https://arm.sputniknews.ru/20220729/paterazmi-200-masnakic-ajs-tari-ashkhatanq-kunena-pashtvonjan-patmel-e-nvor-tsragri-masin-45953241.html
Պատերազմի 200 մասնակից այս տարի աշխատանք կունենա. պաշտոնյան պատմել է նոր ծրագրի մասին
Պատերազմի 200 մասնակից այս տարի աշխատանք կունենա. պաշտոնյան պատմել է նոր ծրագրի մասին
Sputnik Արմենիա
Գործատուներն աշխատանքի և սոցիալական հարցերի նախարարությանը պետք է տեղեկացնեն իրենց մոտ եղած թափուր աշխատեղերի մասին, իսկ գործազուրկ շահառուները դիմեն` այս... 29.07.2022, Sputnik Արմենիա
2022-07-29T13:41+0400
2022-07-29T13:41+0400
2022-07-29T14:58+0400
աշխատանք
պատերազմ
հաշմանդամ
պիլոտային ծրագիր
https://cdn.am.sputniknews.ru/img/07e6/02/0c/38608301_0:84:1600:984_1920x0_80_0_0_dade435ccdbdeecd0cab149bbe5b0670.jpg
ԵՐԵՎԱՆ, 29 հուլիսի – Sputnik. Պետությունը կաջակցի Ադրբեջանի սանձազերծած ապրիլյան և 44-օրյա պատերազմներին մասնակցած անձանց, որպեսզի նրանք աշխատանք գտնեն։ Այս մասին ասուլիսի ժամանակ ասաց ՀՀ աշխատանքի և սոցիալական հարցերի նախարարության աշխատանքի և զբաղվածության վարչության պետ Ժորա Սարգսյանը։Նա նշեց, որ այս տարի ծրագիրը նախատեսվել է իրականացնել 200 շահառուի համար, քանի որ այն դեռևս պիլոտային է, բայց հնարավոր է` հաջորդ տարի ընդլայնվի։ Ծրագիրը կառավարությունը հաստատել է հուլիսի 21-ին։Գործատուն իր համար նոր աշխատակից ընտրելուց հետո պետք է դիմի Միասնական սոցիալական կենտրոն, որպեսզի պայմանագիր կնքվի (գործատուի, շահառուի ու տարածքային կենտրոնի միջև)։Կողմերի համագործակցության համար կա 3 տարբերակ. առաջինի դեպքում նախքան աշխատանքի անցնելը գործատուն շահառուին առաջարկում է վերապատրաստում, երկրորդի ժամանակ աշխատանքային պրակտիկա է անցնում շահառուն, իսկ երրորդի դեպքում անմիջապես աշխատանքի է անցնում։Պատերազմում հաշմանդամություն ստացած քաղաքացիները կորցնում են աշխատանքըՅուրաքանչյուր գործընթացից հետո գործատուն պայմանագիր պետք է կնքի շահառուի հետ առնվազն 1 տարի ժամկետով։Ուսուցումը տևում է առավելագույնը 5 ամիս, ու յուրաքանչյուր ամսվա համար պետությունն առավելագույնը վճարում է 50 հազար դրամ։ Շահառուին ամսական տրվելու է նաև 34 հազար դրամ կրթաթոշակ, որպեսզի վերջինս կարողանա հոգալ տրանսպորտի և սննդի հարցը։Պրակտիկայի պարագայում առավելագույն ժամանակահատվածը լինելու է 3 ամիս, վճարվելու է նվազագույն աշխատավարձի չափով (68 հազար դրամ, պետությունը տալու է նաև հարկերը)։ Անմիջապես աշխատանքի անցնելու դեպքում պետությունը գործատուին միանվագ աջակցություն է ցուցաբերում 300 հազար դրամի սահմաններում։«Վերք չի, բացակայող վերջույթ է». զինհաշմանդամների բողոքն ու պատկան մարմինների արձագանքըԺորա Սարգսյանի խոսքով` թափուր աշխատատեղեր կան տեղեկատվական տեխնոլոգիաների, սպասարկման, մարքեթինգի ոլորտներում, վերջերս էլ ավելացել են նաև իրավաբանական ծառայություններ մատուցելու առաջարկները։Նա ընդգծեց, որ աշխատաշուկայում պահանջարկ կա ոչ միայն բարձրագույն, այլև միջին մասնագիտական կրթություն ստացած անձանց շրջանում։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
աշխատանք, պատերազմ, հաշմանդամ, պիլոտային ծրագիր
աշխատանք, պատերազմ, հաշմանդամ, պիլոտային ծրագիր
Պատերազմի 200 մասնակից այս տարի աշխատանք կունենա. պաշտոնյան պատմել է նոր ծրագրի մասին
13:41 29.07.2022 (Թարմացված է: 14:58 29.07.2022) Գործատուներն աշխատանքի և սոցիալական հարցերի նախարարությանը պետք է տեղեկացնեն իրենց մոտ եղած թափուր աշխատեղերի մասին, իսկ գործազուրկ շահառուները դիմեն` այս ծրագրին մասնակից դառնալու համար։
ԵՐԵՎԱՆ, 29 հուլիսի – Sputnik. Պետությունը կաջակցի Ադրբեջանի սանձազերծած ապրիլյան և 44-օրյա պատերազմներին մասնակցած անձանց, որպեսզի նրանք աշխատանք գտնեն։ Այս մասին ասուլիսի ժամանակ ասաց ՀՀ աշխատանքի և սոցիալական հարցերի նախարարության աշխատանքի և զբաղվածության վարչության պետ Ժորա Սարգսյանը։
Նա նշեց, որ այս տարի ծրագիրը նախատեսվել է իրականացնել 200 շահառուի համար, քանի որ այն դեռևս պիլոտային է, բայց հնարավոր է` հաջորդ տարի ընդլայնվի։ Ծրագիրը
կառավարությունը հաստատել է հուլիսի 21-ին։
«Մենք մի քանի ուղղությամբ աջակցություն ենք նախատեսում ինչպես գործազուրկների, այնպես էլ գործատուների համար։ Վերջինս պետք է ունենա որևէ թափուր աշխատատեղ ու տեղեկացնի մեզ այդ մասին, որպեսզի մենք էլ ֆինանսական օգնություն ցուցաբերենք ու աջակցենք պատերազմի մասնակցին աշխատանքի տեղավորելու հարցում։ Մեզ մոտ եղած բազայից, որտեղ հաշվառված են գործազուրկները, կարողանում ենք գտնել անհրաժեշտ մասնագետին ու առաջարկել գործատուին»,- նշեց Սարգսյանը։
Գործատուն իր համար նոր աշխատակից ընտրելուց հետո պետք է դիմի Միասնական սոցիալական կենտրոն, որպեսզի պայմանագիր կնքվի (գործատուի, շահառուի ու տարածքային կենտրոնի միջև)։
Կողմերի համագործակցության համար կա 3 տարբերակ. առաջինի դեպքում նախքան աշխատանքի անցնելը գործատուն շահառուին առաջարկում է վերապատրաստում, երկրորդի ժամանակ աշխատանքային պրակտիկա է անցնում շահառուն, իսկ երրորդի դեպքում անմիջապես աշխատանքի է անցնում։
Յուրաքանչյուր գործընթացից հետո գործատուն պայմանագիր պետք է կնքի շահառուի հետ առնվազն 1 տարի ժամկետով։
Ուսուցումը տևում է առավելագույնը 5 ամիս, ու յուրաքանչյուր ամսվա համար պետությունն առավելագույնը վճարում է 50 հազար դրամ։ Շահառուին ամսական տրվելու է նաև 34 հազար դրամ կրթաթոշակ, որպեսզի վերջինս կարողանա հոգալ տրանսպորտի և սննդի հարցը։
Պրակտիկայի պարագայում առավելագույն ժամանակահատվածը լինելու է 3 ամիս, վճարվելու է նվազագույն աշխատավարձի չափով (68 հազար դրամ, պետությունը տալու է նաև հարկերը)։ Անմիջապես աշխատանքի անցնելու դեպքում պետությունը գործատուին միանվագ աջակցություն է ցուցաբերում 300 հազար դրամի սահմաններում։
Ժորա Սարգսյանի խոսքով` թափուր աշխատատեղեր կան տեղեկատվական տեխնոլոգիաների, սպասարկման, մարքեթինգի ոլորտներում, վերջերս էլ ավելացել են նաև իրավաբանական ծառայություններ մատուցելու առաջարկները։
Նա ընդգծեց, որ աշխատաշուկայում պահանջարկ կա ոչ միայն բարձրագույն, այլև միջին մասնագիտական կրթություն ստացած անձանց շրջանում։
