https://arm.sputniknews.ru/20220801/vrezhkhndrutjan-harc-e-masis-abrahamjany-iren-hajreniq-chtoghnelu-masin-46061162.html
Վրեժխնդրության հարց է․ Մասիս Աբրահամյանը՝ իրեն հայրենիք չթողնելու մասին
Վրեժխնդրության հարց է․ Մասիս Աբրահամյանը՝ իրեն հայրենիք չթողնելու մասին
Sputnik Արմենիա
ՄԻՊ-ի գրասենյակից հանդիպել են Նիդեռլանդների Հայ դատի հանձնախմբի ատենապետին, խոստացել հանդիպում ապահովել փաստաբանի հետ։ 01.08.2022, Sputnik Արմենիա
2022-08-01T14:38+0400
2022-08-01T14:38+0400
2022-08-01T15:33+0400
հայ դատի գրասենյակ
նիդեռլանդներ
հայաստան
https://cdn.am.sputniknews.ru/img/07e6/08/01/46060863_0:351:1100:970_1920x0_80_0_0_3ce0392776406568a3952a93e0ba84f8.jpg
ԵՐԵՎԱՆ, 1 օգոստոսի - Sputnik. Դաշնակցականներն օրինապաշտ մարդիկ են, և եթե օրենքը պարտադրում է՝ թողնել երկիրն ու հեռանալ, ապա այդպես են անելու, բայց դա չի նշանակում, թե այս գործողություններն անպատասխան են մնալու։ Sputnik Արմենիայի հետ զրույցում նշեց Նիդեռլանդների Հայ դատի հանձնախմբի ատենապետ Մասիս Աբրահամյանը։ Հիշեցնենք՝ առավոտյան հայտնի դարձավ, որ նրա մուտքը Հայաստան ևս արգելված է։«Ես հատկապես ասելիք ունեմ ոչ անձամբ Նիկոլ Փաշինյանին, այլ նրան սատարող և նրա համար աշխատող մատնիչներին, որոնք ցանկ են կազմում և ուղարկում են, և այդ գործողություններն անպայման կստանան իրենց արժանի պատասխանը»,- շեշտեց Մասիս Աբրահամյանը։ ՀՅԴ Արևմտյան Եվրոպայի կենտրոնական կոմիտեն դատապարտում է երիտասարդի մուտքը ՀՀ արգելելըՄեզ հետ զրույցում նա նշեց, որ «Զվարթնոց» օդանավակայան է հասել այսօր առավոտյան ժամը 5-ի մոտակայքում։ Մինչ այս պահը գտնվում է օդանավակայանի տրանզիտային գոտում։ Ասում է՝ այս իրավիճակում միակ մխիթարությունն այն է, որ օդանավակայանի պատուհանից թեկուզ աղոտ, բայց Մասիս սարն է տեսնում։ Նրա խոսքով՝ իր հետ հանդիպել են աշխատակիցներ Հայաստանի Մարդու իրավունքների պաշտպանի գրասենյակից, ծանոթացել իրավիճակին և խոստացել, որ կապահովեն հանդիպում փաստաբանի հետ։ Աբրահամյանն ընդգծեց՝ պատրաստվում է փաստաբանի օգնությամբ բողոք ներկայացնել կատարվածի վերաբերյալ։Նշենք, որ ժամեր առաջ իրավապաշտպան Ռուբեն Մելիքյանը ֆեյսբուքյան իր էջում տեղեկացրեց, որ առաջարկ է ստացել ստանձնելու Մասիս Աբրահամյանի իրավունքների պաշտպանությունը և համաձայնել է։Աբրահամյանը հավելեց՝ մինչ այս պահն օդանավակայանում որևէ աշխատակից իրեն պատշաճ բացատրություն չի ներկայացրել, թե ինչու թույլ չեն տալիս մուտք գործել հայրենիք։Թեպետ այդպես էլ ոչ ոք չի պարզաբանել որոշման պատճառը, բայց Աբրահամյանն ասում է՝ դժվար չէ գուշակել։ Ասում է՝ Նիկոլ Փաշինյանի՝ Նիդեռլանդներ կատարած այցի ժամանակ իրենք իրենց ցույցերով հստակ ուղերձ հղեցին․ «Համաձայն չեն նրա պարտվողական և քստմնելի քաղաքականության հետ»։«Մեր այդ ցույցերը, ամենայն հավանականությամբ, դուր չեկան պարոն վարչապետին, և սա ուղղակի վրեժխնդրության հարց է»,- ընդգծեց նա։Անդրադառնալով այն հարցին, թե արդյոք հատուկ «վերաբերմունք» կա՞ Աբրահամյանների ընտանիքի հանդեպ (երեկ արգելվել է Մասիս Աբրահամյանի դստեր՝ Սյունեի մուտքը հայրենիք), Մասիս Աբրահամյանը նշեց՝ չի կարծում, թե այդպես է։ Հատուկ վերաբերմունքը ոչ թե ընտանիքի, այլ ազգային գործիչների հանդեպ է, այնպես է ստացվել, որ իրենց ընտանիքի անդամներն ակտիվ գործիչներ են, դրա համար էլ հայտնվել են Նիկոլ Փաշինյանի «սև ցուցակում»։Մասիս Աբրահամյանը Հայ դատի հարցերով ակտիվորեն զբաղվող արդեն երկրորդ գործիչն է, որի մուտքը Հայաստան արգելվել է։ Շաբաթներ առաջ նույն ճակատագրին արժանացավ ՀՅԴ բյուրոյի անդամ, Ֆրանսիայի հայկական կազմակերպությունների համակարգող խորհրդի (CCAF) համանախագահ Մուրադ Փափազյանը։«Փափազյանի փաստն արդեն սահմռկեցուցիչ էր՝ հային զրկել հայրենիք վերադառնալու իրավունքից, սա մեծագույն հանցանք է․ նման բան անում են հիմնականում թուրքերն ու ադրբեջանցիները, մենք հիմնականում այնտեղ ենք սև ցուցակում, եթե դա տեղի է ունենում այստեղ, սա նշանակում է, որ սա այլևս ոչ թե Հայաստանն է, այլ աստիճանաբար դառնում է թուրքական վիլայեթ»,- եզրափակեց Մասիս Աբրահամյանը։Հիշեցնենք՝ Մասիս Աբրահամյանը Նիդեռլանդների «Գարեգին Նժդեհ» երիտասարդական միության անդամ Սյունե Աբրահամյանի հայրն է, որին նույնպես թույլ չէին տվել մուտք գործել Հայաստան։Սյունեն հուլիսի 31-ին տեսանյութ է հրապարակել ֆեյսբուքյան իր էջում ու հայտնել, որ առանց որևէ բացատրության իրեն 12 ժամ պահել են օդանավակայանում, ինչից հետո տեղեկացրել են, որ չի կարող Հայաստան մուտք գործել, քանի որ անցանկալի անձ է ու պետք է վերադառնա Նիդեռլանդներ։Շաբաթներ առաջ էլ արգելվել է ՀՅԴ բյուրոյի անդամ, Ֆրանսիայի հայկական կազմակերպությունների համակարգող խորհրդի (CCAF) համանախագահ Մուրադ Փափազյանի մուտքը Հայաստան։ Նա հայտարարություն է տարածել, որում նշել է, որ պատրաստվում է պայքարել Հայաստան վերադառնալու համար։Փափազյանին վարչապետի գրասենյակից բացատրել են, որ Փափազյանի մուտքի արգելքի պատճառը 2021-ի հունիսի 1-ին Փարիզում Նիկոլ Փաշինյանի դեմ տեղի ունեցած բողոքի ցույցին մասնակցելն ու այդ ցույցը կազմակերպելն է:
նիդեռլանդներ
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայ դատի գրասենյակ, նիդեռլանդներ, հայաստան
հայ դատի գրասենյակ, նիդեռլանդներ, հայաստան
Վրեժխնդրության հարց է․ Մասիս Աբրահամյանը՝ իրեն հայրենիք չթողնելու մասին
14:38 01.08.2022 (Թարմացված է: 15:33 01.08.2022) ՄԻՊ-ի գրասենյակից հանդիպել են Նիդեռլանդների Հայ դատի հանձնախմբի ատենապետին, խոստացել հանդիպում ապահովել փաստաբանի հետ։
ԵՐԵՎԱՆ, 1 օգոստոսի - Sputnik. Դաշնակցականներն օրինապաշտ մարդիկ են, և եթե օրենքը պարտադրում է՝ թողնել երկիրն ու հեռանալ, ապա այդպես են անելու, բայց դա չի նշանակում, թե այս գործողություններն անպատասխան են մնալու։
Sputnik Արմենիայի հետ զրույցում նշեց Նիդեռլանդների Հայ դատի հանձնախմբի ատենապետ Մասիս Աբրահամյանը։ Հիշեցնենք՝ առավոտյան հայտնի դարձավ, որ նրա մուտքը Հայաստան ևս արգելված է։
«Ես հատկապես ասելիք ունեմ ոչ անձամբ Նիկոլ Փաշինյանին, այլ նրան սատարող և նրա համար աշխատող մատնիչներին, որոնք ցանկ են կազմում և ուղարկում են, և այդ գործողություններն անպայման կստանան իրենց արժանի պատասխանը»,- շեշտեց Մասիս Աբրահամյանը։
Մեզ հետ զրույցում նա նշեց, որ «Զվարթնոց» օդանավակայան է հասել այսօր առավոտյան ժամը 5-ի մոտակայքում։ Մինչ այս պահը գտնվում է օդանավակայանի տրանզիտային գոտում։ Ասում է՝ այս իրավիճակում միակ մխիթարությունն այն է, որ օդանավակայանի պատուհանից թեկուզ աղոտ, բայց Մասիս սարն է տեսնում։ Նրա խոսքով՝ իր հետ հանդիպել են աշխատակիցներ Հայաստանի Մարդու իրավունքների պաշտպանի գրասենյակից, ծանոթացել իրավիճակին և խոստացել, որ կապահովեն հանդիպում փաստաբանի հետ։ Աբրահամյանն ընդգծեց՝ պատրաստվում է փաստաբանի օգնությամբ բողոք ներկայացնել կատարվածի վերաբերյալ։
Նշենք, որ ժամեր առաջ իրավապաշտպան Ռուբեն Մելիքյանը ֆեյսբուքյան իր էջում տեղեկացրեց, որ առաջարկ է ստացել ստանձնելու Մասիս Աբրահամյանի իրավունքների պաշտպանությունը և համաձայնել է։
Աբրահամյանը հավելեց՝ մինչ այս պահն օդանավակայանում որևէ աշխատակից իրեն պատշաճ բացատրություն չի ներկայացրել, թե ինչու թույլ չեն տալիս մուտք գործել հայրենիք։
«Առավոտից արդեն բազմիցս հարցրել եմ մի քանի անգամ, աղաչել եմ, պաղատել եմ․ խնդրել եմ՝ ինձ տվեք մի թուղթ, որտեղ գրված կլինի, թե ինձ ինչու չեք թողնում երկիր մուտք գործել՝ հանցագո՞րծ եմ, վտա՞նգ եմ ներկայացնում երկրի անվտանգության համար։Աշխատակիցները պատասխանել են, որ լիազորված չեն պատասխանելու, ասել են՝ դիմեք պետական մարմիններին, որոնք այս որոշումը կայացրել են»,- նշում է Մասիս Աբրահամյանը։
Թեպետ այդպես էլ ոչ ոք չի պարզաբանել որոշման պատճառը, բայց Աբրահամյանն ասում է՝ դժվար չէ գուշակել։ Ասում է՝ Նիկոլ Փաշինյանի՝ Նիդեռլանդներ կատարած այցի ժամանակ իրենք իրենց ցույցերով հստակ ուղերձ հղեցին․ «Համաձայն չեն նրա պարտվողական և քստմնելի քաղաքականության հետ»։
«Մեր այդ ցույցերը, ամենայն հավանականությամբ, դուր չեկան պարոն վարչապետին, և սա ուղղակի վրեժխնդրության հարց է»,- ընդգծեց նա։
Անդրադառնալով այն հարցին, թե արդյոք հատուկ «վերաբերմունք» կա՞ Աբրահամյանների ընտանիքի հանդեպ (երեկ արգելվել է Մասիս Աբրահամյանի դստեր՝ Սյունեի մուտքը հայրենիք), Մասիս Աբրահամյանը նշեց՝ չի կարծում, թե այդպես է։ Հատուկ վերաբերմունքը ոչ թե ընտանիքի, այլ ազգային գործիչների հանդեպ է, այնպես է ստացվել, որ իրենց ընտանիքի անդամներն ակտիվ գործիչներ են, դրա համար էլ հայտնվել են Նիկոլ Փաշինյանի «սև ցուցակում»։
«Բարեբախտաբար, Հայաստան թույլ տվեցին մուտք գործել տիկնոջս և կրտսեր դստերս․ նրանք հիմա վայելում են Հայաստանի օդն ու ջուրը»։
Մասիս Աբրահամյանը Հայ դատի հարցերով ակտիվորեն զբաղվող արդեն երկրորդ գործիչն է, որի մուտքը Հայաստան արգելվել է։ Շաբաթներ առաջ նույն ճակատագրին արժանացավ ՀՅԴ բյուրոյի անդամ, Ֆրանսիայի հայկական կազմակերպությունների համակարգող խորհրդի (CCAF) համանախագահ Մուրադ Փափազյանը։
«Փափազյանի փաստն արդեն սահմռկեցուցիչ էր՝ հային զրկել հայրենիք վերադառնալու իրավունքից, սա մեծագույն հանցանք է․ նման բան անում են հիմնականում թուրքերն ու ադրբեջանցիները, մենք հիմնականում այնտեղ ենք սև ցուցակում, եթե դա տեղի է ունենում այստեղ, սա նշանակում է, որ սա այլևս ոչ թե Հայաստանն է, այլ աստիճանաբար դառնում է թուրքական վիլայեթ»,- եզրափակեց Մասիս Աբրահամյանը։
Հիշեցնենք՝ Մասիս Աբրահամյանը Նիդեռլանդների «Գարեգին Նժդեհ» երիտասարդական միության անդամ Սյունե Աբրահամյանի հայրն է, որին նույնպես թույլ չէին տվել մուտք գործել Հայաստան։
Սյունեն հուլիսի 31-ին տեսանյութ է հրապարակել ֆեյսբուքյան իր էջում ու հայտնել, որ առանց որևէ բացատրության իրեն 12 ժամ պահել են օդանավակայանում, ինչից հետո տեղեկացրել են, որ չի կարող Հայաստան մուտք գործել, քանի որ անցանկալի անձ է ու պետք է վերադառնա Նիդեռլանդներ։
Շաբաթներ առաջ էլ
արգելվել է ՀՅԴ բյուրոյի անդամ, Ֆրանսիայի հայկական կազմակերպությունների համակարգող խորհրդի (CCAF) համանախագահ Մուրադ Փափազյանի մուտքը Հայաստան։ Նա
հայտարարություն է տարածել, որում նշել է, որ պատրաստվում է պայքարել Հայաստան վերադառնալու համար։
Փափազյանին վարչապետի գրասենյակից բացատրել են, որ Փափազյանի մուտքի արգելքի պատճառը 2021-ի հունիսի 1-ին Փարիզում Նիկոլ Փաշինյանի դեմ տեղի ունեցած բողոքի ցույցին մասնակցելն ու այդ ցույցը կազմակերպելն է:
