https://arm.sputniknews.ru/20220713/hajastany-film-nkarelu-hamar-vogeshnchvogh-tegh-e-gjurjjany-rezhisvornerin-kvoch-e-anum-hh-gal-45162416.html
Հայաստանը ֆիլմ նկարելու համար ոգեշնչող տեղ է. Գյուրջյանը ռեժիսորներին կոչ է անում ՀՀ գալ
Հայաստանը ֆիլմ նկարելու համար ոգեշնչող տեղ է. Գյուրջյանը ռեժիսորներին կոչ է անում ՀՀ գալ
Sputnik Արմենիա
Մայքլ Գյուրջյանի «Ամերիկացի» ֆիլմը նվիրված է նրա պապին, որը Հայոց ցեղասպանության վերապրածներից է։ 13.07.2022, Sputnik Արմենիա
2022-07-13T18:14+0400
2022-07-13T18:14+0400
2022-07-13T19:14+0400
«ոսկե ծիրան» կինոփառատոն
մայքլ գյուրջյան
ռեժիսոր
հայաստան
հայոց ցեղասպանություն
ամն
https://cdn.am.sputniknews.ru/img/07e6/07/0d/45171042_0:84:1600:984_1920x0_80_0_0_8bd2eb1c3eff3ab2f996696b034d7e8f.jpg
ԵՐԵՎԱՆ, 13 հուլիսի – Sputnik. Հայոց ցեղասպանության մասին ֆիլմերի առանձնահատկությունն այն է, որ դժվար է «համոզել» օտարերկրացուն դրանք նայել։ «Ոսկե ծիրան» կինոփառատոնի շրջանակում կազմակերպված հանդիպմանը նման կարծիք հայտնեց կինոդերասան և ռեժիսոր Մայքլ Գյուրջյանը, որի «Ամերիկացին» ֆիլմով տրվեց «Ոսկե ծիրանի» մեկնարկը։Հենց այս իսկ պատճառով էլ ռեժիսորը նկարել է մի ֆիլմ, որի պատմությունը, ըստ նրա, կարող է կրկնվել ցանկացած երկրում։ Ի դեպ, «Ամերիկացին» ֆիլմի հերոսը փոքրիկ Չարլին է. նա փախել ու փրկվել է Հայոց ցեղասպանությունից՝ թաքնվելով ԱՄՆ մեկնող բեռնատար նավում: 1940-ականներին Չարլին վերադառնում է հայրենիք և տեսնում Խորհրդային Հայաստանը։ Սակայն նրան ձերբակալում են փողկապ կրելու համար, և նա բանտի խցի պատից ճեղքից սկսում է հետևել դիմացի շենքի բնակարանների բնակիչների կյանքին։«Ամերիկացին» ֆիլմի նկարահանումներն իրականացվել են նաև ՀՀ-ում, սակայն դրանք բարդ ընթացք են ունեցել. նկարահանումներից մեկ շաբաթ հետո կորոնավիրուսի սահմանափակումներն են սկսվել, և շուրջ 2 ամիս նկարահանման աշխատանքները դադարեցվել են։ Գյուրջյանն ասում է` Հայաստանում հեշտ է նկարահանումներ իրականացնել, քանի որ ազատություն կա, քաշքշուկը քիչ է։ Օրինակ, ֆիլմի դրվագներից մեկում պետք է այծ լիներ, ինչը շատ հեշտությամբ է ստացվել, իսկ ԱՄՆ-ում դրա համար հատուկ լիցենզիա է պետք։ Նա ասում է` կուզեր երիտասարդ ռեժիսորներին խորհուրդ տալ շատ այցելել ՀՀ և հենց այստեղ նկարահանումներ իրականացնել, որպեսզի փորձի փոխանակում լինի, մեկը մյուսին լրացնի։«Հայաստանը ֆիլմ նկարելու համար ոգեշնչող տեղ է. ճիշտ է, օրինակ, լավ վերամբարձ կռունկ չկա այստեղ, սակայն նկարահանման արդյունքը լավն է լինում, եթե ուզում ես»,-ասում է Գյուրջյանը։Օսկարակիր ռեժիսորներ, «Ոսկե արմավենու» դափնեկիրներ. «Ոսկե ծիրանի» բացումը՝ լուսանկարներովԻսկ հարցին, թե ինչ է նշանակում հայ, ռեժիսորն ասում է` իր համար դեռ հարց է դա, քանի որ ինքնության հարցը կենդանի պրոցես է։ Սակայն Գյուրջյանն ասում է` ինքը հայի նման չէ, և կարծես իրեն կեղծ հայ է զգում, «ձևացնող հայ»։Իսկ ինչ վերաբերում է գալիք ծրագրերին, ապա կինոռեժիսորը նշում է, որ տարբեր բաներ է մտմտում` գուցե Հայաստանում ֆիլմ նկարի, որպեսզի ցույց տա, որ այստեղ էլ հնարավոր է լավ ֆիլմ նկարել, որը կարող է և Հայաստանի մասին չլինել։ Բացի այդ, ռեժիսորը մտածում է նաև հայերեն ֆիլմ նկարելու մասին։Հիշեցնենք, որ Երևանի «Ոսկե ծիրան» 19-րդ միջազգային կինոփառատոնն այս տարի անցկացվում է հուլիսի 10-17-ը։
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
«ոսկե ծիրան» կինոփառատոն, մայքլ գյուրջյան, ռեժիսոր, հայաստան, հայոց ցեղասպանություն, ամն
«ոսկե ծիրան» կինոփառատոն, մայքլ գյուրջյան, ռեժիսոր, հայաստան, հայոց ցեղասպանություն, ամն
Հայաստանը ֆիլմ նկարելու համար ոգեշնչող տեղ է. Գյուրջյանը ռեժիսորներին կոչ է անում ՀՀ գալ
18:14 13.07.2022 (Թարմացված է: 19:14 13.07.2022) Մայքլ Գյուրջյանի «Ամերիկացի» ֆիլմը նվիրված է նրա պապին, որը Հայոց ցեղասպանության վերապրածներից է։
ԵՐԵՎԱՆ, 13 հուլիսի – Sputnik. Հայոց ցեղասպանության մասին ֆիլմերի առանձնահատկությունն այն է, որ դժվար է «համոզել» օտարերկրացուն դրանք նայել։ «Ոսկե ծիրան» կինոփառատոնի շրջանակում կազմակերպված հանդիպմանը նման կարծիք հայտնեց կինոդերասան և ռեժիսոր Մայքլ Գյուրջյանը, որի «Ամերիկացին» ֆիլմով տրվեց «Ոսկե ծիրանի» մեկնարկը։
Հենց այս իսկ պատճառով էլ ռեժիսորը նկարել է մի ֆիլմ, որի պատմությունը, ըստ նրա, կարող է կրկնվել ցանկացած երկրում։ Ի դեպ, «Ամերիկացին» ֆիլմի հերոսը փոքրիկ Չարլին է. նա փախել ու փրկվել է Հայոց ցեղասպանությունից՝ թաքնվելով ԱՄՆ մեկնող բեռնատար նավում: 1940-ականներին Չարլին վերադառնում է հայրենիք և տեսնում Խորհրդային Հայաստանը։ Սակայն նրան ձերբակալում են փողկապ կրելու համար, և նա բանտի խցի պատից ճեղքից սկսում է հետևել դիմացի շենքի բնակարանների բնակիչների կյանքին։
«Այս ֆիլմը նվիրել եմ պապիկիս` Մանուկ Գյուրջյանին. նա Հայոց ցեղասպանության վերապրած է։ Մինչև ջարդերը նաև փաշաներից մեկի ձին էր ամեն օր մրցավազքի տանում, իսկ 1915-ին թուրքերը եկել և նրան են փնտրել, որպեսզի սպանեն։ Սակայն թուրք հարևանները պապիկիս արկղի մեջ են թաքցրել և ԱՄՆ մեկնող նավում տեղավորել։ Ողջ ընտանիքը զոհվել է` միայն պապիկս է ողջ մնացել։ Այսպես մենք հայտնվեինք ԱՄՆ-ում»,- պատմեց Գյուրջյանը։
«Ամերիկացին» ֆիլմի նկարահանումներն իրականացվել են նաև ՀՀ-ում, սակայն դրանք բարդ ընթացք են ունեցել. նկարահանումներից մեկ շաբաթ հետո կորոնավիրուսի սահմանափակումներն են սկսվել, և շուրջ 2 ամիս նկարահանման աշխատանքները դադարեցվել են։ Գյուրջյանն ասում է` Հայաստանում հեշտ է նկարահանումներ իրականացնել, քանի որ ազատություն կա, քաշքշուկը քիչ է։ Օրինակ, ֆիլմի դրվագներից մեկում պետք է այծ լիներ, ինչը շատ հեշտությամբ է ստացվել, իսկ ԱՄՆ-ում դրա համար հատուկ լիցենզիա է պետք։ Նա ասում է` կուզեր երիտասարդ ռեժիսորներին խորհուրդ տալ շատ այցելել ՀՀ և հենց այստեղ նկարահանումներ իրականացնել, որպեսզի փորձի փոխանակում լինի, մեկը մյուսին լրացնի։
«Հայաստանը ֆիլմ նկարելու համար ոգեշնչող տեղ է. ճիշտ է, օրինակ, լավ վերամբարձ կռունկ չկա այստեղ, սակայն նկարահանման արդյունքը լավն է լինում, եթե ուզում ես»,-ասում է Գյուրջյանը։
Իսկ հարցին, թե ինչ է նշանակում հայ, ռեժիսորն ասում է` իր համար դեռ հարց է դա, քանի որ ինքնության հարցը կենդանի պրոցես է։ Սակայն Գյուրջյանն ասում է` ինքը հայի նման չէ, և կարծես իրեն կեղծ հայ է զգում, «ձևացնող հայ»։
Իսկ ինչ վերաբերում է գալիք ծրագրերին, ապա կինոռեժիսորը նշում է, որ տարբեր բաներ է մտմտում` գուցե Հայաստանում ֆիլմ նկարի, որպեսզի ցույց տա, որ այստեղ էլ հնարավոր է լավ ֆիլմ նկարել, որը կարող է և Հայաստանի մասին չլինել։ Բացի այդ, ռեժիսորը մտածում է նաև հայերեն ֆիլմ նկարելու մասին։
Հիշեցնենք, որ Երևանի «Ոսկե ծիրան» 19-րդ միջազգային կինոփառատոնն այս տարի անցկացվում է հուլիսի 10-17-ը։
