարի լուրը հայտնում է իր ազգականներին, բոլոր քրիստոնյաներին և առաքյալներին` պատվիրելով իրեն թաղել Գեթսեմանիի ձորակում:Երբ Ս. Կույսը ննջում է, նրա հոգին ելնում ու խառնվում է լուսեղեն զորքին, իսկ մահճում մնացած մարմինը չի այլակերպվում, այլ նրանից Սուրբ Հոգու շնորհն է բուրում անուշահոտ խնկի պես: Երանելի սուրբ առաքյալներն իրենց ուսերի վրա են վերցնում Աստվածամոր սուրբ նշխարները և ջահերով, մոմերով, սաղմոսերգությամբ ու օրհնությամբ առաջնորդվում դեպի Գեթսեմանի: Օրհնյալ մարմինը դնում են գերեզման և, ինչպես հարկն է, պահպանում երեք օր:Վերափոխման տոնին բոլոր եկեղեցիներում կատարվում է խաղողօրհնության կարգ: Բոլոր պտուղներից առավել օրհնվում է խաղողի ողկույզը, քանի որ Տերը խաղողի որթը ամենազորավոր ծառերից ավելի վեր բարձրացրեց և պատվեց առավել, քան մյուս տնկիները՝ իրեն խաղողի որթ անվանելով՝ ըստ այն խոսքի, թե. «Ես եմ ճշմարիտ որթատունկը» (Հովհ. 15:1):Խաղողօրհնեքի ավանդույթն ու ժողովրդական սովորույթներըԱյս օրը մարդիկ օրհնության համար եկեղեցի են բերում տարվա մեջ առաջին անգամ քաղված խաղողը: Ըստ ավանդույթի` խաղողը չի կարելի ճաշակել, քանի դեռ այն օրհնված չէ։ Խաղողի օրհնությամբ նաև տարվա ամբողջ բերքն է օրհնվում։Տարբեր կենդանիների զոհաբերություններ են կատարել հայոց աստվածներին` Արամազդին, Անահիտին, Աստղիկին և հեթանոսական մյուս աստվածներին։ Քրիստոնեություն ընդունելուց հետո խաղողի օրհնությունը քրիստոնեական բովանդակություն ու մեկնաբանություն է ստացել։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
խաղող, խաղողօրհնեք, եկեղեցի, հայ առաքելական եկեղեցի, պատարագ, մարիամ աստվածածին
խաղող, խաղողօրհնեք, եկեղեցի, հայ առաքելական եկեղեցի, պատարագ, մարիամ աստվածածին
Աստվածածնի վերափոխում, կամ խաղողի օրհնությամբ եկեղեցին օրհնում է ամբողջ բերքը
10:04 14.08.2022 (Թարմացված է: 10:09 14.08.2022) Սուրբ պատարագի ավարտից հետո հայ առաքելական բոլոր եկեղեցիներում կկատարվի Խաղողօրհնեքի արարողություն:
ԵՐԵՎԱՆ, 14 օգոստոսի - Sputnik. Սուրբ Աստվածածնի վերափոխման շարժական տոնն այս տարի նշվում է օգոստոսի 14-ին։ Մայր աթոռից հայտնում են, որ տոնի կապակցությամբ միաբանությունը պատարագի սրբազան արարողությանը կմասնակցի Սուրբ Գայանե վանքում, ժամը 11։00-ին։
Սուրբ պատարագի ավարտից հետո Մայր աթոռի սուրբ Տրդատի բաց խորանին կկատարվի Խաղողօրհնեքի արարողությունը:
Աստվածածնի վերափոխման տոնը կամ Խաղողօրհնեքը մեր եկեղեցու հինգ տաղավար տոներից չորրորդն է և Տիրամորը նվիրված տոներից ամենահինը:
Ինչի՞ հետ է կապվում Մարիամ Աստվածածնի տոնը
Ավանդության համաձայն՝ Ս. Կույսը Հիսուս Քրիստոսի խաչելությունից հետո շուրջ 12 տարի ապրում է Երուսաղեմում՝ Ս. Հովհաննես Ավետարանչի խնամատարության ներքո: Եվ մի օր Գաբրիել հրեշտակապետից ստանում է երկրից երկինք վերափոխման ավետիսը. «Ուրախացի՛ր, բերկրյալդ կանանց մեջ, քանզի քեզ կանչում է մեր Արարիչը, քո Միածին Որդին»:
Սուրբ Աստվածածինն այս բարի լուրը հայտնում է իր ազգականներին, բոլոր քրիստոնյաներին և առաքյալներին` պատվիրելով իրեն թաղել Գեթսեմանիի ձորակում:
Երբ Ս. Կույսը ննջում է, նրա հոգին ելնում ու խառնվում է լուսեղեն զորքին, իսկ մահճում մնացած մարմինը չի այլակերպվում, այլ նրանից Սուրբ Հոգու շնորհն է բուրում անուշահոտ խնկի պես: Երանելի սուրբ առաքյալներն իրենց ուսերի վրա են վերցնում Աստվածամոր սուրբ նշխարները և ջահերով, մոմերով, սաղմոսերգությամբ ու օրհնությամբ առաջնորդվում դեպի Գեթսեմանի: Օրհնյալ մարմինը դնում են գերեզման և, ինչպես հարկն է, պահպանում երեք օր:
Ապա Տերը լուսափայլ ամպով ու հրեշտակներով մոտենում է Ս. Կույսի գերեզմանին և կնքված գերեզմանից, առանց կնիքը խախտելու, վերցնում է աստվածընկալ մարմինն ու վերանում երկինք:
Վերափոխման տոնին բոլոր եկեղեցիներում կատարվում է խաղողօրհնության կարգ: Բոլոր պտուղներից առավել օրհնվում է խաղողի ողկույզը, քանի որ Տերը խաղողի որթը ամենազորավոր ծառերից ավելի վեր բարձրացրեց և պատվեց առավել, քան մյուս տնկիները՝ իրեն խաղողի որթ անվանելով՝ ըստ այն խոսքի, թե. «Ես եմ ճշմարիտ որթատունկը» (Հովհ. 15:1):
Խաղողօրհնեքի ավանդույթն ու ժողովրդական սովորույթները
Այս օրը մարդիկ օրհնության համար եկեղեցի են բերում տարվա մեջ առաջին անգամ քաղված խաղողը: Ըստ ավանդույթի` խաղողը չի կարելի ճաշակել, քանի դեռ այն օրհնված չէ։ Խաղողի օրհնությամբ նաև տարվա ամբողջ բերքն է օրհնվում։
Խաղողի պաշտամունքը հազարամյակների պատմություն ունի։ Նախաքրիստոնեական Հայաստանում խաղողը հատուկ ծիսակարգով օրհնել է արքան կամ քրմապետը:
Տարբեր կենդանիների զոհաբերություններ են կատարել հայոց աստվածներին` Արամազդին, Անահիտին, Աստղիկին և հեթանոսական մյուս աստվածներին։ Քրիստոնեություն ընդունելուց հետո խաղողի օրհնությունը քրիստոնեական բովանդակություն ու մեկնաբանություն է ստացել։
