https://arm.sputniknews.ru/20220706/amrany-nvor-miajn-hishum-en-jratarnery-maqrelu-masin-araratum-vorvogman-jri-sur-khndir-ka-44796922.html
Ամռանը նոր միայն հիշում են ջրատարները մաքրելու մասին. Արարատում ոռոգման ջրի սուր խնդիր կա
Ամռանը նոր միայն հիշում են ջրատարները մաքրելու մասին. Արարատում ոռոգման ջրի սուր խնդիր կա
Sputnik Արմենիա
«Ժողովրդավարական Արարատ» ՀԿ նախագահ Հենրիկ Ավագյանը Sputnik Արմենիայի եթերում անդրադարձել է Արարատի մարզի որոշ համայնքներում ոռոգման ջրի մատակարարման խնդրին։ 06.07.2022, Sputnik Արմենիա
2022-07-06T21:30+0400
2022-07-06T21:30+0400
2022-07-06T21:30+0400
ռադիո
պոդկաստ
ոռոգման ջուր
հայաստան
արարատի մարզ
https://cdn.am.sputniknews.ru/img/07e6/07/06/44795941_0:0:1600:901_1920x0_80_0_0_0ad775e6e9d16eaacf5912593a85de13.jpg
Ավագյան. Արարատի մարզի համայնքներում ոռոգման ջրի մատակարարման ընդհատումները դարձել են հաճախակի
Sputnik Արմենիա
Ավագյան. Արարատի մարզի համայնքներում ոռոգման ջրի մատակարարման ընդհատումները դարձել են հաճախակի
Այգիների ոռոգման այս թեժ շրջանում ջրամատակարարումն Արտաշատի շրջանի համայնքներում պարբերաբար ընդհատվում է 4-7 օրով, այն բացասաբար է ազդում պտուղ–բանջարեղենի բերքի վրա։ Տեղեկությունը Sputnik Արմենիայի հետ զրույցում ասաց «Ժողովրդավարական Արարատ» ՀԿ նախագահ Հենրիկ Ավագյանը։Ջրօգտագործողների ընկերությունից էլ հայտնել են, որ ջրամատակարարման ընդհատումները պայմանավորված են ջրատարների մաքրման աշխատանքներով։Նա հիշեցրեց, որ ոչ վաղ անցյալում տեխնիկական բնույթի խնդիրներից բացի, կային նաև այլ պրոբլեմներ, երբ որոշ ուղղություններում եռակցում էին ջրի դարպասները, որպեսզի աշխատացնեին ՀԷԿ–երը, կամ խտրականորեն էին իրականացնում ջրաբաշխումը։ Այժմ նման երևույթներ չկան, ուղղակի հիմա մտահոգիչ է դարձել ջրամատակարարման խաթարումների հարցը։«Մեզ ավելի շատ դիմել են Արտաշատի շրջանի համայնքներից, նրանք պարբերաբար ստուգում են ջրատարները և բողոքում ՋՕ–երի աշխատանքից։ Գյուղացիները պարտքեր չունեն, միշտ պարտաճանաչորեն կատարում են վճարումները, նրանք նույնիսկ իրենց նեղություն կտան, սակայն ոռոգման ջրի մատակարարման դիմաց պարտքեր չեն կուտակի։ Վճարում են` ջուր չեն տալիս, ուր մնաց, թե չվճարեն ու ջուր ստանան»,– ասաց «Ժողովրդավարական Արարատ» ՀԿ նախագահը։Գարնանը գրանցված տեղումնառատությունն իհարկե լավ էր, բայց միայն անձրևաջրով հնարավոր չէ հողը հագեցնել, դա լավ է հատկապես խոտհարքների համար, բայց ոչ այգիների։ Ուղղակի պետք է այդ ջուրը կուտակել ջրամբարներում կամ առանձին ավազաններում, որպեսզի հետո բաց թողնվի գյուղատնտեսական նպատակներով։ Ըստ նրա` գյուղացիներից պահանջում են պայմանագրեր կնքել, ջրի դիմաց նույնիսկ կանխավճարներ են վերցնում, սակայն այդ պայմանագրերում մարդկանց կրած վնասների փոխհատուցման մասին խոսք անգամ չկա։Ջրամբարների ջուրը Սևանին չի օգնի. Սանոսյանը ներկայացրեց ոռոգման ջրի պաշարների վիճակըՆշենք, որ Հայաստանում վերականգնվող ջրային պաշարները կազմում են 5․7 մլրդ խորանարդ մետր։ 16 մլրդ խորանարդ մետրը ձևավորվում է տեղումների միջոցով, մոտ 1․2 մլրդ խորանարդ մետր ջրի մի մասը, աշխարհագրական դիրքով պայմանավորված, դուրս է գալիս երկրից, մյուս մասն էլ գոլորշանում է։Մարտի 21–ի դիտարկմամբ, հանրապետության խոշոր ջրամբարներում 248 մլն խորանարդ մետր կուտակված ջուր կա, որը 40 մլն խորանարդ մետրով պակաս է 2021–ի ցուցանիշից։Հիշեցնենք, որ ՀՀ կառավարությունում վարչապետի գլխավորությամբ հունիսի 30-ին կայացած խորհրդակցության ընթացքում քննարկվել էին հողային բարեփոխումներին վերաբերող հարցեր և այդ համատեքստում Նիկոլ Փաշինյանը կարևորել էր հատկապես ոռոգման համակարգի արդիականացումն ու խոսել հողօգտագործողների համար անխափան ջրամատակարարում ապահովելու մասին:
արարատի մարզ
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
պոդկաստ, ոռոգման ջուր, հայաստան, արարատի մարզ, аудио
պոդկաստ, ոռոգման ջուր, հայաստան, արարատի մարզ, аудио
Ամռանը նոր միայն հիշում են ջրատարները մաքրելու մասին. Արարատում ոռոգման ջրի սուր խնդիր կա
«Ժողովրդավարական Արարատ» ՀԿ նախագահ Հենրիկ Ավագյանը Sputnik Արմենիայի եթերում անդրադարձել է Արարատի մարզի որոշ համայնքներում ոռոգման ջրի մատակարարման խնդրին։
Այգիների ոռոգման այս թեժ շրջանում ջրամատակարարումն Արտաշատի շրջանի համայնքներում պարբերաբար ընդհատվում է 4-7 օրով, այն բացասաբար է ազդում պտուղ–բանջարեղենի բերքի վրա։ Տեղեկությունը
Sputnik Արմենիայի հետ զրույցում ասաց «Ժողովրդավարական Արարատ» ՀԿ նախագահ Հենրիկ Ավագյանը։
Ջրօգտագործողների ընկերությունից էլ հայտնել են, որ ջրամատակարարման ընդհատումները պայմանավորված են ջրատարների մաքրման աշխատանքներով։
«Զարմանալի է` գալիս է ամառը, և նոր են միայն հիշում ջրատարները մաքրելու մասին։ Մարդիկ մեծ քանակությամբ սածիլներ են տնկել, սակայն զգալիորեն տուժում են ոռոգման ջրի սակավությունից կամ ջրամատակարարման հաճախակի դարձած ընդհատումներից։ Շատերն իրենց այգիներն ու հողատարածքները ջրելու համար հերթագրվում են, գալիս է նրանց հերթը ու կանգնում են նման փաստի առաջ»,– ասաց Ավագյանը։
Նա հիշեցրեց, որ ոչ վաղ անցյալում տեխնիկական բնույթի խնդիրներից բացի, կային նաև այլ պրոբլեմներ, երբ որոշ ուղղություններում եռակցում էին ջրի դարպասները, որպեսզի աշխատացնեին ՀԷԿ–երը, կամ խտրականորեն էին իրականացնում ջրաբաշխումը։ Այժմ նման երևույթներ չկան, ուղղակի հիմա մտահոգիչ է դարձել ջրամատակարարման խաթարումների հարցը։
«Մեզ ավելի շատ դիմել են Արտաշատի շրջանի համայնքներից, նրանք պարբերաբար ստուգում են ջրատարները և բողոքում ՋՕ–երի աշխատանքից։ Գյուղացիները պարտքեր չունեն, միշտ պարտաճանաչորեն կատարում են վճարումները, նրանք նույնիսկ իրենց նեղություն կտան, սակայն ոռոգման ջրի մատակարարման դիմաց պարտքեր չեն կուտակի։ Վճարում են` ջուր չեն տալիս, ուր մնաց, թե չվճարեն ու ջուր ստանան»,– ասաց «Ժողովրդավարական Արարատ» ՀԿ նախագահը։
Գարնանը գրանցված տեղումնառատությունն իհարկե լավ էր, բայց միայն անձրևաջրով հնարավոր չէ հողը հագեցնել, դա լավ է հատկապես խոտհարքների համար, բայց ոչ այգիների։ Ուղղակի պետք է այդ ջուրը կուտակել ջրամբարներում կամ առանձին ավազաններում, որպեսզի հետո բաց թողնվի գյուղատնտեսական նպատակներով։ Ըստ նրա` գյուղացիներից պահանջում են պայմանագրեր կնքել, ջրի դիմաց նույնիսկ կանխավճարներ են վերցնում, սակայն այդ պայմանագրերում մարդկանց կրած վնասների փոխհատուցման մասին խոսք անգամ չկա։
Նշենք, որ Հայաստանում վերականգնվող ջրային պաշարները կազմում են 5․7 մլրդ խորանարդ մետր։ 16 մլրդ խորանարդ մետրը ձևավորվում է տեղումների միջոցով, մոտ 1․2 մլրդ խորանարդ մետր ջրի մի մասը, աշխարհագրական դիրքով պայմանավորված, դուրս է գալիս երկրից, մյուս մասն էլ գոլորշանում է։
Մարտի 21–ի դիտարկմամբ, հանրապետության խոշոր ջրամբարներում 248 մլն խորանարդ մետր կուտակված ջուր կա, որը 40 մլն խորանարդ մետրով պակաս է 2021–ի ցուցանիշից։
Հիշեցնենք, որ ՀՀ կառավարությունում վարչապետի գլխավորությամբ հունիսի 30-ին կայացած խորհրդակցության ընթացքում քննարկվել էին հողային բարեփոխումներին վերաբերող հարցեր և այդ համատեքստում Նիկոլ Փաշինյանը կարևորել էր հատկապես ոռոգման համակարգի արդիականացումն ու խոսել հողօգտագործողների համար անխափան ջրամատակարարում ապահովելու մասին:
