Շիրակցի գերիների ծնողները բողոքի ակցիա են անցկացրել Գյումրիում ՌԴ հյուպատոսության մոտ
12:41 28.06.2022 (Թարմացված է: 13:10 28.06.2022)
© Photo : Armenuhi Mkhoyan Շիրակցի գերիների ծնողները բողոքի ակցիա են անցկացրել Գյումրիում ՌԴ հյուպատոսության մոտ
Շիրակցի գերիների ծնողները բողոքի ակցիա են անցկացրել Գյումրիում ՌԴ հյուպատոսության մոտ
© Photo : Armenuhi Mkhoyan
Բաժանորդագրվել
ՌԴ հյուպատոս Ռուսլան Կանդաուրովը խոստացել է ծնողների պահանջը փոխանցել Հայաստանում ՌԴ դեսպանին։
ԵՐԵՎԱՆ, 28 հունիսի - Sputnik. Շիրակցի գերիների ծնողները արդեն մի քանի ժամ է՝ բողոքի ակցիա էին անցկացնում Գյումրիում՝ Ռուսաստանի Դաշնության հյուպատոսության մոտ։
Նրանք պահանջում են շտապ քայլեր ձեռնարկել՝ իրենց որդիներին գերությունից ազատելու ու տուն վերադարձնելու համար։
5 ծնող մտել են շենք ու հանդիպել ՌԴ հյուպատոս Ռուսլան Կանդաուրովի հետ։
Վերջինս խոստացել է ծնողների պահանջը փոխանցել Հայաստանում ՌԴ դեսպան Սերգեյ Կոպիրկինին։
© Photo : Armenuhi Mkhoyan Շիրակցի գերիների ծնողները բողոքի ակցիա են անցկացրել Գյումրիում ՌԴ հյուպատոսության մոտ
Շիրակցի գերիների ծնողները բողոքի ակցիա են անցկացրել Գյումրիում ՌԴ հյուպատոսության մոտ. Արխիվային լուսանկար
© Photo : Armenuhi Mkhoyan
Ծնողները հանդիպումից հետո հեռացել են հյուպատոսության մոտից։
Հիշեցնենք` հունիսի 27-ին առցանց մասուլի ասուլիսի ժամանակ ՀՀ վարչապետ Նիկոլ Փաշինյանը հայտարարել էր, որ Բաքուն փորձում է վարկաբեկել ռուս խաղաղապահներին, ու այդ պատճառով դիտմամբ չի վերադարձնում գերիներին։
Մարտի 21-ին ԱԺ արտաքին հարաբերությունների մշտական հանձնաժողովի նիստում ՀՀ արտաքին գործերի նախարար Արարատ Միրզոյանը հայտնել էր, որ ադրբեջանական գերության մեջ է 38, այդ թվում՝ քաղաքացիական 3 անձ:
ՄԻԵԴ-ում գերիների հարցով ՀՀ ներկայացուցիչ Սիրանուշ Սահակյանի կարծիքով, սակայն, գերիների իրական թիվը 119 է։