Գետքի և Ղարիբջանյանի բնակիչները փակել են Գյումրի-Արմավիր ճանապարհը. ոռոգման ջրի խնդիր կա
12:17 15.07.2022 (Թարմացված է: 12:28 15.07.2022)
© Sputnik / Armenuhi Mkhoyan Շիրակի մարզի Ղարիբջանյան և Գետք գյուղերի բնակիչները փակել են Գյումրի-Արմավիր ճանապարհը։
![Շիրակի մարզի Ղարիբջանյան և Գետք գյուղերի բնակիչները փակել են Գյումրի-Արմավիր ճանապարհը։ Շիրակի մարզի Ղարիբջանյան և Գետք գյուղերի բնակիչները փակել են Գյումրի-Արմավիր ճանապարհը։ - Sputnik Արմենիա, 1920, 15.07.2022](https://cdn.am.sputniknews.ru/img/07e6/07/0f/45262333_0:94:789:538_1920x0_80_0_0_5f03bd164141d85c72ad45402fc1a336.jpg)
Շիրակի մարզի Ղարիբջանյան և Գետք գյուղերի բնակիչները փակել են Գյումրի-Արմավիր ճանապարհը։
© Sputnik / Armenuhi Mkhoyan
Բաժանորդագրվել
Բնակիչներն ասում են, որ ոռոգման ջրի խնդրի պատճառով բերքը` կաղամբը, բրոկոլին և կարտոֆիլը, փչանում է։
ԵՐԵՎԱՆ, 15 հուլիսի – Sputnik. Շիրակի մարզի Ղարիբջանյան և Գետք գյուղերի բնակիչները փակել են Գյումրի-Արմավիր ճանապարհը։ Sputnik Արմենիայի թղթակիցը տեղից հայտնում է, որ գյուղացիները պահանջում են լուծել ոռոգման ջրի հարցը։
Նշենք, որ գյուղերը մինչ օրս ոռոգման համակարգ չեն ունեցել, փորձել են այլ եղանակով հավաքված ջուրն օգտագործել։
© Sputnik / Armenuhi Mkhoyan Շիրակի մարզի Ղարիբջանյան և Գետք գյուղերի բնակիչները փակել են Գյումրի-Արմավիր ճանապարհը։
![Люди перекрыли участок трассы Гюмри-Армавир (15 июля 2022). Ширак Люди перекрыли участок трассы Гюмри-Армавир (15 июля 2022). Ширак - Sputnik Արմենիա, 1920, 15.07.2022](https://cdn.am.sputniknews.ru/img/07e6/07/0f/45262355_0:0:1280:960_1920x0_80_0_0_665b59eb4b272028f39deaefb6f70313.jpg)
Շիրակի մարզի Ղարիբջանյան և Գետք գյուղերի բնակիչները փակել են Գյումրի-Արմավիր ճանապարհը։
© Sputnik / Armenuhi Mkhoyan
Բնակիչները նշում են, որ մինչև գյուղ հասնելը ջուրն անցնում է Ազատան գյուղով։ Այս գյուղն արդեն իսկ հասցրել է 3 անգամ ոռոգում իրականացնել, իսկ Ղարիբջանյանն ու Գետքը` ոչ։ Բնակիչներն ասում են, որ ջրի բացակայության պատճառով բերքը փչանում է։
«Մարզային իշխանություններն ասել էին, որ մարզում ոռոգման խնդիր այլևս չկա, մենք էլ ավելի շատ բերք տնկեցինք, ու ստացվում է, որ խաբվեցինք»,- Sputnik Արմենիայի հետ զրույցում նշեց բնակիչներից մեկը։
Խոսքը հիմնականում կաղամբի, բրոկոլիի և կարտոֆիլի մասին է։
Այս պահին մարզպետարանի գյուղատնտեսության վարչության պետ Ռոման Հմայակյանն ու Ախուրյանի համայնքապետի տեղակալ Վարդան Իկիլիկյանը բանակցում են բնակիչների հետ, որպեսզի ճանապարհը բացվի։