https://arm.sputniknews.ru/20220702/ankargutjunner-uzbekstanum-kazmakerpichnery-dzerbakalvel-en-44595492.html
Անկարգություններ Ուզբեկստանում. կազմակերպիչները ձերբակալվել են
Անկարգություններ Ուզբեկստանում. կազմակերպիչները ձերբակալվել են
Sputnik Արմենիա
Կարակալպակստանի Ինքնավար Հանրապետության ՆԳՆ–ում նշել են, որ հասարակական կարգը քաղաքում վերականգնվել է, բնակիչների հետ աշխատանքներ են տարվում օրենսդրությունը... 02.07.2022, Sputnik Արմենիա
2022-07-02T14:02+0400
2022-07-02T14:02+0400
2022-07-02T15:14+0400
ուզբեկստան
բողոքի ակցիա
ձերբակալություն
սահմանադրական դատարան
https://cdn.am.sputniknews.ru/img/07e6/07/02/44592520_0:88:1600:989_1920x0_80_0_0_bb82534038deb44c67b5e52729e45774.jpg
ԵՐԵՎԱՆ, 2 հուլիսի – Sputnik. Ուզբեկստանի Կարակալպակստան Ինքնավար Հանրապետության մայրաքաղաք Նուկուսում անկարգություններ են կազմակերպել` փորձելով զավթել տարածաշրջանի իշխանության մարմինները։ Կազմակերպիչների խումբը ձերբակալվել է։ Այս մասին ասվում է Կարակալպակստանի խորհրդարանի, կառավարության և ՆԳՆ–ի համատեղ հայտարարության մեջ։Ավելի վաղ Ուզբեկստանի ՆԳՆ–ն հայտնել էր, որ Նուկուսում ապօրինի ցույցեր են անցկացվել երկրի Սահմանադրության մեջ մտցվող փոփոխությունների պատճառով։ Նշվում է, որ հասարակական կարգը քաղաքում վերականգնվել է, բնակիչների հետ աշխատանքներ են տարվում օրենսդրությունը խախտելու անթույլատրելիության վերաբերյալ։Նշվում է, որ բոլոր ձերբակալվածները կենթարկվեն պատասխանատվության` համաձայն գործող օրենսդրության։Լիբիայում բողոքի զանգվածային ցույցեր են ընթանումՏեղի իշխանությունների տվյալներով` սադրիչները, հենվելով հավաքված քաղաքացիների վրա, փորձ են ձեռնարկել զավթելու տվյալ պետական հաստատությունն ու «այդպիսով պառակտում մտցնել հասարակության մեջ, ապակայունացնել հասարակական–քաղաքական իրավիճակն Ուզբեկստանում»։Ուզբեկստանի նախագահ Շավկաթ Միրզիյոևը նախորդ շաբաթ առաջարկել էր սահմանադրական փոփոխությունների վերաբերյալ համաժողովրդական հանրաքվե անցկացնել։Խորհրդարանի որոշման համաձայն` նախագծի համաժողովրդական քննարկումները կտևեն մինչև հուլիսի 4-ը ներառյալ, այնուհետև օրինագիծը հանրաքվեի կդրվի։ Օրենքի նախագիծն ավելի քան 200 փոփոխություն է նախատեսում սահմանադրության 64-րդ հոդվածում։ Այդ թվում են Ուզբեկստանի նախագահի լիազորությունների ժամկետը 5-ից 7 տարով երկարացնելը, մահապատժի արգելքը, երկրի քաղաքացուն օտարերկրյա պետությանը հանձնելու արգելքի մասին կետերը։ Գործող Սահմանադրությունը, որն ընդունվել է 1992 թվականին, բաղկացած է 128 հոդվածից։ Մինչ այս մայր օրենքում 15 անգամ փոփոխություն է արվել։Ղազախստանում զանգվածային անկարգությունների հետևանքով 225 մարդ է մահացելՀիշեցնենք, որ Կարակալպակստան Ինքնավար Հանրապետությունը գտնվում է Ուզբեկստանի հյուսիս–արևմուտքում։ Այն երկրի տարածքի 40% –ը զբաղեցնող խոշորագույն շրջան է, որը շուրջ 2 մլն բնակիչ ունի։ 1990-ականներին պայմանագիր էր ստորագրվել հանրաքվեի հիման վրա դուրս գալու իրավունքով և երկու լեզուներով (կարակալպակերեն և ուզբեկերեն) որպես ինքնիշխան հանրապետություն Ուզբեկստանի կազմում ընդգրկվելու վերաբերյալ։
ուզբեկստան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.sputniknews.ru/img/07e6/07/02/44592520_177:0:1600:1067_1920x0_80_0_0_ade3611b22e8c9747aa09a5a8e5ec531.jpgSputnik Արմենիա
media@sputniknews.com
+74956456601
MIA „Rossiya Segodnya“
ուզբեկստան, բողոքի ակցիա, ձերբակալություն, սահմանադրական դատարան
ուզբեկստան, բողոքի ակցիա, ձերբակալություն, սահմանադրական դատարան
Անկարգություններ Ուզբեկստանում. կազմակերպիչները ձերբակալվել են
14:02 02.07.2022 (Թարմացված է: 15:14 02.07.2022) Կարակալպակստանի Ինքնավար Հանրապետության ՆԳՆ–ում նշել են, որ հասարակական կարգը քաղաքում վերականգնվել է, բնակիչների հետ աշխատանքներ են տարվում օրենսդրությունը խախտելու անթույլատրելիության վերաբերյալ։
ԵՐԵՎԱՆ, 2 հուլիսի – Sputnik. Ուզբեկստանի Կարակալպակստան Ինքնավար Հանրապետության մայրաքաղաք Նուկուսում անկարգություններ են կազմակերպել` փորձելով զավթել տարածաշրջանի իշխանության մարմինները։ Կազմակերպիչների խումբը ձերբակալվել է։ Այս մասին ասվում է Կարակալպակստանի խորհրդարանի, կառավարության և ՆԳՆ–ի համատեղ հայտարարության մեջ։
Ավելի վաղ Ուզբեկստանի ՆԳՆ–ն հայտնել էր, որ Նուկուսում ապօրինի ցույցեր են անցկացվել երկրի Սահմանադրության մեջ մտցվող փոփոխությունների պատճառով։ Նշվում է, որ հասարակական կարգը քաղաքում վերականգնվել է, բնակիչների հետ աշխատանքներ են տարվում օրենսդրությունը խախտելու անթույլատրելիության վերաբերյալ։
«Զանգվածային անկարգությունների կազմակերպիչների խումբը և իրավապահ մարմիններին ակտիվ դիմադրություն ցուցաբերած անձինք ձերբակալվել են։ Այժմ նրանց նկատմամբ քննչական գործողություններ են տարվում», – ասվում է հայտարարության մեջ։
Նշվում է, որ բոլոր ձերբակալվածները կենթարկվեն պատասխանատվության` համաձայն գործող օրենսդրության։
Տեղի իշխանությունների տվյալներով` սադրիչները, հենվելով հավաքված քաղաքացիների վրա, փորձ են ձեռնարկել զավթելու տվյալ պետական հաստատությունն ու «այդպիսով պառակտում մտցնել հասարակության մեջ, ապակայունացնել հասարակական–քաղաքական իրավիճակն Ուզբեկստանում»։
«Այս պայմաններում մտահոգություն են առաջացնում առանձին արտաքին անառողջ ուժերի` արտերկրից Կարակալպակստանի իրավիճակի զարգացման վրա ազդելու փորձերը, այդ թվում` նպատակաուղղված տեղեկատվական լցոնումներով և իրադարձությունների խեղաթյուրմամբ», – ասվում է հայտարարության մեջ։
Ուզբեկստանի նախագահ Շավկաթ Միրզիյոևը նախորդ շաբաթ առաջարկել էր սահմանադրական փոփոխությունների վերաբերյալ համաժողովրդական հանրաքվե անցկացնել։
Խորհրդարանի որոշման համաձայն` նախագծի համաժողովրդական քննարկումները կտևեն մինչև հուլիսի 4-ը ներառյալ, այնուհետև օրինագիծը հանրաքվեի կդրվի։ Օրենքի նախագիծն ավելի քան 200 փոփոխություն է նախատեսում սահմանադրության 64-րդ հոդվածում։ Այդ թվում են Ուզբեկստանի նախագահի լիազորությունների ժամկետը 5-ից 7 տարով երկարացնելը, մահապատժի արգելքը, երկրի քաղաքացուն օտարերկրյա պետությանը հանձնելու արգելքի մասին կետերը։ Գործող Սահմանադրությունը, որն ընդունվել է 1992 թվականին, բաղկացած է 128 հոդվածից։ Մինչ այս մայր օրենքում 15 անգամ փոփոխություն է արվել։
Հիշեցնենք, որ Կարակալպակստան Ինքնավար Հանրապետությունը գտնվում է Ուզբեկստանի հյուսիս–արևմուտքում։ Այն երկրի տարածքի 40% –ը զբաղեցնող խոշորագույն շրջան է, որը շուրջ 2 մլն բնակիչ ունի։ 1990-ականներին պայմանագիր էր ստորագրվել հանրաքվեի հիման վրա դուրս գալու իրավունքով և երկու լեզուներով (կարակալպակերեն և ուզբեկերեն) որպես ինքնիշխան հանրապետություն Ուզբեկստանի կազմում ընդգրկվելու վերաբերյալ։