https://arm.sputniknews.ru/20220719/hakarak-mer-janqerin-areresvum-enq-adrbejani-razmatench-hajtararutjunnerin-mirzvojan-45475766.html
Հակառակ մեր ջանքերին՝ առերեսվում ենք Ադրբեջանի ռազմատենչ հայտարարություններին. Միրզոյան
Հակառակ մեր ջանքերին՝ առերեսվում ենք Ադրբեջանի ռազմատենչ հայտարարություններին. Միրզոյան
Sputnik Արմենիա
Արարատ Միրզոյանն իր լեհ գործընկերոջը ներկայացրել է տարածաշրջանային խաղաղության հաստատմանն ուղղված գործընթացի շուրջ Հայաստանի դիրքորոշումը։ 19.07.2022, Sputnik Արմենիա
2022-07-19T17:38+0400
2022-07-19T17:38+0400
2022-07-19T17:41+0400
արարատ միրզոյան
լեհաստան
զբիգնև ռաու
հհ արտաքին գործերի նախարարություն. ագն
նախարար
հայաստան
https://cdn.am.sputniknews.ru/img/07e6/07/13/45473918_0:0:2100:1182_1920x0_80_0_0_a336967a226d3ceed49062bba178dce8.jpg
ԵՐԵՎԱՆ, 19 հուլիսի – Sputnik. Ադրբեջանը շարունակում է պատանդառության մեջ պահել հայ ռազմագերիներին և քաղաքացիական անձանց` խախտելով միջազգային հումանիտար իրավունքի նորմերն ու նոյեմբերի 9-ի եռակողմ հայտարարությունները։ Լեհաստանի ԱԳ նախարար Զբիգնև Ռաուի հետ հանդիպման արդյունքներով արված հայտարարության ժամանակ այս մասին ասել է ՀՀ ԱԳ նախարար Արարատ Միրզոյանը, տեղեկանում ենք ՀՀ ԱԳՆ–ից։Նա նշել է նաև, որ անընդունելի է ադրբեջանական վերահսկողության տակ անցած տարածքներում Արցախի հայկական պատմամշակութային և կրոնական ժառանգության ոչնչացմանը, պղծմանը և Ադրբեջանի ղեկավարության կողմից իրականացվող քաղաքականությունը, որն ուղղված է հայկական ինքնության խեղաթյուրմանը։Միրզոյանի խոսքով` այս առումով հայկական կողմն ակնկալում է միջազգային հանրության հասցեական արձագանքը և ընդգծում ԼՂ–ում համապատասխան միջազգային կազմակերպությունների ներգրավվածության հրատապությունը։ՀՀ ԱԳ նախարարն ընդգծել է, որ Հայաստանի ու տարածաշրջանի համար խաղաղ զարգացման դարաշրջան բացելը սկզբունք և ռազմավարություն է, և հուսով է, որ ԵԱՀԿ-ն կօգտագործի իր գործիքակազմում առկա մեխանիզմները` կառուցողական մթնոլորտի ապահովման ու խաղաղության համար պայմաններ ստեղծելու համար:Միրզոյանը շեշտել է նաև ԵԱՀԿ Մինսկի խմբի համանախագահության առանցքային դերը ԼՂ հակամարտության համապարփակ և տևական կարգավորմանն ուղղված խաղաղ գործընթացի առաջմղման և Ադրբեջանի հետ հարաբերությունների կարգավորման գործում:Բացի այդ, նշվել է, որ հայ-լեհական տնտեսական համագործակցության միջկառավարական հանձնաժողովի 7-րդ նիստը առաջիկայում նախատեսվում է անցկացնել Երևանում:Հիշեցնենք, որ այսօր մեկնարկել է Միրզոյանի պաշտոնական այցը Լեհաստան։
լեհաստան
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
արարատ միրզոյան, լեհաստան, զբիգնև ռաու, հհ արտաքին գործերի նախարարություն. ագն, նախարար, հայաստան
արարատ միրզոյան, լեհաստան, զբիգնև ռաու, հհ արտաքին գործերի նախարարություն. ագն, նախարար, հայաստան
Հակառակ մեր ջանքերին՝ առերեսվում ենք Ադրբեջանի ռազմատենչ հայտարարություններին. Միրզոյան
17:38 19.07.2022 (Թարմացված է: 17:41 19.07.2022) Արարատ Միրզոյանն իր լեհ գործընկերոջը ներկայացրել է տարածաշրջանային խաղաղության հաստատմանն ուղղված գործընթացի շուրջ Հայաստանի դիրքորոշումը։
ԵՐԵՎԱՆ, 19 հուլիսի – Sputnik. Ադրբեջանը շարունակում է պատանդառության մեջ պահել հայ ռազմագերիներին և քաղաքացիական անձանց` խախտելով միջազգային հումանիտար իրավունքի նորմերն ու նոյեմբերի 9-ի եռակողմ հայտարարությունները։ Լեհաստանի ԱԳ նախարար Զբիգնև Ռաուի հետ հանդիպման արդյունքներով արված հայտարարության ժամանակ այս մասին ասել է ՀՀ ԱԳ նախարար Արարատ Միրզոյանը,
տեղեկանում ենք ՀՀ ԱԳՆ–ից։
«Այս կապակցությամբ կարևոր է մարդու իրավունքներին և մարդասիրության սկզբունքներին հավատարիմ միջազգային հանրության, այդ թվում՝ ԵԱՀԿ նախագահության շարունակական աջակցությունը՝ այս խնդրի լուծման համար: Ցավով պետք է արձանագրեմ, որ հակառակ Հայաստանի կողմից գործադրվող ջանքերին՝ մենք շարունակում ենք առերեսվել Ադրբեջանի ռազմատենչ և առավելապաշտական հայտարարություններին, որոնք ուղղված են տարածաշրջանային կայունության և խաղաղության խաթարմանը»,–ասել է Միրզոյանը։
Նա նշել է նաև, որ անընդունելի է ադրբեջանական վերահսկողության տակ անցած տարածքներում Արցախի հայկական պատմամշակութային և կրոնական ժառանգության ոչնչացմանը, պղծմանը և Ադրբեջանի ղեկավարության կողմից իրականացվող քաղաքականությունը, որն ուղղված է հայկական ինքնության խեղաթյուրմանը։
Միրզոյանի խոսքով` այս առումով հայկական կողմն ակնկալում է միջազգային հանրության հասցեական արձագանքը և ընդգծում ԼՂ–ում համապատասխան միջազգային կազմակերպությունների ներգրավվածության հրատապությունը։
ՀՀ ԱԳ նախարարն ընդգծել է, որ
Հայաստանի ու տարածաշրջանի համար խաղաղ զարգացման դարաշրջան բացելը սկզբունք և ռազմավարություն է, և հուսով է, որ ԵԱՀԿ-ն կօգտագործի իր գործիքակազմում առկա մեխանիզմները` կառուցողական մթնոլորտի ապահովման ու խաղաղության համար պայմաններ ստեղծելու համար:
Միրզոյանը շեշտել է նաև ԵԱՀԿ Մինսկի խմբի համանախագահության առանցքային դերը ԼՂ հակամարտության համապարփակ և տևական կարգավորմանն ուղղված խաղաղ գործընթացի առաջմղման և Ադրբեջանի հետ հարաբերությունների կարգավորման գործում:
Բացի այդ, նշվել է, որ հայ-լեհական տնտեսական համագործակցության միջկառավարական հանձնաժողովի 7-րդ նիստը առաջիկայում նախատեսվում է անցկացնել Երևանում:
