https://arm.sputniknews.ru/20220713/aranc-hanrapetakani-hajastanum-irakan-ynddimadir-gvortsyntac-anel-hnaravvor-che-mamijanjan-45157502.html
Առանց Հանրապետականի Հայաստանում իրական ընդդիմադիր գործընթաց անել հնարավոր չէ․ Մամիջանյան
Առանց Հանրապետականի Հայաստանում իրական ընդդիմադիր գործընթաց անել հնարավոր չէ․ Մամիջանյան
Sputnik Արմենիա
ԱԺ «Պատիվ ունեմ» խմբակցության պատգամավոր Հայկ Մամիջանյանը Sputnik Արմենիայի տաղավարում խոսել է ներքաղաքական խնդիրների և ընդդիմության օրակարգի մասին։ 13.07.2022, Sputnik Արմենիա
2022-07-13T19:50+0400
2022-07-13T19:50+0400
2022-07-13T20:09+0400
հայկ մամիջանյան
ընդդիմություն
տեսանյութեր
տեսանյութ
հայաստանի հանրապետական կուսակցություն (հհկ)
իշխանություն
հարցազրույց
https://cdn.am.sputniknews.ru/img/07e6/07/0d/45153829_0:0:1600:901_1920x0_80_0_0_dfdcef7ad842f81a791507655c053668.jpg
Հուլիսի 14-ին կայանալիք ԱԺ խորհրդի նիստին, որում քննարկվելու է ընդդիմադիր պատգամավորներին մանդատներից զրկելու հարցը, «Պատիվ ունեմ» խմբակցությունը չի մասնակցելու. դրա շուրջ քննարկում է եղել։ Այս մասին Sputnik Արմենիայի տաղավարում ասաց ԱԺ «Պատիվ ունեմ» խմբակցության պատգամավոր Հայկ Մամիջանյանը։Մամիջանյանը նշեց՝ չի էլ փորձում վերլուծել` ինչ կլինի, եթե իրենց լիազորությունները խորհրդարանում դադարեցվեն։ ՔՊ-ն, նրա խոսքով, ոչ թե քաղաքական թիմ է, այլ խունտա, որի գործողությունները կանխատեսելը շատ բարդ է։Նա անտեղի է համարում այս պահին ՔՊ-ից առաջ ընկնելն ու պատգամավորական մանդատներից հրաժարվելը։Մամիջանյանի խոսքով՝ այդպիսի «տղայական մրցավազքի» մեջ մտնելու կարիք չկա։ Ինչ վերաբերում է մանդատին, այն, պատգամավորի դիտարկմամբ, պարզապես գործիք է, որն իրենք օգտագործում են խորհրդարանական դիվանագիտության կամ մի շարք այլ նպատակներով։Ընդդիմադիրներին մանդատներից զրկելու համար նիստ է հրավիրվել. ի՞նչ է նախատեսում օրենքըԱնդրադառնալով այս պահին ընդդիմության օրակարգին ու միմյանց միջև հարաբերություններին, Մամիջանյանը նշեց, որ ՀՀԿ-ի համար 2018թ․ ապրիլի 25-ից օրակարգը նույնն է․ կանխել երկրի այս ծանր իրավիճակը, իսկ դրա միակ տարբերակը, պատգամավորի խոսքով, իշխանափոխությունն է։Ընդդիմադիր պատգամավորն ընդգծեց, որ իրենց խմբակցության ու ԱԺ «Հայաստան» խմբակցության միջև ռազմավարական մակարդակում որևէ տարաձայնություն չկա և լինել չի կարող։ Կան որոշ հարցերի շուրջ գործիքների կիրառման տարբերություններ։ Իրենք շարունակում են գործընկերային, որոշ մարդկանց դեպքում՝ ընկերական հարաբերություններ պահպանել։Հարցին՝ երբ են իրենք կանխատեսում, որ կհասնեն իրենց վերջնանպատակին (Փաշինյանի իշխանության հեռացմանը), Մամիջանյանը պատասխանեց, որ դա կլինի այն ժամանակ, երբ ընդդիմությունը հաջողի կոմունիկացվել հասարակության այն շերտի հետ, որն այս կամ այն պատճառով չի ցանկանում փողոց դուրս գալ ու պայքարել։Հիշեցնենք, որ հուլիսի 14-ին` ժամը 18։30-ին հրավիրված է ԱԺ խորհրդի արտահերթ նիստ, որի օրակարգում ընդդիմադիր մի շարք պատգամավորների մանդատից զրկելու համար ՍԴ դիմելու հարցն է։«Առնվազն ազնիվ չէ». Արթուր Ղազինյանը հրաժարվում է պատգամավորական մանդատիցԽոսքը, մասնավորապես, 2 խմբակցությունների պատգամավորների լիազորությունները դադարեցնելու մասին է։Ցանկում չկան միայն անկախ պատգամավոր Թագուհի Թովմասյանի (նախկինում` «Պատիվ ունեմ» խմբակցությունից) և անկախ պատգամավոր Իշխան Զաքարյանի (նախկինում` «Պատիվ ունեմ» խմբակցությունից) անունները։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայկ մամիջանյան, ընդդիմություն, տեսանյութեր, տեսանյութ, հայաստանի հանրապետական կուսակցություն (հհկ), իշխանություն, հարցազրույց, видео
հայկ մամիջանյան, ընդդիմություն, տեսանյութեր, տեսանյութ, հայաստանի հանրապետական կուսակցություն (հհկ), իշխանություն, հարցազրույց, видео
Առանց Հանրապետականի Հայաստանում իրական ընդդիմադիր գործընթաց անել հնարավոր չէ․ Մամիջանյան
19:50 13.07.2022 (Թարմացված է: 20:09 13.07.2022) ԱԺ «Պատիվ ունեմ» խմբակցության պատգամավոր Հայկ Մամիջանյանը Sputnik Արմենիայի տաղավարում խոսել է ներքաղաքական խնդիրների և ընդդիմության օրակարգի մասին։
Հուլիսի 14-ին կայանալիք ԱԺ խորհրդի նիստին, որում քննարկվելու է ընդդիմադիր պատգամավորներին մանդատներից զրկելու հարցը, «Պատիվ ունեմ» խմբակցությունը չի մասնակցելու. դրա շուրջ քննարկում է եղել։ Այս մասին
Sputnik Արմենիայի տաղավարում ասաց ԱԺ «Պատիվ ունեմ» խմբակցության պատգամավոր Հայկ Մամիջանյանը։
«Ես քաղաքականությամբ եմ զբաղվում, ոչ թե թատրոնով կամ կրկեսով, ուստի այդ ներկայացումներին ես առավելագույնը կարող եմ մասնակցել որպես դիտորդ։ Ինչ ուզում են, թող անեն, այդ մանդատը մեզ ՔՊ-ն չի տվել, այլ հայ ժողովուրդը, մանդատից էլ միայն ժողովուրդը կարող է զրկել»,- մեկնաբանեց Մամիջանյանը։
Մամիջանյանը նշեց՝ չի էլ փորձում վերլուծել` ինչ կլինի, եթե իրենց լիազորությունները խորհրդարանում դադարեցվեն։ ՔՊ-ն, նրա խոսքով, ոչ թե քաղաքական թիմ է, այլ խունտա, որի գործողությունները կանխատեսելը շատ բարդ է։
Նա անտեղի է համարում այս պահին ՔՊ-ից առաջ ընկնելն ու պատգամավորական մանդատներից հրաժարվելը։
Մամիջանյանի խոսքով՝ այդպիսի «տղայական մրցավազքի» մեջ մտնելու կարիք չկա։ Ինչ վերաբերում է մանդատին, այն, պատգամավորի դիտարկմամբ, պարզապես գործիք է, որն իրենք օգտագործում են խորհրդարանական դիվանագիտության կամ մի շարք այլ նպատակներով։
Անդրադառնալով այս պահին ընդդիմության օրակարգին ու միմյանց միջև հարաբերություններին, Մամիջանյանը նշեց, որ ՀՀԿ-ի համար 2018թ․ ապրիլի 25-ից օրակարգը նույնն է․ կանխել երկրի այս ծանր իրավիճակը, իսկ դրա միակ տարբերակը, պատգամավորի խոսքով, իշխանափոխությունն է։
Ընդդիմադիր պատգամավորն ընդգծեց, որ իրենց խմբակցության ու ԱԺ «Հայաստան» խմբակցության միջև ռազմավարական մակարդակում որևէ տարաձայնություն չկա և լինել չի կարող։ Կան որոշ հարցերի շուրջ գործիքների կիրառման տարբերություններ։ Իրենք շարունակում են գործընկերային, որոշ մարդկանց դեպքում՝ ընկերական հարաբերություններ պահպանել։
«Մենք մեր ամբողջ ռեսուրսն օգտագործում ենք պայքարի համար։ Հանրապետականի մոտեցումը հետևյալն է․ անհրաժեշտ է, որ իրական ընդդիմությունը լինի համախմբված, դա պահպանելու համար շատ հաճախ ՀՀԿ-ն գնացել է կոմպրոմիսի։ Առանց ՀՀԿ-ի Հայաստանում իրական ընդդիմադիր գործընթաց անել հնարավոր չէ»,- շեշտեց ՀՀԿ–ական պատգամավորը։
Հարցին՝ երբ են իրենք կանխատեսում, որ կհասնեն իրենց վերջնանպատակին (Փաշինյանի իշխանության հեռացմանը), Մամիջանյանը պատասխանեց, որ դա կլինի այն ժամանակ, երբ ընդդիմությունը հաջողի կոմունիկացվել հասարակության այն շերտի հետ, որն այս կամ այն պատճառով չի ցանկանում փողոց դուրս գալ ու պայքարել։
«Երբ այս վիճակն է երկրում, իմ մտքով չի անցնում այլ բանի մասին խոսել, քան անվտանգային հարցերն են, բայց մենք երևի սխալվել ենք, երևի պետք է խոսել նաև սոցիալականից, կոռուպցիայից, առողջապահությունից և այլն։ Եվ մենք այդ սխալը շտկում ենք և շարունակելու ենք շտկել»,- հավելեց Մամիջանյանը։
Հիշեցնենք, որ հուլիսի 14-ին` ժամը 18։30-ին հրավիրված է ԱԺ խորհրդի արտահերթ նիստ, որի օրակարգում ընդդիմադիր մի շարք պատգամավորների մանդատից զրկելու համար ՍԴ դիմելու հարցն է։
Խոսքը, մասնավորապես, 2 խմբակցությունների պատգամավորների լիազորությունները դադարեցնելու մասին է։
Ցանկում չկան միայն անկախ պատգամավոր Թագուհի Թովմասյանի (նախկինում` «Պատիվ ունեմ» խմբակցությունից) և անկախ պատգամավոր Իշխան Զաքարյանի (նախկինում` «Պատիվ ունեմ» խմբակցությունից) անունները։
