https://arm.sputniknews.ru/20220705/pashinjany-nevoghutjun-chi-khndri-tovmasjanic-nranic-gumar-kbrnagandzen-44727905.html
Փաշինյանը ներողություն չի խնդրի Թովմասյանից. վերաքննիչ դատարանի որոշումը
Փաշինյանը ներողություն չի խնդրի Թովմասյանից. վերաքննիչ դատարանի որոշումը
Sputnik Արմենիա
Հրայր Թովմասյանի գրիչի հետ կապված պատմությունը նոր շրջադարձ է ստացել։ Վերաքննիչ քաղաքացիական դատարանն ընդունել է արմատապես տարբերվող որոշում։ 05.07.2022, Sputnik Արմենիա
2022-07-05T12:42+0400
2022-07-05T12:42+0400
2022-07-05T13:03+0400
նիկոլ փաշինյան
հրայր թովմասյան
դատ
https://cdn.am.sputniknews.ru/img/2195/94/21959425_0:160:3073:1888_1920x0_80_0_0_cc9f2cf4c9f3650bd8268f9659e3fc21.jpg
ԵՐԵՎԱՆ, 5 հուլիսի – Sputnik. ՀՀ վերաքննիչ դատարանը մերժել է առաջին ատյանի դատարանի որոշումը, որը վարչապետ Նիկոլ Փաշինյանին պարտավորեցրել էր ներողություն խնդրել ՍԴ նախկին նախագահ Հրայր Թովմասյանից: Տեղեկությունը հրապարակված է «Դատալեքս» (Datalex) համակարգում։Ավելի վաղ, առաջին ատյանի դատարանը որոշում էր կայացրել մասնակիորեն բավարարել Թովմասյանի հայցը։ Մասնավորապես, նա պարտավորեցրել է վարչապետին հրապարակավ ներողություն խնդրել, սակայն 2 մլն դրամ դրամական փոխհատուցման վերաբերյալ հայցը մերժվել էր։ Դրանից հետո կառավարության ղեկավարն ու Թովմասյանի փաստաբանը դիմել են Վերաքննիչ դատարան։ Փաշինյանը պահանջում էր վերացնել առաջին ատյանի դատարանի որոշումը, իսկ Թովմասյանը` ամբողջությամբ բավարարել հայցը։ ՍԴ-ն բավարարեց Հրայր Թովմասյանի միջնորդությունը. Ավանեսյանի հրամանի քննությունը հետաձգվեցԱյժմ որոշվել է բավարարել Նիկոլ Փաշինյանի հայցը, իսկ Թովմասյանին պարտավորեցրել են 10 հազար դրամ վճարել, որպես վերաքննիչ բողոքի համար նախապես վճարված պետական տուրքի գումար:Որոշումն օրինական ուժի մեջ է մտնում հրապարակման պահից մեկ ամիս հետո և նույն ժամկետում կարող է բողոքարկվել վճռաբեկության կարգով։Թովմասյանը հայտարարել է, որ դատի կտա զրպարտության համար, եթե Փաշինյանը չապացուցի իր խոսքերը կամ չհերքի դրանք:Այնուհետև վարչապետը ֆեյսբուքյան իր էջում ցույց է տվել «էլիտար» գրչի լուսանկարը, որը Թովմասյանը, ըստ նրա, նվիրել էր 2018-ի մայիսին անձնական հանդիպման ժամանակ։ Ընդ որում, Փաշինյանը հավելել է, որ Թովմասյանն իրեն «խիստ քծնանքով է դիմել»։ Թովմասյանը դիմել է առաջին ատյանի դատարան և պահանջել, որ Փաշինյանը ներողություն խնդրի իրենից։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
նիկոլ փաշինյան, հրայր թովմասյան, դատ
նիկոլ փաշինյան, հրայր թովմասյան, դատ
Փաշինյանը ներողություն չի խնդրի Թովմասյանից. վերաքննիչ դատարանի որոշումը
12:42 05.07.2022 (Թարմացված է: 13:03 05.07.2022) Հրայր Թովմասյանի գրիչի հետ կապված պատմությունը նոր շրջադարձ է ստացել։ Վերաքննիչ քաղաքացիական դատարանն ընդունել է արմատապես տարբերվող որոշում։
ԵՐԵՎԱՆ, 5 հուլիսի – Sputnik. ՀՀ վերաքննիչ դատարանը մերժել է առաջին ատյանի դատարանի որոշումը, որը վարչապետ Նիկոլ Փաշինյանին պարտավորեցրել էր ներողություն խնդրել ՍԴ նախկին նախագահ Հրայր Թովմասյանից: Տեղեկությունը հրապարակված է «Դատալեքս» (Datalex) համակարգում։
Ավելի վաղ, առաջին ատյանի դատարանը որոշում էր կայացրել մասնակիորեն բավարարել Թովմասյանի հայցը։ Մասնավորապես, նա պարտավորեցրել է վարչապետին հրապարակավ ներողություն խնդրել, սակայն 2 մլն դրամ դրամական փոխհատուցման վերաբերյալ հայցը մերժվել էր։ Դրանից հետո կառավարության ղեկավարն ու Թովմասյանի փաստաբանը դիմել են Վերաքննիչ դատարան։ Փաշինյանը պահանջում էր վերացնել առաջին ատյանի դատարանի որոշումը, իսկ Թովմասյանը` ամբողջությամբ բավարարել հայցը։
Այժմ որոշվել է բավարարել Նիկոլ Փաշինյանի հայցը, իսկ Թովմասյանին պարտավորեցրել են 10 հազար դրամ վճարել, որպես վերաքննիչ բողոքի համար նախապես վճարված պետական տուրքի գումար:
Որոշումն օրինական ուժի մեջ է մտնում հրապարակման պահից մեկ ամիս հետո և նույն ժամկետում կարող է բողոքարկվել վճռաբեկության կարգով։
Նշենք, որ 2021 թվականի ապրիլին Նիկոլ Փաշինյանը հայտարարել էր, որ ՍԴ նախկին ղեկավար Հրայր Թովմասյանն իրեն առաջարկել է իր մասնագիտական ծառայությունները նոր իշխանության ամրապնդման համար։
Թովմասյանը հայտարարել է, որ դատի կտա զրպարտության համար, եթե Փաշինյանը չապացուցի իր խոսքերը կամ չհերքի դրանք:
Այնուհետև վարչապետը ֆեյսբուքյան իր էջում ցույց է տվել «էլիտար» գրչի լուսանկարը, որը Թովմասյանը, ըստ նրա, նվիրել էր 2018-ի մայիսին անձնական հանդիպման ժամանակ։ Ընդ որում, Փաշինյանը հավելել է, որ Թովմասյանն իրեն «խիստ քծնանքով է դիմել»։ Թովմասյանը դիմել է առաջին ատյանի դատարան և պահանջել, որ Փաշինյանը ներողություն խնդրի իրենից։
