https://arm.sputniknews.ru/20220809/grvohajinnery-teghavvorvel-en-hakatuberkuljvozajin-dispanserum-vtarelvov-hivandnerin-rd-pn-46460222.html
Գրոհայինները տեղավորվել են հակատուբերկուլյոզային դիսպանսերում` վտարելով հիվանդներին. ՌԴ ՊՆ
Գրոհայինները տեղավորվել են հակատուբերկուլյոզային դիսպանսերում` վտարելով հիվանդներին. ՌԴ ՊՆ
Sputnik Արմենիա
Ռուս գեներալն ընդգծել է, որ Ուկրաինայի իշխանությունների գործողությունները ցուցադրում են սեփական քաղաքացիների ճակատագրերի նկատմամբ լիակատար անտարբերությունը։ 09.08.2022, Sputnik Արմենիա
2022-08-09T23:35+0400
2022-08-09T23:35+0400
2022-08-09T23:41+0400
ռուսաստան
ուկրաինա
միխայիլ միզինցև
https://cdn.am.sputniknews.ru/img/07e6/07/10/45344570_0:0:1290:727_1920x0_80_0_0_bb00ab1567b11154fa4702f678ba449f.jpg
ԵՐԵՎԱՆ, 9 օգոստոսի – Sputnik. Ուկրաինայի զինվորականները Նիկոլաևի մարզում հակատուբերկուլյոզային դիսպանսերից վտարել են հիվանդներին, որպեսզի այնտեղ տարածքային պաշտպանության ստորաբաժանումներ տեղակայեն։ Այս հայտարարությունն արել է ՌԴ պաշտպանության կառավարման ազգային կենտրոնի պետ, գեներալ-գնդապետ Միխայիլ Միզինցևը։«Նադբուգսկոյե գյուղի (Նիկոլաևի մարզ) հակատուբերկուլյոզային դիսպանսերի շենքում տարածքային պաշտպանության ստորաբաժանումներ են տեղակայվել, զենքի և զինամթերքի պահեստ է կահավորվել, իսկ բոլոր հիվանդներին, անկախ նրանց առողջական վիճակից, լկտիաբար վռնդել են բուժհաստատությունից», – ասել է Միզինցևը։Ուկրաինայի զինված ուժերը 12 արկ են արձակել քաղաքների վրա․ ԴԺՀ իշխանություններԳեներալի խոսքով` Չերկասիի շտապօգնության շենքում ուկրաինացի զինյալները հենակետ, սպառազինության և զինամթերքի պահեստներ են կահավորել, դիրքավորվել ու կրակակետեր են տեղակայել, ականապատել են շենքի մուտքերը, սակայն այդ մասին միտումնավոր չեն նախազգուշացրել տեղի բնակչությանը ։«ԴԺՀ–ի Կրամատորսկ քաղաքում` №3 քաղաքային հիվանդանոցի շենքում, նեոնացիստները զորանոցներ ու կրակակետեր են կահավորել։ Միևնույն ժամանակ բուժանձնակազմն ու բուժառուները չեն տարհանվել, և նրանք փաստացի օգտագործվում են որպես կենդանի վահան», – հավելել է Միզինցևը։Բացի այդ, ըստ նրա, ԴԺՀ–ի մեկ այլ բնակավայրում` Զալիզնոյե գյուղում, Պիոներների պողոտայում գտնվող քաղաքային հիվանդանոցի տարածքում ազգային գումարտակների անդամները հրետանի և ՀԿՌՀ են տեղակայել, որոնցից պարբերաբար գնդակոծում են մերձակա բնակավայրերը։«Ուկրաինայի իշխանությունների այսօրինակ հանցավոր գործողությունները ցուցադրում են սեփական քաղաքացիների ճակատագրերի նկատմամբ բացարձակ անտարբերությունը և բարոյականության նորմերի ու միջազգային մարդասիրական իրավունքի սկզբունքների լիովին անտեսումը», – ընդգծել է Միզինցևը։Անդրադառնալով ուկրաինական հացահատիկի արտահանման թեմային`գեներալը հայտնել է, որ եգիպտացորենով ու ալյուրով բեռնված ևս երկու բեռնանավեր «Ուկրաինայի նավահանգիստներից հացահատիկի անվտանգ տեղափոխման հարցով փոխըմբռնման նախաձեռնության» շրջանակում Լիբերիա և Թուրքիա են մեկնել Ուկրաինայի Չեрնոմորսկ քաղաքից։Նրա խոսքով` օգոստոսի ընթացքում ընդհանուր առմամբ ուկրաինական նավահանգիստներից 12 նավ է դուրս եկել։Միզինցևը հիշեցրել է, որ նավագնացությանը սպառնացող վտանգը պահպանվում է, նավահանգստային ենթակառուցվածքները կարող են վնասվել խարսխից պոկված ուկրաինական ականների պատճառով:Նավահանգիստներից վեցում (Խերսոն, Նիկոլաև, Չեռնոմորսկ, Օչակով, Օդեսա և Յուժնի) 14 պետության 59 օտարերկրյա նավ կա արգելափակված։Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։Ուկրաինայում մարտական գործողություններն ընթանում են արդեն 167-րդ օրը։
ուկրաինա
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, ուկրաինա, միխայիլ միզինցև
ռուսաստան, ուկրաինա, միխայիլ միզինցև
Գրոհայինները տեղավորվել են հակատուբերկուլյոզային դիսպանսերում` վտարելով հիվանդներին. ՌԴ ՊՆ
23:35 09.08.2022 (Թարմացված է: 23:41 09.08.2022) Ռուս գեներալն ընդգծել է, որ Ուկրաինայի իշխանությունների գործողությունները ցուցադրում են սեփական քաղաքացիների ճակատագրերի նկատմամբ լիակատար անտարբերությունը։
ԵՐԵՎԱՆ, 9 օգոստոսի – Sputnik. Ուկրաինայի զինվորականները Նիկոլաևի մարզում հակատուբերկուլյոզային դիսպանսերից վտարել են հիվանդներին, որպեսզի այնտեղ տարածքային պաշտպանության ստորաբաժանումներ տեղակայեն։ Այս հայտարարությունն արել է ՌԴ պաշտպանության կառավարման ազգային կենտրոնի պետ, գեներալ-գնդապետ Միխայիլ Միզինցևը։
«Նադբուգսկոյե գյուղի (Նիկոլաևի մարզ) հակատուբերկուլյոզային դիսպանսերի շենքում տարածքային պաշտպանության ստորաբաժանումներ են տեղակայվել, զենքի և զինամթերքի պահեստ է կահավորվել, իսկ բոլոր հիվանդներին, անկախ նրանց առողջական վիճակից, լկտիաբար վռնդել են բուժհաստատությունից», – ասել է Միզինցևը։
Գեներալի խոսքով` Չերկասիի շտապօգնության շենքում ուկրաինացի զինյալները հենակետ, սպառազինության և զինամթերքի պահեստներ են կահավորել, դիրքավորվել ու կրակակետեր են տեղակայել, ականապատել են շենքի մուտքերը, սակայն այդ մասին միտումնավոր չեն նախազգուշացրել տեղի բնակչությանը ։
«ԴԺՀ–ի Կրամատորսկ քաղաքում` №3 քաղաքային հիվանդանոցի շենքում, նեոնացիստները զորանոցներ ու կրակակետեր են կահավորել։ Միևնույն ժամանակ բուժանձնակազմն ու բուժառուները չեն տարհանվել, և նրանք փաստացի օգտագործվում են որպես կենդանի վահան», – հավելել է Միզինցևը։
Բացի այդ, ըստ նրա, ԴԺՀ–ի մեկ այլ բնակավայրում` Զալիզնոյե գյուղում, Պիոներների պողոտայում գտնվող քաղաքային հիվանդանոցի տարածքում ազգային գումարտակների անդամները հրետանի և ՀԿՌՀ են տեղակայել, որոնցից պարբերաբար գնդակոծում են մերձակա բնակավայրերը։
«Ուկրաինայի իշխանությունների այսօրինակ հանցավոր գործողությունները ցուցադրում են սեփական քաղաքացիների ճակատագրերի նկատմամբ բացարձակ անտարբերությունը և բարոյականության նորմերի ու միջազգային մարդասիրական իրավունքի սկզբունքների լիովին անտեսումը», – ընդգծել է Միզինցևը։
Անդրադառնալով ուկրաինական հացահատիկի արտահանման թեմային`գեներալը հայտնել է, որ եգիպտացորենով ու ալյուրով բեռնված ևս երկու բեռնանավեր «Ուկրաինայի նավահանգիստներից հացահատիկի անվտանգ տեղափոխման հարցով փոխըմբռնման նախաձեռնության» շրջանակում Լիբերիա և Թուրքիա են մեկնել Ուկրաինայի Չեрնոմորսկ քաղաքից։
Նրա խոսքով` օգոստոսի ընթացքում ընդհանուր առմամբ ուկրաինական նավահանգիստներից 12 նավ է դուրս եկել։
Միզինցևը հիշեցրել է, որ նավագնացությանը սպառնացող վտանգը պահպանվում է, նավահանգստային ենթակառուցվածքները կարող են վնասվել խարսխից պոկված ուկրաինական ականների պատճառով:
Նավահանգիստներից վեցում (Խերսոն, Նիկոլաև, Չեռնոմորսկ, Օչակով, Օդեսա և Յուժնի) 14 պետության 59 օտարերկրյա նավ կա արգելափակված։
Հիշեցնենք` փետրվարի 24-ի վաղ առավոտյան
Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 167-րդ օրը։
