Բորելն ու Միշելը ողջունել են հացահատիկի արտահանման վերաբերյալ համաձայնագրի ստորագրումը
18:55 22.07.2022 (Թարմացված է: 19:01 22.07.2022)
Բաժանորդագրվել
Եվրոպական դիվանագիտության ղեկավարն ու Եվրախորհրդի ղեկավարը համաձայնագիրը դրական քայլ են որակել։
ԵՐԵՎԱՆ, 22 հուլիսի – Sputnik. Ստամբուլում Ռուսաստանի, Ուկրաինայի, Թուրքիայի և ՄԱԿ մասնակցությամբ ստորագրված Սև ծովի ափերից միջազգային շուկա հացահատիկի արտահանման վերաբերյալ համաձայնագիրը քայլ է դեպի ճիշտ ուղղություն։ Այս մասին Twitter-ի իր էջում գրել է եվրոպական դիվանագիտության ղեկավար Ժոզեպ Բորելը։
«Կոչ ենք անում, որ համաձայնագիրը շուտափույթ իրականացվի»,–գրել է նա և ողջունել ՄԱԿ-ի և Թուրքիայի ջանքերը համաձայնագրի ստորագրման հարցում։
Russia‘s illegal invasion of Ukraine has left millions at risk of hunger.
— Josep Borrell Fontelles (@JosepBorrellF) July 22, 2022
Today‘s #Istanbul agreement is a step in the right direction. We call for its swift implementation.
Welcome efforts by @UN and Turkey.
The #EU is committed to continue helping export Ukraine’s grain.
Եվրոպական դիվանագիտության ղեկավարն ընդգծել է, որ ԵՄ-ն մտադիր է շարունակել աջակցել ուկրաինական հացահատիկի արտահանմանը:
Համաձայնագրի ստորագրման մասին Twitter-ի էջում իր կարծիքն է հայտնել նաև Եվրախորհրդի ղեկավար Շառլ Միշելը
«Ողջունում եմ Ուկրաինայի հացահատիկի արտահանման համար Սև ծովի ապաշրջափակման մասին համաձայնագիրը։ Այս գործարքը օգուտ կբերի միլիոնավոր մարդկանց ամբողջ աշխարհում»,–գրել է նա` նշելով, որ գլոբալ պարենային անվտանգությունն առաջնահերթություն է ԵՄ-ի համար։
Global food security is a priority for the EU.
— Charles Michel (@CharlesMichel) July 22, 2022
I welcome the agreement to unblock the Black Sea for Ukrainian exports of grain.
This deal can benefit millions around the globe.
Strict implementation of the deal is now of utmost importance to make this work.
Բորելի խոսքով` համաձայնագրի արագ իրագործումն այժմ առաջնային նշանակություն ունի։
Հայտնել էինք, որ Ստամբուլում այսօր Ռուսաստանի, Ուկրաինայի, Թուրքիայի և ՄԱԿ-ի մասնակցությամբ ստորագրվեց Սև ծովի ափերից միջազգային շուկա հացահատիկի արտահանման վերաբերյալ համաձայնագիրը։
Հիշեցնենք, որ փաստաթղթով նախատեսվում է հացահատիկի արտահանման համար անվտանգության միջանցք ստեղծել։ Այդ է պատճառը, որ փաստաթուղթը ստորագրում են պաշտպանության նախարարները։ Այդ միջանցքով հացահատիկով բեռնված նավերը պետք է դուրս գան նավահանգիստներից և, անցնելով Բոսֆորի ու Դարդանելի նեղուցները, սահմանված ուղով մեկնեն համապատասխան երկրներ։ Նախատեսվում է, որ գործընթացի համակարգման համար Ստամբուլում կստեղծվի համապատասխան կենտրոն։ Նավերը Թուրքիայի կողմից սահմանված կետերում կանգնեցվելու և ստուգվելու են։ Դրանց մասնակցություն է ունենալու նաև ռուսական կողմը։
ՄԱԿ-ում բազմիցս հայտարարել են, որ հացահատիկի պակասի պատճառով պարենային ճգնաժամի սպառնալիք է հասունացել, Արևմուտքը Ռուսաստանին է մեղադրում ուկրաինական հացահատիկի մատակարարումները խոչընդոտելու համար։ Մոսկվան կտրականապես հերքում է մեղադրանքները։
ՌԴ նախագահ Վլադիմիր Պուտինը վստահեցրել է, որ հացահատիկն Ուկրաինայից արտահանելու խնդիրներ չկան, և Ռուսաստանը որևէ կերպ չի խոչընդոտում։ Նրա խոսքով` եթե Ուկրաինան ականազերծի նավահանգիստները, հացահատիկով բեռնված նավերը կկարողանան այնտեղից դուրս գալ առանց որևէ դժվարության։
