Հատիս լեռան ստորոտում 140 հա հող է օտարվել «Ծառուկյան» հիմնադրամին. «Հետք»
13:08 11.07.2022 (Թարմացված է: 14:46 11.07.2022)
CC BY-SA 4.0 / Слитинский / Арамус у подножья горы Адис (cropped, resized and color corrected)Արամուս գյուղը Հատիս լեռան ստորոտում
![Արամուս գյուղը Հատիս լեռան ստորոտում Արամուս գյուղը Հատիս լեռան ստորոտում - Sputnik Արմենիա, 1920, 11.07.2022](https://cdn.am.sputniknews.ru/img/07e6/07/0b/45019609_0:0:1600:901_1920x0_80_0_0_37795c1a973b4c4e9d1d6aab71c9ca2b.jpg)
Բաժանորդագրվել
«Գագիկ Ծառուկյան» հիմնադրամը հայտնում է, որ չնայած հիմա շինարարական աշխատանքներ են կատարում, սակայն արձանի շինարարությունը մեկնարկելու է պատկան մարմինների դրական եզրակացությունից հետո։
ԵՐԵՎԱՆ, 11 հուլիսի – Sputnik. 2022 թ.-ի մայիս-հունիս ամիսներին Կոտայքի մարզի Ակունք, Հատիս և Զովաշեն համայնքների վարչական տարածքներում գտնվող շուրջ 140 հեկտար հողատարածք աճուրդային կարգով օտարվել է «Գագիկ Ծառուկյան» բարեգործական հիմնադրամին, գրում է «Հետքը»։
«Օրինակ՝ Ակունք գյուղում 20 հեկտար հողակտորը վաճառվել է ընդամենը 1 մլն 600 հազար դրամով։ Նույն համայնքում 19.7 հա հողակտորն օտարվել է 1 մլն 576 հազար դրամով։ Օտարված հողերի հարևանությամբ գտնվող մեկ այլ՝ 17 հա հողակտորն օտարվել է 5 մլն 740 հազար դրամով, 20 հա մակերեսով մեկ այլ հողակտոր օտարվել է 7 մլն 900 հազար դրամով»,–գրում է կայքը։
Միաժամանակ, հիշեցնենք, որ ԿԳՄՍՆ–ն պահանջել էր դադարեցնել Հատիսի հնավայր-ամրոցի տարածքում ցանկացած շինարարություն, քանի որ այնտեղ առկա են հուշարձաններ, և արձանի դիրքը որոշելիս պետք է հուշարձանների պահպանության օրենքը չխախտել։
«Գագիկ Ծառուկյան» բարեգործական հիմնադրամն ի պատասխան արձագանքել է, թե այժմ իրականացվում են բացառապես ենթակառուցվածքների՝ ճանապարհների, էլեկտրականության, գազի, ջրի մատակարարումն ապահովելու ուղղությամբ տարվող որոշակի աշխատանքներ։ Իսկ արձանի շինարարությունը մեկնարկելու է պատկան մարմինների դրական եզրակացություններից հետո միայն: