https://arm.sputniknews.ru/20220718/svorvosi-himnadramy-ev-ajl-hk-ner-pahanjum-en-chegharkel-hatisi-vra-hisusi-ardzani-karucumy-45427131.html
Սորոսի հիմնադրամը և այլ ՀԿ-ներ պահանջում են չեղարկել Հատիսի վրա Հիսուսի արձանի տեղադրումը
Սորոսի հիմնադրամը և այլ ՀԿ-ներ պահանջում են չեղարկել Հատիսի վրա Հիսուսի արձանի տեղադրումը
Sputnik Արմենիա
Կազմակերպությունները պնդում են, որ այս կարևոր հարցի շուրջ պետք է հանրային լսումներ անցկացվեն։ 18.07.2022, Sputnik Արմենիա
2022-07-18T20:22+0400
2022-07-18T20:22+0400
2022-07-18T20:24+0400
հայաստան
հիսուս քրիստոս
արձան
հատիս
սորոսի հիմնադրամ
https://cdn.am.sputniknews.ru/img/07e6/07/0b/45019609_0:0:1600:901_1920x0_80_0_0_37795c1a973b4c4e9d1d6aab71c9ca2b.jpg
ԵՐԵՎԱՆ, 18 հուլիսի – Sputnik. Մի շարք հիմնադրամներ և ՀԿ-ներ պահանջում են չեղարկել Հատիս լեռան վրա Հիսուսի արձանի կառուցումը։Հայտարարությունը ստորագրել են Թրանսփարենսի Ինթերնեշնլ Հակակոռուպցիոն Կենտրոնը, Հելսինկյան Քաղաքացիական ասամբլեայի Վանաձորի գրասենյակը, Բաց Հասարակության հիմնադրամներ Հայաստանը, Հելսինկյան ասոցիացիա իրավապաշտպան ՀԿ–ն, Հայկական բնապահպանական ճակատ կամավորական նախաձեռնությունը, Իրավունքի զարգացման և պաշտպանության հիմնադրամը և այլ կազմակերպությունները։Հայտարարության մեջ նշվում է, որ Հատիս լեռան ճանապարհին արդեն իսկ տեղադրվել են դարպասներ, որոնք թույլ չեն տալիս կողմնակի անձանց բարձրանալ լեռը։ Սակայն նշված աշխատանքները կարող են վտանգել այդ տարածքներում գտնվող հուշարձանների պահպանությունն ու անվթարությունը։ Համաձայն «Պատմության և մշակույթի անշարժ հուշարձանների պետական հաշվառման, ուսումնասիրման, պահպանության, ամրակայման, նորոգման, վերականգնման և օգտագործման կարգը հաստատելու մասին» ՀՀ կառավարության 2002 թվականի ապրիլի 20-ին ընդունված որոշման 33-րդ կետի՝ հուշարձանի զբաղեցրած տարածքում արգելվում են հուշարձանի նպատակային օգտագործմանը չհամապատասխանող շինարարական, գյուղատնտեսական և այլ աշխատանքների կատարումը, ինչպես նաև տնտեսական ու արտադրական գործունեությունը: Այդ տարածքում կարող են կատարվել միայն հուշարձանի ուսումնասիրման, պահպանման, թանգարանացման և ցուցադրության կազմակերպման, ինչպես նաև հուշարձանի նպատակային օգտագործմանը նպաստող վերականգնողական և նորոգման աշխատանքներ:Բացի այդ, համաձայն օրենքի՝ հանրային նշանակության և նման կարևորության հարցի առնչությամբ ակնկալվում էր հանրային լսումների անցկացում, որն անտեսվել է ՀՀ իշխանությունների կողմից։ՀԿ–ները ներկայացրել են մի շարք խնդիրներ՝ կապված Հատիսի վրա Հիսուսի արձանի տեղադրման հետ։ Առաջինը կոռուպցիոն ռիսկերն են։«Հանրային նշանակության և մշակութային հուշարձան հանդիսացող տարածքը մասնավոր անձի օտարելը լի է կոռուպցիոն ռիսկերով, և հերթական անգամ վեր է հանում ՀՀ իշխանությունների անհետևողական, ոչ թափանցիկ գործունեությունը, ինչը մեծացնում է իշխանությունների նկատմամբ հանրային անվստահությունը» , - ասված է հայտարարությունում։Հիշեցնենք` Հայաստանում Հիսուսի արձան տեղադրելու մասին գործարար Գագիկ Ծառուկյանը տեղեկացրել էր հունվարի 14-ին և ընդգծել` նախագծի իրականացման համար մրցույթ է հայտարարում, որի ընդունման վերջնաժամկետը փետրվարի 20-ն էր։ԲՀԿ առաջնորդի ցանկությամբ` միայն արձանի բարձրությունը (առանց պատվանդանի) պետք է լինի 33 մետր։Մարտի 24-ին Հայ առաքելական եկեղեցին հանդես եկավ հայտարարությամբ` Գագիկ Ծառուկյանին հորդորելով զերծ մնալ Հիսուս Քրիստոսի արձանի պատրաստումից։ Նշվում էր, որ նման արձանը հակասում է Հայաստանյայց առաքելական սուրբ եկեղեցու ավանդույթին։ Սակայն եկեղեցու դիրքորոշումը Ծառուկյանին հետ չպահեց իր մտքից, ավելին` նա ի պատասխան 3 հակափաստարկ ներկայացրեց ու շարունակեց նախագծի իրագործումը։Բա հիմա ո՞ւր դնեմ այս արձանը․ օրենքով Հատիսը պաշտպանված է, իրականում անպաշտպան է մնացելՀՀ վարչապետ Նիկոլ Փաշինյանը հուլիսի 7-ին կառավարության նիստում հայտարարեց, որ դեմ չեն Հատիս լեռան վրա Հիսուս Քրիստոսի արձանը կանգնեցնելու նախաձեռնությանը: Ավելին` Փաշինյանը պետական կառավարման մարմիններին հանձնարարեց սեղմ ժամկետում ընդունել ենթաօրենսդրական ակտեր, որոնք անհրաժեշտ են նախաձեռնությունը իրականացնելու համար:Հիսուս Քրիստոսի արձանի կառուցման աշխատանքները մեկնարկեցին հուլիսի 9-ին։ԿԳՄՍ նախարարությունը հուլիսի 11-ին հայտարարեց, որ ընդունելի համարելով Հիսուս Քրիստոս մոնումենտալ արձանի գաղափարը` պահանջում է դադարեցնել ցանկացած գործունեություն Հատիսի հնավայր-ամրոցի տարածքում, որը հակասում է գործող օրենսդրությանը և կարգերին։
հատիս
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հիսուս քրիստոս, արձան, հատիս, սորոսի հիմնադրամ
հայաստան, հիսուս քրիստոս, արձան, հատիս, սորոսի հիմնադրամ
Սորոսի հիմնադրամը և այլ ՀԿ-ներ պահանջում են չեղարկել Հատիսի վրա Հիսուսի արձանի տեղադրումը
20:22 18.07.2022 (Թարմացված է: 20:24 18.07.2022) Կազմակերպությունները պնդում են, որ այս կարևոր հարցի շուրջ պետք է հանրային լսումներ անցկացվեն։
ԵՐԵՎԱՆ, 18 հուլիսի – Sputnik. Մի շարք հիմնադրամներ և ՀԿ-ներ պահանջում են չեղարկել Հատիս լեռան վրա Հիսուսի արձանի կառուցումը։
Հայտարարությունը ստորագրել են Թրանսփարենսի Ինթերնեշնլ Հակակոռուպցիոն Կենտրոնը, Հելսինկյան Քաղաքացիական ասամբլեայի Վանաձորի գրասենյակը, Բաց Հասարակության հիմնադրամներ Հայաստանը, Հելսինկյան ասոցիացիա իրավապաշտպան ՀԿ–ն, Հայկական բնապահպանական ճակատ կամավորական նախաձեռնությունը, Իրավունքի զարգացման և պաշտպանության հիմնադրամը և այլ կազմակերպությունները։
Հայտարարության մեջ նշվում է, որ Հատիս լեռան ճանապարհին արդեն իսկ տեղադրվել են դարպասներ, որոնք թույլ չեն տալիս կողմնակի անձանց բարձրանալ լեռը։ Սակայն նշված աշխատանքները կարող են վտանգել այդ տարածքներում գտնվող հուշարձանների պահպանությունն ու անվթարությունը։
Համաձայն «Պատմության և մշակույթի անշարժ հուշարձանների պետական հաշվառման, ուսումնասիրման, պահպանության, ամրակայման, նորոգման, վերականգնման և օգտագործման կարգը հաստատելու մասին» ՀՀ կառավարության 2002 թվականի ապրիլի 20-ին ընդունված որոշման 33-րդ կետի՝ հուշարձանի զբաղեցրած տարածքում արգելվում են հուշարձանի նպատակային օգտագործմանը չհամապատասխանող շինարարական, գյուղատնտեսական և այլ աշխատանքների կատարումը, ինչպես նաև տնտեսական ու արտադրական գործունեությունը: Այդ տարածքում կարող են կատարվել միայն հուշարձանի ուսումնասիրման, պահպանման, թանգարանացման և ցուցադրության կազմակերպման, ինչպես նաև հուշարձանի նպատակային օգտագործմանը նպաստող վերականգնողական և նորոգման աշխատանքներ:
Բացի այդ, համաձայն օրենքի՝ հանրային նշանակության և նման կարևորության հարցի առնչությամբ ակնկալվում էր հանրային լսումների անցկացում, որն անտեսվել է ՀՀ իշխանությունների կողմից։
ՀԿ–ները ներկայացրել են մի շարք խնդիրներ՝ կապված Հատիսի վրա Հիսուսի արձանի տեղադրման հետ։ Առաջինը կոռուպցիոն ռիսկերն են։
«Հանրային նշանակության և մշակութային հուշարձան հանդիսացող տարածքը մասնավոր անձի օտարելը լի է կոռուպցիոն ռիսկերով, և հերթական անգամ վեր է հանում ՀՀ իշխանությունների անհետևողական, ոչ թափանցիկ գործունեությունը, ինչը մեծացնում է իշխանությունների նկատմամբ հանրային անվստահությունը» , - ասված է հայտարարությունում։
ՀԿ-ները պահանջում են անհապաղ դադարեցնել Հատիս լեռան վրա և տարածքում ցանկացած շինարարական աշխատանքի իրականացում և չեղարկել Հատիս լեռան վրա Հիսուսի արձանի կառուցման նախնական համաձայնությունը, արձանի կառուցման նպատակային նշանակության և անհրաժեշտության վերաբերյալ հանրային լսումներ անցկացնել բոլոր շահագրգիռ կողմերի մասնակցությամբ, ինչպես նաև իրականացնել քննություն Հատիս լեռան գագաթի օտարման ու սեփականաշնորհման օրինականության ստուգման նպատակով և ուսումնասիրել Հատիս լեռան վրա ապօրինի շինարարական աշխատանքների կատարումն ու պատասխանատվության ենթարկել մեղավորներին։
Հիշեցնենք` Հայաստանում Հիսուսի արձան տեղադրելու մասին գործարար Գագիկ
Ծառուկյանը տեղեկացրել էր հունվարի 14-ին և ընդգծել` նախագծի իրականացման համար մրցույթ է հայտարարում, որի ընդունման վերջնաժամկետը փետրվարի 20-ն էր։
ԲՀԿ առաջնորդի ցանկությամբ` միայն արձանի բարձրությունը (առանց պատվանդանի) պետք է լինի 33 մետր։
Մարտի 24-ին Հայ առաքելական եկեղեցին
հանդես եկավ հայտարարությամբ` Գագիկ Ծառուկյանին հորդորելով զերծ մնալ Հիսուս Քրիստոսի արձանի պատրաստումից։ Նշվում էր, որ նման արձանը հակասում է Հայաստանյայց առաքելական սուրբ եկեղեցու ավանդույթին։ Սակայն եկեղեցու դիրքորոշումը Ծառուկյանին հետ չպահեց իր մտքից, ավելին` նա ի պատասխան
3 հակափաստարկ ներկայացրեց ու շարունակեց նախագծի իրագործումը։
ՀՀ վարչապետ Նիկոլ Փաշինյանը հուլիսի 7-ին կառավարության նիստում հայտարարեց, որ դեմ չեն Հատիս լեռան վրա Հիսուս Քրիստոսի արձանը կանգնեցնելու նախաձեռնությանը: Ավելին` Փաշինյանը պետական կառավարման մարմիններին հանձնարարեց սեղմ ժամկետում ընդունել ենթաօրենսդրական ակտեր, որոնք անհրաժեշտ են նախաձեռնությունը իրականացնելու համար:
Հիսուս Քրիստոսի արձանի կառուցման աշխատանքները
մեկնարկեցին հուլիսի 9-ին։
ԿԳՄՍ նախարարությունը հուլիսի 11-ին հայտարարեց, որ ընդունելի համարելով Հիսուս Քրիստոս մոնումենտալ արձանի գաղափարը` պահանջում է դադարեցնել ցանկացած գործունեություն Հատիսի հնավայր-ամրոցի տարածքում, որը հակասում է գործող օրենսդրությանը և կարգերին։
