https://arm.sputniknews.ru/20220810/sjuniqum-yndhatvel-e-khvot-vorvotan-tshanaparhi-karucumy-inchn-e-pattshary-46506482.html
Սյունիքում ընդհատվել է Խոտ-Որոտան ճանապարհի կառուցումը․ ի՞նչն է պատճառը
Սյունիքում ընդհատվել է Խոտ-Որոտան ճանապարհի կառուցումը․ ի՞նչն է պատճառը
Sputnik Արմենիա
ՀՀ տարածքային կառավարման և ենթակառուցվածքների նախարարությունը շինարարության դադարեցումը բացատրում է նախագծում փոփոխություններ կատարելու անհրաժեշտությամբ։ 10.08.2022, Sputnik Արմենիա
2022-08-10T21:34+0400
2022-08-10T21:34+0400
2022-08-10T21:36+0400
հայաստան
սյունիք
ճանապարհ
հհ տկեն (հհ տարածքային կառավարման և ենթակառուցվածքների նախարարություն)
https://cdn.am.sputniknews.ru/img/07e6/06/1b/44244452_0:84:1600:984_1920x0_80_0_0_7c1c4129a10aae0f77453afbe8fafd87.jpg
ԵՐԵՎԱՆ, 10 օգոստոսի – Sputnik, Դավիթ Գալստյան. Սյունիքի մարզում Խոտ-Որոտան ճանապարհի շինարարությունն արդեն մի քանի ամիս է՝ կանգ է առել։ Sputnik Արմենիան հարցում է ուղարկել ՀՀ տարածքային կառավարման և ենթակառուցվածքների նախարարություն՝ խնդրելով պարզաբանել աշխատանքների կասեցման պատճառը։Գերատեսչությունից հայտնում են նաև, որ շինարարական աշխատանքներն առաջիկայում կվերսկսվեն։ Ճանապարհն ունենալու է ասֆալտբետոն ծածկ։ Նախարարությունը շինարարության ավարտի ժամկետ չի նշել։Հիշեցնենք` ՀՀ տարածքային կառավարման և ենթակառուցվածքների նախարար Գնել Սանոսյանը 2021 թվականի նոյեմբերին հայտարարել էր, որ ամբողջությամբ պատրաստ է այս ճանապարհի 10 կմ-ից 5-ը, մնացած հատվածը բարեկարգվում է։Իսկ 2022թ․-ի փետրվարին Հայաստանի իշխանությունները հայտարարում էին, որ ասֆալտապատման աշխատանքները կսկսվեն այս տարվա գարնանը։Սակայն, ինչպես Sputnik Արմենիային հայտնեցին տեղի բնակիչները, նշված ճանապարհին արդեն մի քանի ամիս է, ինչ շինարարական աշխատանքներ չեն ընթանում։Հունիսի վերջին Sputnik Արմենիան արդեն գրել էր, որ ճանապարհը լավ վիճակում չէ. մարդատար մեքենաներով այնտեղով անցնելը հեշտ գործ չէ։ Ճանապարհի վրայով առուներ են հոսում և խոնավացնում այն, ինչը նոր փլուզումների պատճառ կարող է դառնալ․ վերանորոգման ընթացքում նման բան արդեն եղել է։Ավելին` Որոտան գյուղն արդեն երկու ամիս է՝ զրկված է մոտակա Գորիս քաղաքի հետ կանոնավոր տրանսպորտային հաղորդակցությունից։Տարածքային կառավարման և ենթակառուցվածքների նախարարության մամուլի ծառայությունից Sputnik Արմենիային հայտնել էին, որ Որոտանի հետ հաղորդակցությունը պետք է ապահովի Գորիս համայնքը:Հիշեցնենք, որ Որոտան-Գորիս նախկին ճանապարհի մի մասը 44-օրյա պատերազմից հետո անցել է Ադրբեջանի վերահսկողության տակ։
սյունիք
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, սյունիք, ճանապարհ, հհ տկեն (հհ տարածքային կառավարման և ենթակառուցվածքների նախարարություն)
հայաստան, սյունիք, ճանապարհ, հհ տկեն (հհ տարածքային կառավարման և ենթակառուցվածքների նախարարություն)
Սյունիքում ընդհատվել է Խոտ-Որոտան ճանապարհի կառուցումը․ ի՞նչն է պատճառը
21:34 10.08.2022 (Թարմացված է: 21:36 10.08.2022) ՀՀ տարածքային կառավարման և ենթակառուցվածքների նախարարությունը շինարարության դադարեցումը բացատրում է նախագծում փոփոխություններ կատարելու անհրաժեշտությամբ։
ԵՐԵՎԱՆ, 10 օգոստոսի – Sputnik, Դավիթ Գալստյան. Սյունիքի մարզում Խոտ-Որոտան ճանապարհի շինարարությունն արդեն մի քանի ամիս է՝ կանգ է առել։
Sputnik Արմենիան հարցում է ուղարկել ՀՀ տարածքային կառավարման և ենթակառուցվածքների նախարարություն՝ խնդրելով պարզաբանել աշխատանքների կասեցման պատճառը։
«Որոտան-Խոտ ճանապարհին առկա սողանքային տեղամասով պայմանավորված` նախագծային որոշակի փոփոխությունների անհրաժեշտություն է առաջացել։ Սողանքային հատվածը շրջանցելու համար տրվել են նախագծային նոր լուծումներ, որոնք այժմ ավարտական փուլում են»,- ասված է նախարարության պատասխանում։
Գերատեսչությունից հայտնում են նաև, որ շինարարական աշխատանքներն առաջիկայում կվերսկսվեն։ Ճանապարհն ունենալու է ասֆալտբետոն ծածկ։ Նախարարությունը շինարարության ավարտի ժամկետ չի նշել։
Հիշեցնենք` ՀՀ տարածքային կառավարման և ենթակառուցվածքների նախարար Գնել Սանոսյանը 2021 թվականի նոյեմբերին հայտարարել էր, որ ամբողջությամբ պատրաստ է այս ճանապարհի 10 կմ-ից 5-ը, մնացած հատվածը բարեկարգվում է։
Իսկ 2022թ․-ի փետրվարին Հայաստանի իշխանությունները հայտարարում էին, որ ասֆալտապատման աշխատանքները կսկսվեն այս տարվա գարնանը։
Սակայն, ինչպես Sputnik Արմենիային հայտնեցին տեղի բնակիչները, նշված ճանապարհին արդեն մի քանի ամիս է, ինչ շինարարական աշխատանքներ չեն ընթանում։
Հունիսի վերջին
Sputnik Արմենիան արդեն գրել էր, որ ճանապարհը լավ վիճակում չէ. մարդատար մեքենաներով այնտեղով անցնելը հեշտ գործ չէ։ Ճանապարհի վրայով առուներ են հոսում և խոնավացնում այն, ինչը նոր փլուզումների պատճառ կարող է դառնալ․ վերանորոգման ընթացքում նման բան արդեն եղել է։
Ավելին` Որոտան գյուղն արդեն երկու ամիս է՝ զրկված է մոտակա Գորիս քաղաքի հետ կանոնավոր տրանսպորտային հաղորդակցությունից։
Տարածքային կառավարման և ենթակառուցվածքների նախարարության մամուլի ծառայությունից
Sputnik Արմենիային հայտնել էին, որ Որոտանի հետ հաղորդակցությունը պետք է ապահովի Գորիս համայնքը:
Հիշեցնենք, որ Որոտան-Գորիս նախկին ճանապարհի մի մասը 44-օրյա պատերազմից հետո անցել է Ադրբեջանի վերահսկողության տակ։
