https://arm.sputniknews.ru/20220806/hh-n-karvogh-e-cvoreni-inqnabavutjan-makardaky-hascnel-50-i-ekvonvomikaji-nakhararutjun-46324291.html

ՀՀ-ն կարող է ցորենի ինքնաբավության մակարդակը հասցնել 50%-ի․ էկոնոմիկայի նախարարություն

ՀՀ-ն կարող է ցորենի ինքնաբավության մակարդակը հասցնել 50%-ի․ էկոնոմիկայի նախարարություն

Sputnik Արմենիա

Ցորենով ապահովելու հարցը կառավարության և մասնավորապես էկոնոմիկայի նախարարության ուշադրության կենտրոնում է։ 06.08.2022, Sputnik Արմենիա

2022-08-06T19:20+0400

2022-08-06T19:20+0400

2022-08-07T10:55+0400

հայաստան

հացահատիկ

ցորեն

գարի

ռուսաստան

հեղինակներ

https://cdn.am.sputniknews.ru/img/2354/98/23549856_0:85:1600:985_1920x0_80_0_0_66a1aa0712307fcec59ddf979087fdfa.jpg

ԵՐԵՎԱՆ, 6 օգոստոսի – Sputnik, Հայաստանը կարող է ավելացնել ցորենով ինքնապահովումը և այն գրեթե 50 տոկոսի հասցնել վարելահողերի տարածքի և աշնանացան ցորենի ցանքատարածությունների ավելացման հաշվին։ Ինչպես Sputnik Արմենիայի գրավոր հարցմանն ի պատասխան հայտնում են ՀՀ էկոնոմիկայի նախարարությունից, 2021 թվականի տվյալներով` մեր երկիրն իրեն ցորենով է ապահովում ընդամենը մեկ քառորդով (26,4%)։ Մինչդեռ 2000-ականներին այդ ցուցանիշը հասնում էր 45%-ի։Ավելի վաղ ՀՀ էկոնոմիկայի նախարար Վահան Քերոբյանը հայտարարել է, որ կառավարությունը շարունակում է քննարկել հողային բարեփոխումները, որոնց նպատակն է վերսկսել լքված հողերի մշակումը (Հայաստանում վարելահողերի մոտ 50 տոկոսը չի օգտագործվում): Արդյունքում մինչև 2023 թ.-ի մարտի վերջ կառավարությունը կգույքագրի բոլոր դատարկ հողատարածքները՝ ագրոբիզնեսում ներդրողներ ներգրավելու համար։Էկոնոմիկայի նախարարության ներկայացրած տվյալների համաձայն՝ Հայաստանում աշնանացան ցորենի ցանքատարածությունը 2019 թ․-ին կազմել է 59 906 հեկտար, իսկ 2021 թ․-ին այդ ցուցանիշը կրճատվել է 796 հեկտարով՝ կազմելով 59 110 հա: Դա հանգեցրել է նաև համախառն բերքի նվազմանը՝ 2019 թ․-ի 112 621 տոննայից 2021 թվականին հասնելով 97 160 տոննայի:Նախարարությունից նշել են, որ հանրապետությունում ցանքատարածությունը կարող է աճել շուրջ 22 հազար հեկտարով և հասնել մինչև 81 հազար հեկտարի: Դրա հաշվին համախառն բերքը կարող է կազմել տարեկան 162 հազար տոննա։ Հաշվի առնելով ցորենի միջին տարեկան պահանջարկը (385 հազար տոննա)` հացահատիկի ինքնապահովումը Հայաստանում կարող է հասնել 45%-ի։Իսկ մյո՞ւս մշակաբույսերըԳերատեսչությունից տեղեկացնում են, որ ՀՀ կառավարությունը գյուղատնտեսության ոլորտի զարգացումը խթանելու համար պետական օժանդակ ծրագրեր է իրականացնում։ Քննարկվում է նաև հացահատիկի աճեցման խթանման ծրագրերի իրականացման հնարավորությունը։Ինչ վերաբերում է ցանքատարածություններին և հացահատիկային մշակաբույսերի համախառն բերքին (ցորեն, գարի, եգիպտացորեն), ապա վերջին երեք տարվա ընթացքում ցուցանիշները մի շարք փոփոխությունների են ենթարկվել։Այսպես` ՀՀ-ում 2021 թվականին գրեթե կրկնակի պակաս (37 510 տոննա) գարու բերք են հավաքել, քան 2019 թվականին (68 333 տոննա)։ Այդ ցուցանիշը եռակի պակաս է 2020 թվականի ցուցանիշից (89 986 տոննա)։Ընդ որում` ցանքատարածությունն էականորեն չի փոխվել։ 2019 թ․-ին այն կազմել է 50 948 հա, 2020թ․-ին՝ 50 294 հա, 2021թ․-ին՝ 50 632 հա։Իսկ աճեցվող եգիպտացորենի ծավալները 2021 թ․-ին (6292 տոննա) 2019 թ․-ի համեմատ (4758 տոննա) ավելացել են 1534 տոննայով։ 2020 թ․-ին երկրում հավաքվել է 6467 տոննա եգիպտացորեն։Եգիպտացորենի ցանքատարածությունը մի փոքր մեծացել է։ 2019 թ․-ին այն կազմել է 1145 հա, 2020թ․-ին՝ 1242 հա, 2021թ․-ին՝ 1212 հա։Նախարարությունից նշում են, որ իշխանությունները ցանքատարածությունների ավելացման խնդիր են դրել։Իսկ Ռուսաստանն ու արտահանման արգե՞լքըԳերատեսչությունից պարզաբանում են, որ Ռուսաստանից ԵԱՏՄ անդամ երկրներ հացահատիկային մշակաբույսերի արտահանման սահմանափակման հարցը քննարկվել է միության հարթակում և լուծվել է հօգուտ մեր երկրի: Հայաստանի համար այդ սահմանափակումը վերացել է, և հայկական շուկայի վրա այն չի անդրադարձել։Տարեսկզբից մինչև հուլիսի 25-ը Ռուսաստանից Հայաստան է ներմուծվել շուրջ 160 հազար տոննա ցորեն, 26,4 հազար տոննա գարի և 52 հազար տոննա եգիպտացորեն: 2022 թվականին նախատեսվում է երկիր ներմուծել 295 հազար տոննա ցորեն, 33 հազար տոննա գարի և 68 հազար տոննա եգիպտացորեն:Հացահատիկի միջին տարեկան պահանջարկը կազմում է 527 հազար տոննա, որից ցորեն՝ 385 հազար տոննա, գարի՝ 70 հազար տոննա, եգիպտացորեն՝ 72 հազար տոննա։2021 թվականին Հայաստանը ՌԴ-ից ներմուծել է մոտ 359,7 հազար տոննա կամ հացահատիկի ընդհանուր ներմուծման 97,8%-ը (ընդհանուր առմամբ ներկրվել է 367,9 հազար տոննա)։ Այստեղ ցորենի բաժինը կազմում է 269,8 հազար տոննա, գարու բաժինը՝ 34,4 հազար տոննա, եգիպտացորենի բաժինը՝ 47,2 հազար տոննա ։2020 թ․-ին Հայաստանը ՌԴ-ից ներմուծել է շուրջ 409 հազար տոննա հացահատիկ, որում ցորենի բաժինը կազմում է 305,9 հազար տոննա, գարու բաժինը՝ 23,7 հազար տոննա, եգիպտացորենինը՝ 34,4 հազար տոննա։ Ամենաքիչ հացահատիկը ՌԴ-ից ներկրվել է 2019 թվականին, երբ ցուցանիշը կազմել է 290,3 հազար տոննա. ցորենի բաժինը՝ 221,7 հազար տոննա, գարու բաժինը՝ 21,4 հազար տոննա, եգիպտացորենինը՝ 47,2 հազ. տոննա։

2022

Լուրեր

am_HY

հայաստան, հացահատիկ, ցորեն, գարի, ռուսաստան, հեղինակներ