https://arm.sputniknews.ru/20220725/kan-buher-vor-yndhanrapes-dimvordner-chen-unecel-gtk-tnorenn-ampvopec-yndunelutjuny-45738809.html
Կան բուհեր, որ ընդհանրապես դիմորդներ չեն ունեցել. ԳԹԿ փոխտնօրենն ամփոփեց ընդունելությունը
Կան բուհեր, որ ընդհանրապես դիմորդներ չեն ունեցել. ԳԹԿ փոխտնօրենն ամփոփեց ընդունելությունը
Sputnik Արմենիա
Կարո Նասիբյանը հայտնեց, որ «Ֆիզիկա» մասնագիտությամբ մանկավարժական համալսարան 1 անձ է ընդունվել, իսկ միշտ պահանջարկված միջազգային հարաբերություններ... 25.07.2022, Sputnik Արմենիա
2022-07-25T14:05+0400
2022-07-25T14:05+0400
2022-07-25T14:11+0400
բուհ
հայաստան
դիմորդ
https://cdn.am.sputniknews.ru/img/2358/67/23586764_0:0:1600:901_1920x0_80_0_0_338afefa87566b78bab8d3518634f2ce.jpg
ԵՐԵՎԱՆ, 25 հուլիսի – Sputnik. Այս տարի ՀՀ բուհերում թափուր է մնացել 15 000-ից ավելի տեղ` հիմնականում ոչ պետական բուհերում։ Ավելին, կան բուհեր, որ նույնիսկ դիմորդներ չեն ունեցել։ Sputnik Արմենիա մուլտիմեդիան մամուլի կենտրոնում կայացած ասուլիսի ժամանակ հայտնեց ԳԹԿ կենտրոնի փոխտնօրեն Կարո Նասիբյանը։Նասիբյանը հայտնեց նաև, որ այս տարի 13 887 դիմորդ ենք ունեցել` նախորդ տարվա 13 128-ի դիմաց։ Իսկ միասնական քննությունների մասնակիցների թիվը 11 587 է եղել. առաջին փուլում 7246 դիմորդ բուհ է ընդունվել, իսկ կտրվածները 3076 են` շուրջ 30 տոկոս։Նա հայտնեց, որ հիմնական փուլի մրցույթի արդյունքներով Հայաստանի ագրարային համալսարան ընդունվողների թիվը 38 է` նույն իրավիճակն է մանկավարժական համալսարանում և մարզերի բուհերում։ Ասաց` «Ֆիզիկա» մասնագիտությամբ մանկավարժական համալսարան 1 անձ է ընդունվել, իսկ ԵՊՀ–ում միշտ պահանջարկված միջազգային հարաբերություններ ֆակուլտետում 2 թափուր տեղ կա։ Նրա խոսքով` բժշկական մասնագիտությունների հանդեպ կա հետաքրքրություն, սակայն դիմորդները դեղագետ դառնալ չեն նախընտրում, միայն բուժել են ուզում։Նասիբյանը տեղեկացրեց նաև, որ ամենաշատը դիմորդները քննություն են հանձնել «Անգլերեն» առարկայից` 5641 անձ է հայտագրված եղել։ 5000-ից ավել դիմորդ քննություն է հանձնել «Մաթեմատիկա» և «Հայոց լեզու» առարկաներից, իսկ ամենաշատը կտրվել են «Մաթեմատիկա» առարկայից` դիմորդների 20 տոկոսից ավելին։Բուհերի թափուր մնացած տեղերի համար դիմումների ժամկետը մինչև հուլիսի 26-ն է։5 դիմորդից 1-ն անբավարար է ստանում․ փորձագետը՝ բուհ ընդունվելու ցուցանիշների մասին
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
բուհ, հայաստան, դիմորդ
Կան բուհեր, որ ընդհանրապես դիմորդներ չեն ունեցել. ԳԹԿ փոխտնօրենն ամփոփեց ընդունելությունը
14:05 25.07.2022 (Թարմացված է: 14:11 25.07.2022) Կարո Նասիբյանը հայտնեց, որ «Ֆիզիկա» մասնագիտությամբ մանկավարժական համալսարան 1 անձ է ընդունվել, իսկ միշտ պահանջարկված միջազգային հարաբերություններ ֆակուլտետում` ԵՊՀ–ում, 2 թափուր տեղ կա։
ԵՐԵՎԱՆ, 25 հուլիսի – Sputnik. Այս տարի ՀՀ բուհերում թափուր է մնացել 15 000-ից ավելի տեղ` հիմնականում ոչ պետական բուհերում։ Ավելին, կան բուհեր, որ նույնիսկ դիմորդներ չեն ունեցել։
Sputnik Արմենիա մուլտիմեդիան մամուլի կենտրոնում կայացած ասուլիսի ժամանակ հայտնեց ԳԹԿ կենտրոնի փոխտնօրեն Կարո Նասիբյանը։
«Եթե նախորդ տարիներին հնարավոր էր մեկ քննությունով բուհ ընդունվել, ապա այս տարվա կարգով ամրագրվել է` յուրաքանչյուր դիմորդ պետք է առնվազն 2 քննություն հանձնի։ Բացի այդ, եթե նախորդ տարիներին մեկ առարկայից կտրվածը հնարավորություն էր ունենում մասնակցել թափուր տեղերի մրցույթին, ապա այս տարվանից սկսած` նա այդ իրավունքը չունի։ Այսինքն` պետք է երկու առարկայից դրական գնահատական ունենա, որ կարողանա թափուր տեղերի մրցույթին մասնակցի»,–ասաց Նասիբյանը` հավելելով, որ հենց այս պատճառով էլ այդքան թափուր տեղեր են մնացել։
Նասիբյանը հայտնեց նաև, որ այս տարի 13 887 դիմորդ ենք ունեցել` նախորդ տարվա 13 128-ի դիմաց։ Իսկ միասնական քննությունների մասնակիցների թիվը 11 587 է եղել. առաջին փուլում 7246 դիմորդ բուհ է ընդունվել, իսկ կտրվածները 3076 են` շուրջ 30 տոկոս։
Նա հայտնեց, որ հիմնական փուլի մրցույթի արդյունքներով Հայաստանի ագրարային համալսարան ընդունվողների թիվը 38 է` նույն իրավիճակն է մանկավարժական համալսարանում և մարզերի բուհերում։ Ասաց` «Ֆիզիկա» մասնագիտությամբ մանկավարժական համալսարան 1 անձ է ընդունվել, իսկ ԵՊՀ–ում միշտ պահանջարկված միջազգային հարաբերություններ ֆակուլտետում 2 թափուր տեղ կա։ Նրա խոսքով` բժշկական մասնագիտությունների հանդեպ կա հետաքրքրություն, սակայն դիմորդները դեղագետ դառնալ չեն նախընտրում, միայն բուժել են ուզում։
Նասիբյանը տեղեկացրեց նաև, որ ամենաշատը դիմորդները քննություն են հանձնել «Անգլերեն» առարկայից` 5641 անձ է հայտագրված եղել։ 5000-ից ավել դիմորդ քննություն է հանձնել «Մաթեմատիկա» և «Հայոց լեզու» առարկաներից, իսկ ամենաշատը կտրվել են «Մաթեմատիկա» առարկայից` դիմորդների 20 տոկոսից ավելին։
Բուհերի թափուր մնացած տեղերի համար դիմումների ժամկետը մինչև հուլիսի 26-ն է։
