https://arm.sputniknews.ru/20220727/kbohoqarkenq-datarani-nor-voroshumy-kinvoji-tan-dzmerajin-ajgum-garejratun-e-karucvum-45869925.html
Կբողոքարկենք դատարանի նոր որոշումը. Կինոյի տան ձմեռային այգում գարեջրատուն է կառուցվում
Կբողոքարկենք դատարանի նոր որոշումը. Կինոյի տան ձմեռային այգում գարեջրատուն է կառուցվում
Sputnik Արմենիա
Վարչական դատարանը ծանուցել է և՛ կառուցապատողին, և՛ Կինոգործիչների միությանը, որ նախկինում ընդունված կասեցման որոշումը հանվել է։ 27.07.2022, Sputnik Արմենիա
2022-07-27T19:10+0400
2022-07-27T19:10+0400
2022-07-27T19:43+0400
կինոյի տուն
ռեստորան
շինարարություն
երևան
https://cdn.am.sputniknews.ru/img/07e6/07/1b/45869372_0:1:1600:901_1920x0_80_0_0_b8ae1d977b47b731ce9b691ecceff249.jpg
ԵՐԵՎԱՆ, 27 հուլիսի – Sputnik. Կինոյի տան բակում` ձմեռային այգու հատվածում, շարունակվում է գարեջրատան կառուցումը, որի շինարարությունը կասեցնելու որոշում Վարչական դատարանը կայացրել է դեռ մայիս ամսին։ Sputnik Արմենիայի հետ զրույցում Հայաստանի կինոգործիչների միության փոխնախագահ, կինոռեժիսոր, պրոդյուսեր Միքայել Դովլաթյանը նշեց, որ Հայաստանի կինոգործիչների միությունը դեմ է այդ ապօրինությանը, իսկ Երևանի քաղաքապետն ու քաղաքապետարանն անտեսում են դատարանի որոշումը, քանի որ շինարարությունը շարունակվում է։«Այս տարածքը մեզ է պատկանում, Կադաստրի կոմիտեից ունենք բոլոր փաստաթղթերը։ Այժմ ձմեռային այգու ծառերի մի մասը կտրել են, տարածքը բետոնապատել ու ցանկանում են գարեջրատուն կառուցել։ Մեր դիմումներն ու զանգերը քաղաքապետարան ու նրանց «թեժ գծին» արդյունք չեն տալիս։ Միության նախկին ղեկավարությունը Կինոյի տան ներքևում գտնվող ռեստորանի տարածքն օտարել էր ու վաճառել X անձի, որն էլ իր հերթին վերավաճառել է նոր կառուցվող գարեջրատան սեփականատիրոջը։ Մենք ռեստորանի դեմ ոչինչ չունենք, մենք պայքարում ենք ներսի հատվածում որևէ շինություն կառուցելու դեմ»,- նշեց Դովլաթյանը։Նրա խոսքով` ձեռային այգու տարածքում հորինվել է մի շինություն, որն օրինականացվել է, այժմ էլ իբրև թե վերականգնվում է այդ գոյություն չունեցող շինությունը։ Դովլաթյանը վստահեցնում է, որ իրենք ունեն բոլոր ապացույցները, որ այդ հատվածում երբևէ ոչինչ չի եղել։ Դատարանին ներկայացվել են բոլոր արխիվային փաստաթղթերն ու ապացույցները այդ տարածքի հետ կապված։Դեռ 2020 թվականին Հայաստանի կինոգործիչների միությունը դիմել է այն ժամանակ Երևանի քաղաքապետ Հայկ Մարությանին, որպեսզի շինթույլտվություն չտրվի, այդպես էլ արվել է։«Այս տարածքում շինարարություն սկսելու թույլտվությունը տվել է Հրաչյա Սարգսյանը, երբ քաղաքապետի պարտականություններն էր կատարում, քանի որ Մարությանն այդ ժամանակ արձակուրդում էր։ Մենք դրանից հետո ենք դիմել դատարան, Վարչական դատարանը մայիսի 25-ին կասեցնելու որոշում կայացրեց, քաղաքապետարանն էլ անտեսեց այդ որոշումը։ Հենց այսօր էլ մենք նոր դատական որոշում ստացանք, որում ասվում է, որ գարեջրատան սեփականատերը բողոքարկել է, վնասներ է կրում, ու պետք է շինարարությունը շարունակվի»,- ասաց Դովլաթյանը։Պատրաստվում են վերջնական որոշումը բողոքարկել, հնարավոր է՝ դիմեն նաև Բարձրագույն դատական խորհուրդ ու Հակակոռուպցիոն կոմիտե, քանի որ, ըստ կինոռեժիսորի, կասկածելի որոշումներ են կայացվում։Հայաստանի կինոգործիչների միությունը պատրաստվում է պայքարել մինչև վերջ։Երևանի քաղաքապետարանի լրատվության վարչության պետ Լևոն Սարդարյանը Sputnik Արմենիայի հետ զրույցում հայտնեց, որ շինարարությունն օրինական է` իրենց համապատասխան վարչությունը թույլտվություն տվել է։Նրա խոսքով` Վարչական դատարանը կասեցման որոշում է կայացրել, բայց այնպես չէ, որ այդ գործընթացն ապօրինի է։ Ընդգծեց` երեկ արդեն դատարանը ծանուցել է և՛ կառուցապատողին, և՛ կինոգործիչների միությանը, որ կասեցման որոշումը հանվել է։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կինոյի տուն, ռեստորան, շինարարություն, երևան
կինոյի տուն, ռեստորան, շինարարություն, երևան
Կբողոքարկենք դատարանի նոր որոշումը. Կինոյի տան ձմեռային այգում գարեջրատուն է կառուցվում
19:10 27.07.2022 (Թարմացված է: 19:43 27.07.2022) Վարչական դատարանը ծանուցել է և՛ կառուցապատողին, և՛ Կինոգործիչների միությանը, որ նախկինում ընդունված կասեցման որոշումը հանվել է։
ԵՐԵՎԱՆ, 27 հուլիսի – Sputnik. Կինոյի տան բակում` ձմեռային այգու հատվածում, շարունակվում է գարեջրատան կառուցումը, որի շինարարությունը կասեցնելու որոշում Վարչական դատարանը կայացրել է դեռ մայիս ամսին։
Sputnik Արմենիայի հետ զրույցում Հայաստանի կինոգործիչների միության փոխնախագահ, կինոռեժիսոր, պրոդյուսեր Միքայել Դովլաթյանը նշեց, որ Հայաստանի կինոգործիչների միությունը դեմ է այդ ապօրինությանը, իսկ Երևանի քաղաքապետն ու քաղաքապետարանն անտեսում են դատարանի որոշումը, քանի որ շինարարությունը շարունակվում է։
«Այս տարածքը մեզ է պատկանում, Կադաստրի կոմիտեից ունենք բոլոր փաստաթղթերը։ Այժմ ձմեռային այգու ծառերի մի մասը կտրել են, տարածքը բետոնապատել ու ցանկանում են գարեջրատուն կառուցել։ Մեր դիմումներն ու զանգերը քաղաքապետարան ու նրանց «թեժ գծին» արդյունք չեն տալիս։ Միության նախկին ղեկավարությունը Կինոյի տան ներքևում գտնվող ռեստորանի տարածքն օտարել էր ու վաճառել X անձի, որն էլ իր հերթին վերավաճառել է նոր կառուցվող գարեջրատան սեփականատիրոջը։ Մենք ռեստորանի դեմ ոչինչ չունենք, մենք պայքարում ենք ներսի հատվածում որևէ շինություն կառուցելու դեմ»,- նշեց Դովլաթյանը։
Նրա խոսքով` ձեռային այգու տարածքում հորինվել է մի շինություն, որն օրինականացվել է, այժմ էլ իբրև թե վերականգնվում է այդ գոյություն չունեցող շինությունը։ Դովլաթյանը վստահեցնում է, որ իրենք ունեն բոլոր ապացույցները, որ այդ հատվածում երբևէ ոչինչ չի եղել։ Դատարանին ներկայացվել են բոլոր արխիվային փաստաթղթերն ու ապացույցները այդ տարածքի հետ կապված։
Դեռ 2020 թվականին Հայաստանի կինոգործիչների միությունը դիմել է այն ժամանակ Երևանի քաղաքապետ Հայկ Մարությանին, որպեսզի շինթույլտվություն չտրվի, այդպես էլ արվել է։
«Այս տարածքում շինարարություն սկսելու թույլտվությունը տվել է Հրաչյա Սարգսյանը, երբ քաղաքապետի պարտականություններն էր կատարում, քանի որ Մարությանն այդ ժամանակ արձակուրդում էր։ Մենք դրանից հետո ենք դիմել դատարան, Վարչական դատարանը մայիսի 25-ին կասեցնելու որոշում կայացրեց, քաղաքապետարանն էլ անտեսեց այդ որոշումը։ Հենց այսօր էլ մենք նոր դատական որոշում ստացանք, որում ասվում է, որ գարեջրատան սեփականատերը բողոքարկել է, վնասներ է կրում, ու պետք է շինարարությունը շարունակվի»,- ասաց Դովլաթյանը։
Պատրաստվում են վերջնական որոշումը բողոքարկել, հնարավոր է՝ դիմեն նաև Բարձրագույն դատական խորհուրդ ու Հակակոռուպցիոն կոմիտե, քանի որ, ըստ կինոռեժիսորի, կասկածելի որոշումներ են կայացվում։
Հայաստանի կինոգործիչների միությունը պատրաստվում է պայքարել մինչև վերջ։
Երևանի քաղաքապետարանի լրատվության վարչության պետ Լևոն Սարդարյանը
Sputnik Արմենիայի հետ զրույցում հայտնեց, որ շինարարությունն օրինական է` իրենց համապատասխան վարչությունը թույլտվություն տվել է։
Նրա խոսքով` Վարչական դատարանը կասեցման որոշում է կայացրել, բայց այնպես չէ, որ այդ գործընթացն ապօրինի է։ Ընդգծեց` երեկ արդեն դատարանը ծանուցել է և՛ կառուցապատողին, և՛ կինոգործիչների միությանը, որ կասեցման որոշումը հանվել է։
