Ուկրաինայի իրավապահները Օդեսայի բնակիչներին ստիպում են հարցաթերթիկներ լրացնել. ՊՆ
© Sputnik / Пресс-служба Минобороны РФ / Անցնել մեդիապահոցНачальник Национального центра управления обороной РФ генерал-полковник Михаил Мизинцев на брифинге по срыву перемирия для эвакуации мирных жителей в Волновахе и Мариуполе
![Начальник Национального центра управления обороной РФ генерал-полковник Михаил Мизинцев на брифинге по срыву перемирия для эвакуации мирных жителей в Волновахе и Мариуполе Начальник Национального центра управления обороной РФ генерал-полковник Михаил Мизинцев на брифинге по срыву перемирия для эвакуации мирных жителей в Волновахе и Мариуполе - Sputnik Արմենիա, 1920, 15.07.2022](https://cdn.am.sputniknews.ru/img/07e6/03/0b/39662133_0:0:1829:1029_1920x0_80_0_0_d63001a8e5332ba2bbc8b7a20b80a1de.jpg)
© Sputnik / Пресс-служба Минобороны РФ
/ Բաժանորդագրվել
Գեներալ Միզինցևի խոսքով՝ ուկրաինական հրետանին գնդակոծել է Սլավյանսկի կենտրոնական շուկան, որպեսզի Ռուսաստանի ԶՈւ-ին մեղադրի անկանոն հարվածներ հասցնելու մեջ:
ԵՐԵՎԱՆ, 15 հուլիսի – Sputnik. Ուկրաինացի զինվորականներն ու ազգայնականները փորձում են պարզել, թե Օդեսայի բնակիչներից ովքեր հարազատներ ունեն Ռուսաստանում և ինչ դիրքորոշում ունեն նրանք։ Տեղեկությունը հայտնել է Ռուսաստանի Դաշնության պաշտպանության կառավարման ազգային կենտրոնի ղեկավար, գեներալ-գնդապետ Միխայիլ Միզինցևը:
«Ըստ հավաստի տեղեկությունների՝ Օդեսայի մարզի պետական հաստատությունների ծառայողներին աշխատանքից ազատման սպառնալիքի տակ ազգայնական կազմավորումների զինյալները Ուկրաինայի անվտանգության ծառայության աշխատակիցների հետ համատեղ ստիպում են հարցաթերթիկներ լրացնել Ռուսաստանում առկա բարեկամների, նրանց հետ շփման բնույթի, ինչպես նաև այն ծանոթների ու հարևանների առկայության մասին, որոնք դժգոհ են Ուկրաինայի քաղաքական ղեկավարության գործողություններից: Ռուսամետ դիրքորոշում ունեցողներին ձերբակալում են և տանում անհայտ ուղղությամբ», - ասել է նա։
Միզինցևի խոսքով՝ տասնյակ ձերբակալվածներ այդպես էլ չեն վերադարձել տուն, և նրանց ճակատագրի մասին ոչինչ հայտնի չէ:
Գեներալը տեղեկացրել է նաև, որ Ուկրաինայի հրետանին գնդակոծել է Դոնեցկի Սլավյանսկ քաղաքի կենտրոնական շուկան, որպեսզի Ռուսաստանի ԶՈւ-ին մեղադրի անկանոն հարվածների մեջ:
Նա հավելել է, որ գնդակոծությունից մի քանի րոպե անց դեպքի վայրում աշխատել են ուկրաինական ԶԼՄ-ների լրագրողները, որոնք նկարահանել են իբր ռուսական զորքերի հարվածների հետևանքները։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 142-րդ օրը։