ԱՄՆ կոնգրեսական Փալոնը կոչ է արել կանգնեցնել Ադրբեջանի գործողություններն ընդդեմ Արցախի
10:02 04.08.2022 (Թարմացված է: 10:15 04.08.2022)
Ֆրանկ Փալոն. Արխիվային լուսանկար
© AFP 2024 / Zach Gibson / Getty Images via AFP
Բաժանորդագրվել
Ավելի վաղ Եվրամիությունն ու ԱՄՆ պետդեպարտամենտն էին Հայաստանին և Ադրբեջանին կոչ արել դադարեցնել ռազմական գործողությունները և վերադառնալ բանակցությունների։
ԵՐԵՎԱՆ, 4 օգոստոսի - Sputnik. ԱՄՆ Կոնգրեսի հայկական հարցերով հանձնաժողովի համանախագահ Ֆրանկ Փալոնը կոչ է արել Միացյալ Նահանգներին հնարավոր բոլոր միջոցներով կանգնեցնել Ադրբեջանի ղեկավարության գործողություններն ընդդեմ Արցախի բնակչության: Այս մասին Փալոնը գրառում է կատարել «Թվիթեր»-ի իր էջում:
«Սա Ալիևի կողմից Արցախի բնակչությանը Լաչինի միջանցքը փակելու նման անհեթեթ պահանջներով սպառնալու վերջին օրինակն է: Կոչ եմ անում ԱՄՆ պետդեպարտամենտին և ԵԱՀԿ-ում ԱՄՆ մշտական ներկայացուցչությանը դատապարտել այս գործողություններն ու օգտագործել ցանկացած հասանելի դիվանագիտական գործիք՝ կանգնեցնելու Ալիևի վտանգավոր գործողությունները»,- նշված է գրառման մեջ։
This is the latest example of Aliyev threatening the people of Artsakh over absurd demands like the closing of the Lachin corridor. I urge the @StateDept and @USOSCE to condemn these actions and use every diplomatic tool available to halt Aliyev's dangerous actions. https://t.co/IJXKc6c5eC
— Rep. Frank Pallone (@FrankPallone) August 3, 2022
Ավելի վաղ Եվրամիությունն ու ԱՄՆ պետդեպարտամենտն էին Հայաստանին և Ադրբեջանին կոչ արել դադարեցնել ռազմական գործողությունները և վերադառնալ բանակցությունների։
Հիշեցնենք` օգոստոսի 3-ին ժամը 09։00-ից ադրբեջանական ստորաբաժանումները թիրախավորել են ՊԲ մարտական դիրքերն ու զորամասերից մեկի մշտական տեղակայման վայրը՝ կիրառելով տարբեր տրամաչափի հրաձգային զինատեսակներ, ականանետներ, նռնականետներ և հարվածային ԱԹՍ-ներ։ Հայկական կողմն ունի 2 զոհ և 19 վիրավոր։
