https://arm.sputniknews.ru/20220811/hajki-tsnundn-astghajin-veratsnund-e-astghatapy-qarahunj-er-berel-bazmativ-zbvosashrjikneri-46548190.html

Հայկի ծնունդն աստղային վերածնունդ է. աստղաթափը Քարահունջ էր բերել բազմաթիվ զբոսաշրջիկների

Հայկի ծնունդն աստղային վերածնունդ է. աստղաթափը Քարահունջ էր բերել բազմաթիվ զբոսաշրջիկների

Sputnik Արմենիա

Զբոսաշրջիկների մի մասն ուրախ էր նման գեղեցիկ երևույթին ականատես լինելու համար, իսկ մյուս մասն իր դժգոհությունն էր հայտնում մուտքավճարի վերաբերյալ։ 11.08.2022, Sputnik Արմենիա

2022-08-11T16:17+0400

2022-08-11T16:17+0400

2022-08-11T16:26+0400

քարահունջ

հայկ նահապետ

աստղ

աստղաթափ

հայաստան

զբոսաշրջիկ

https://cdn.am.sputniknews.ru/img/07e6/08/0b/46543678_0:155:1600:1055_1920x0_80_0_0_3df3338fe629bc5e235e11faece3e1e1.jpg

ԵՐԵՎԱՆ, 11 օգոստոսի – Sputnik. Աստղաթափը, Նավասարդն ու «Հայկ» համաստեղության ծնունդը մեկ հարկի տակ էին հավաքել աստղասերներին, հետաքրքրասերներին և հրաշքի սպասողներին։ Ավանդույթ դարձած այս միջոցառումն ամեն տարի իրականացվում է հայկական տոմարի առաջին ամսվա` Նավասարդի (օգոստոսի) 10-ի լույս 11-ին գիշերը, «Զորաց քարեր բնակատեղի» պատմամշակութային արգելոցում։«Հայկի ծնունդը կարծես աստղային զարթոնքի վերածնունդ լինի»,- ասում է «Պատմամշակութային արգելոց թանգարանների և պատմական միջավայրի պահպանության ծառայություն» ՊՈԱԿ-ի ցուցադրությունների և միջոցառումների կազմակերպման բաժնի պետ Արտավազդ Զաքյանը։«Մենք «Զորաց քարեր բնակատեղի» արգելոցում մի շարք միջոցառումներ ենք իրականացնում, և սա դրանց մի մասն է»,- ասաց Զաքյանը։Միջոցառմանը մասնակցում էին ոչ միայն հայաստանցի, այլև օտարերկրացի զբոսաշրջիկներ։ Նրանցից մեկը՝ ազգությամբ ռուս Իլյան, մեզ հետ զրույցում ասաց, որ իր կնոջ հետ այս օրերին հանգստի նպատակով Հայաստանում է և, իմանալով աստղաթափի մասին, եկել է Քարահունջ, որ իր աչքով տեսնի այդ ամենը։«Հուսամ, որ կհասցնենք աստղերից մեկի ընկնելու ժամանակ երազանք պահել։ Գիտենք նաև, որ այսօր հայերը նշում են Նավասարդ տոնը (հին հայերի համար այս օրը եղել է տարվա սկիզբ` Նոր տարի և նշանավորվել է ժողովրդական խրախճանքով- խմբ․), ու հետաքրքիր է հին հայկական տոնի մաս կազմելը»,- նշեց նա։2 ամիս առաջ արգելոց-թանգարանի մուտքը դարձել է վճարովի, ինչը երբեմն դժգոհության տեղիք էր տալիս։ «Պատմամշակութային արգելոց թանգարանների և պատմական միջավայրի պահպանության ծառայություն» ՊՈԱԿ-ի տնօրենի պարտականությունները կատարող Արմեն Հովհաննիսյանն ասում է՝ երբ կարգավիճակը հուշարձանից փոխվում է արգելոցի, նոր հաստիքների անհրաժեշտություն է առաջանում։ Պետք է լինում նաև ենթակառուցվածքները զարգացնել։«Ընդամենը 2 ամիս առաջ է մուտքը վճարովի դարձել, ու այսօր արդեն բոլորը կարող են այստեղ փոփոխություններ նկատել։ Լուսավորությունն է փոփոխվել, ցանկապատում է իրականացվել (44 հա), տեղադրվել են ժամանակավոր սանհանգույցներ, նստարաններ ու աղբամաններ, ճանապարհի որոշակի հատվածն է վերանորոգվել»,- ընդգծեց Հովհաննիսյանը։Նրա խոսքով՝ ցանկանում են հասնել նրան, որ Հայաստանում գործող պատմամշակութային հուշարձանների մուտքը լինի վճարովի, գումարն էլ ուղղվի դրանց պահպանմանն ու ենթակառուցվածքների զարգացմանը։Տարածքում առկա են նաև ջրագծերի, էլեկտրաէներգիայի լուրջ խնդիրներ։Աստղաթափից առաջ Քարահունջի տարածքում հնչում էր Կոմիտաս, իսկ դրանից հետո՝ ժամը 03։30-04։30-ի սահմաններում, ներկայացվեց ազգագրական երգ ու պար` «Կարին» ավանդական երգի-պարի խմբի կատարմամբ։

քարահունջ

2022

Լուրեր

am_HY

աստղաթափ քարահունջ զբոսաշրջիկներ հհ երկիր