Ադրբեջանը պետք է դադարեցնի ռազմական գործողությունները ԼՂ ժողովրդի դեմ. Մենենդես
20:45 05.08.2022 (Թարմացված է: 21:00 05.08.2022)
© AP Photo / Alex BrandonԲոբ Մենենդեսը
![Բոբ Մենենդեսը Բոբ Մենենդեսը - Sputnik Արմենիա, 1920, 05.08.2022](https://cdn.am.sputniknews.ru/img/2140/13/21401372_0:0:1601:901_1920x0_80_0_0_92e5e53d8ad1b4c73322dbbc25d9799b.jpg)
Բոբ Մենենդեսը. Արխիվային լուսանկար
© AP Photo / Alex Brandon
Բաժանորդագրվել
Ամերիկացի սենատորը շեշտում է՝ ադրբեջանական ուժերը պետք է հեռանան տարածաշրջանից։
ԵՐԵՎԱՆ, 5 օգոստոսի - Sputnik. ԱՄՆ-ի Սենատի միջազգային հարաբերությունների հանձնաժողովի անդամ Ռոբերտ Մենենդեսը դատապարտող հայտարարություն է տարածել Ադրբեջանի ագրեսիվ գործողությունների առնչությամբ:
«Լեռնային Ղարաբաղում Ադրբեջանի մահաբեր հարձակումները ոչ միայն հրադադարի ռեժիմի խախտում են, այլև ագրեսիայի նրա վերջին մոդելի անընդունելի շարունակությունն են։ Ադրբեջանական ուժերը պետք է հեռանան տարածաշրջանից և դադարեցնեն ռազմական գործողությունները Լեռնային Ղարաբաղի ժողովրդի դեմ»,- «Թվիթեր»-ի իր էջում գրել է Մենենդեսը:
Azerbaijan’s deadly attacks in Nagorno-Karabakh are not only in violation of the ceasefire but also an unacceptable continuation of its recent pattern of aggression. Azerbaijani forces must withdraw from the region & end hostilities against the people of Nagorno-Karabakh. https://t.co/y3gqUeZ9Bd
— Senate Foreign Relations Committee (@SFRCdems) August 5, 2022
Հիշեցնենք` օգոստոսի 3-ին ժամը 09։00-ից ադրբեջանական ստորաբաժանումները թիրախավորել են ՊԲ մարտական դիրքերն ու զորամասերից մեկի մշտական տեղակայման վայրը՝ կիրառելով տարբեր տրամաչափի հրաձգային զինատեսակներ, ականանետներ, նռնականետներ և հարվածային ԱԹՍ-ներ։ Հայկական կողմն ունի 2 զոհ և 19 վիրավոր։
Հավելենք, որ Արցախի Քաշաթաղի շրջանի Աղավնո գյուղում ՏԿԵ նախարար Հայկ Խանումյանը տեղի բնակչության, համայնքի և շրջանի իշխանության ներկայացուցիչների հետ միասին քննարկել է Աղավնոյի, Ներքին Սուսի և Բերձորի բնակչության՝ մինչև սույն թվականի օգոստոսի 25-ը տարհանման հարցերը։