Կանադան Հայաստանում դեսպանություն է բացում. Ջոլի
19:44 29.06.2022 (Թարմացված է: 01:05 30.06.2022)
© AP Photo / Johanna Geron, Pool Photo via AP
Բաժանորդագրվել
Կանադայի դիվանագիտության առաքելությունն է լինելու գլոբալ խաղաղության և ժողովրդավարության ապահովումը։
ԵՐԵՎԱՆ, 29 հունիսի – Sputnik. Կանադան Հայաստանում դեսպանություն է բացում։ Այս մասին Twitter-ում հայտնել է Կանադայի ԱԳ նախարար Մելանի Ջոլին։
«Դա թույլ կտա ավելի ամուր կապեր հաստատել մեր երկրների միջև և մեծացնել Կանադայի աջակցությունը հայաստանյան ժողովրդավարությանը»,- գրել է նա։
Կանադացի պաշտոնյան նաև հայտնում է, որ Կանադայի դիվանագիտության առաքելությունն է լինելու գլոբալ խաղաղության և ժողովրդավարության ապահովումը։
Canada is opening an embassy in Armenia. This will allow for stronger ties between our countries and increased Canadian support for Armenian democracy.🇦🇲🇨🇦
— Mélanie Joly (@melaniejoly) June 29, 2022
As the rules that ensured stability & security are challenged, Canada will work to protect peace & democracy globally.
Հիշեցնենք, որ մինչ օրս Հայաստանում Կանադան միայն հյուպատոսություն ուներ։ Կանադա մուտքի իրավունք ստանալու կամ փաստաթղթային այլ հարցերի համար ՀՀ քաղաքացիները ստիպված էին դիմել Կանադայի` Մոսկվայում գտնվող դեսպանատուն։
