https://arm.sputniknews.ru/20220730/ashnany-rdic-hh-qartajin-zbvosashrjikneri-bum-e-spasvum-turoperatvorneri-kankhatesumy-46006825.html
Աշնանը ՌԴ-ից ՀՀ «քարտային» զբոսաշրջիկների բում է սպասվում. տուրօպերատորների կանխատեսումը
Աշնանը ՌԴ-ից ՀՀ «քարտային» զբոսաշրջիկների բում է սպասվում. տուրօպերատորների կանխատեսումը
Sputnik Արմենիա
OneTwoTrip ճանապարհորդությունների ծառայության տվյալներով՝ Հայաստանն օգոստոսին ռուսաստանցիների հանգստի ամենատարածված ուղղությունների եռյակում է։ Եվ ոչ միայն... 30.07.2022, Sputnik Արմենիա
2022-07-30T15:54+0400
2022-07-30T15:54+0400
2022-07-30T16:25+0400
քարտ
զբոսաշրջություն
զբոսաշրջիկ
զբոսաշրջիկները սիրում են հայաստանը
https://cdn.am.sputniknews.ru/img/1601/88/16018814_0:0:1601:901_1920x0_80_0_0_2033f0c7bf1c6414ebdb45162ccdf680.jpg
Սերգեյ Լեսկով, SputnikԿրեդիտային քարտերով տուրերը գնալով ավելի տարածված են դառնումՍկզբում՝ պատվաստման նպատակով, հետո՝ վերականգնողական (COVID-19-ից հետո), այժմ էլ` քարտային տուրեր։ Վերջին տարիների ընթացքում ռուսական տուրիստական գործակալությունների գնացուցակում «հանգստի» համար նոր ուղղություններ են հայտնվել։ Visa և Mastercard բանկային քարտերով ճանապարհորդությունը, թերևս, ամենաթարմ տուրիստական առաջարկն է:«Հարսնացուն հյուսիսից». հայ զբոսաշրջիկների սրտերը գրաված թունիսցի զբոսավարի պատմությունըՆման տուրերի վաճառքները սկսվել են այս տարվա մարտ ամսին, այն բանից հետո, երբ միջազգային վճարային համակարգերը հեռացան Ռուսաստանից։ Ռուսական «Վեդի Գրուպ»-ում, որն առաջիններից էր, որ առաջարկել էր զբոսաշրջիկներին այս ծառայությունը, ասել են, որ նման ուղևորությունները ռեկորդներ չեն սահմանում, բայց որոշակի պահանջարկ են վայելում։«Մեր ընկերությունն այսօր հաշիվ բացելու համար ուղևորություններ է առաջարկում Ուզբեկստան, Հայաստան, Սերբիա։ Բայց, օրինակ, Բելգրադ այժմ դժվար է հասնել։ Նախ` տոմսերը թանկ են, ու նույնիսկ Մոսկվայում դրանք դժվար է գնել, երկրորդը՝ Սերբիայում քարտի ձևակերպման ընթացակարգը տևում է առնվազն մեկ շաբաթ, ավելի շատ փաստաթղթեր են պահանջվում, քան առաջին երկու երկրներում»,- ասում են «ՎԵԴԻ Գրուպ»-ի մենեջերները։Հայաստան և Ուզբեկստան գնալն ավելի շահավետ էՀիմնական ուղղությունները, որոնք ռուսաստանցիները նախընտրում են քարտային ուղևորությունների համար, ձևավորվել են գրեթե անմիջապես։ Բացարձակ առաջատարներն են Հայաստանն ու Ուզբեկստանը։ Փորձագետները պարզաբանումեն՝ էժան է, հուսալի և արագ։Երկու երկրներում էլ անհրաժեշտ կլինեն միայն արտասահմանյան անձնագրերի պատճենները, իսկ Հայաստանում՝ վերջին տարվա եկամուտների մասին լրացուցիչ տեղեկանք։ Բացի այդ, Երևանի բանկում կարելի է հաշիվ բացել առնվազն հինգ օր անց, իսկ Տաշքենդում՝ երկու օր:«Քարտային» զբոսաշրջիկներն ավելի շատ կլինենՏուրինդուստրիայի ռուսական միության տեղեկատվության համաձայն՝ այսօր մեկ շաբաթվա ընթացքում միջին հաշվով տուրօպերատորները ստանում են 100-ից 150 քարտային տուրերի հայտ:Հատկանշական է, որ OneTwoTrip-ի առցանց ճանապարհորդական ծառայության տվյալներով՝ և՛ Հայաստանը, և՛ Ուզբեկստանը ռուսաստանցիների շրջանում ամենատարածված ուղղությունների եռյակում են հայտնվել օգոստոսի համար նախատեսված տուրերով: Համացանցում որոնման մասնաբաժինը կազմել է համապատասխանաբար 9,8% ու 9,5%։5 երկիր ու 4 ուղղություն. որ երկրներից ու ինչի համար են Հայաստան գալիս զբոսաշրջիկներըՎարկանիշը գլխավորել է Թուրքիան՝ 20,3% արդյունքով, իսկ տասնյակը եզրափակում է Բելառուսը՝ 2,6%։Տուրինդուստրիայի ռուսական միության մասնագետները կանխատեսում են, որ «քարտային տուրերի» նկատմամբ հետաքրքրության ամենամեծ աճը կլինի աշնանը: Փորձագետների կարծիքով՝ սա եղանակային պայմանների տեսանկյունից ուղևորության համար առավել բարենպաստ ժամանակն է։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
քարտ, զբոսաշրջություն , զբոսաշրջիկ, զբոսաշրջիկները սիրում են հայաստանը
քարտ, զբոսաշրջություն , զբոսաշրջիկ, զբոսաշրջիկները սիրում են հայաստանը
Աշնանը ՌԴ-ից ՀՀ «քարտային» զբոսաշրջիկների բում է սպասվում. տուրօպերատորների կանխատեսումը
15:54 30.07.2022 (Թարմացված է: 16:25 30.07.2022) OneTwoTrip ճանապարհորդությունների ծառայության տվյալներով՝ Հայաստանն օգոստոսին ռուսաստանցիների հանգստի ամենատարածված ուղղությունների եռյակում է։ Եվ ոչ միայն հարուստ բնության և համեղ խոհանոցի պատճառով։ Զբոսաշրջիկներին գրավում են, այսպես կոչված, «քարտային տուրերը»։
Կրեդիտային քարտերով տուրերը գնալով ավելի տարածված են դառնում
Սկզբում՝ պատվաստման նպատակով, հետո՝ վերականգնողական (COVID-19-ից հետո), այժմ էլ` քարտային տուրեր։ Վերջին տարիների ընթացքում ռուսական տուրիստական գործակալությունների գնացուցակում «հանգստի» համար նոր ուղղություններ են հայտնվել։ Visa և Mastercard բանկային քարտերով ճանապարհորդությունը, թերևս, ամենաթարմ տուրիստական առաջարկն է:
Նման տուրերի վաճառքները սկսվել են այս տարվա մարտ ամսին, այն բանից հետո, երբ միջազգային վճարային համակարգերը հեռացան Ռուսաստանից։ Ռուսական «Վեդի Գրուպ»-ում, որն առաջիններից էր, որ առաջարկել էր զբոսաշրջիկներին այս ծառայությունը, ասել են, որ նման ուղևորությունները ռեկորդներ չեն սահմանում, բայց որոշակի պահանջարկ են վայելում։
«Մեր ընկերությունն այսօր հաշիվ բացելու համար ուղևորություններ է առաջարկում Ուզբեկստան, Հայաստան, Սերբիա։ Բայց, օրինակ, Բելգրադ այժմ դժվար է հասնել։ Նախ` տոմսերը թանկ են, ու նույնիսկ Մոսկվայում դրանք դժվար է գնել, երկրորդը՝ Սերբիայում քարտի ձևակերպման ընթացակարգը տևում է առնվազն մեկ շաբաթ, ավելի շատ փաստաթղթեր են պահանջվում, քան առաջին երկու երկրներում»,- ասում են «ՎԵԴԻ Գրուպ»-ի մենեջերները։
Հայաստան և Ուզբեկստան գնալն ավելի շահավետ է
Հիմնական ուղղությունները, որոնք ռուսաստանցիները նախընտրում են քարտային ուղևորությունների համար, ձևավորվել են գրեթե անմիջապես։ Բացարձակ առաջատարներն են Հայաստանն ու Ուզբեկստանը։ Փորձագետները պարզաբանումեն՝ էժան է, հուսալի և արագ։
Երկու երկրներում էլ անհրաժեշտ կլինեն միայն արտասահմանյան անձնագրերի պատճենները, իսկ Հայաստանում՝ վերջին տարվա եկամուտների մասին լրացուցիչ տեղեկանք։ Բացի այդ, Երևանի բանկում կարելի է հաշիվ բացել առնվազն հինգ օր անց, իսկ Տաշքենդում՝ երկու օր:
«Քարտային» զբոսաշրջիկներն ավելի շատ կլինեն
Տուրինդուստրիայի ռուսական միության տեղեկատվության համաձայն՝ այսօր մեկ շաբաթվա ընթացքում միջին հաշվով տուրօպերատորները ստանում են 100-ից 150 քարտային տուրերի հայտ:
Հատկանշական է, որ OneTwoTrip-ի առցանց ճանապարհորդական ծառայության տվյալներով՝ և՛ Հայաստանը, և՛ Ուզբեկստանը ռուսաստանցիների շրջանում ամենատարածված ուղղությունների եռյակում են հայտնվել օգոստոսի համար նախատեսված տուրերով: Համացանցում որոնման մասնաբաժինը կազմել է համապատասխանաբար 9,8% ու 9,5%։
Վարկանիշը գլխավորել է Թուրքիան՝ 20,3% արդյունքով, իսկ տասնյակը եզրափակում է Բելառուսը՝ 2,6%։
Տուրինդուստրիայի ռուսական միության մասնագետները կանխատեսում են, որ «քարտային տուրերի» նկատմամբ հետաքրքրության ամենամեծ աճը կլինի աշնանը: Փորձագետների կարծիքով՝ սա եղանակային պայմանների տեսանկյունից ուղևորության համար առավել բարենպաստ ժամանակն է։
