Շառլ Միշելը հեռախոսազրույցներ է ունեցել Փաշինյանի ու Ալիևի հետ. ի՞նչ են քննարկել նրանք
23:19 05.08.2022 (Թարմացված է: 23:23 05.08.2022)
Եվրոպական խորհրդի նախագահ Շառլ Միշելը պատասխանում է լրագրողների հարցերին Հայաստանի և Ադրբեջանի առաջնորդների հետ համատեղ հանդիպումից հետո (6 ապրիլի, 2022թ). Բրյուսել. Արխիվային լուսանկար
Բաժանորդագրվել
ԵՐԵՎԱՆ, 5 օգոստոսի – Sputnik. Եվրախորհրդի նախագահ Շառլ Միշելը առանձնազրույցներ է ունեցել ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։ Այս մասին նա հայտնել է Twitter-ի իր էջում։
«Միասին աշխատում ենք դեէսկալացիան ապահովելու ու կապերի հաստատման ուղղությամբ»,– գրել է Միշելը։
I had separate calls with @azpresident Aliyev and PM @NikolPashinyan on the latest developments in the region.
— Charles Michel (@CharlesMichel) August 5, 2022
Working together to ensure de-escalation and open connections.
Հիշեցնենք, որ Եվրամիությունն օգոստոսի 3-ին Հայաստանին և Ադրբեջանին կոչ էր արել Լաչինի միջանցքի և շփման գծի այլ հատվածներում դադարեցնել ռազմական գործողությունները և վերադառնալ բանակցությունների։
Օգոստոսի 4-ին Արցախում ստեղծված իրավիճակով պայմանավորված իր մտահոգությունն էր հայտնել նաև ԱՄՆ–ն։
Նույն օրը ՌԴ ԱԳՆ–ն նույնպես ծայրահեղ մտահոգություն էր հայտնել Լաչինի միջանցքի տարածքում և շփման գծի այլ հատվածներում լարվածության աճի կապակցությամբ։
Հավելենք, որ օգոստոսի 3-ին ժամը 09։00-ից ադրբեջանական ստորաբաժանումները թիրախավորել են ՊԲ մարտական դիրքերն ու զորամասերից մեկի մշտական տեղակայման վայրը՝ կիրառելով տարբեր տրամաչափի հրաձգային զինատեսակներ, ականանետներ, նռնականետներ և հարվածային ԱԹՍ-ներ։ Հայկական կողմն ունի 2 զոհ և 19 վիրավոր։
