https://arm.sputniknews.ru/20220624/khrakhusum-en-alievin-haj-dati-handznakhumby-bajdeni-907-rd-lracumy-shrjancelu-masin-44100475.html
Խրախուսում են Ալիևին. Հայ դատի հանձնախումբը Բայդենի` 907-րդ լրացումը շրջանցելու մասին
Խրախուսում են Ալիևին. Հայ դատի հանձնախումբը Բայդենի` 907-րդ լրացումը շրջանցելու մասին
Sputnik Արմենիա
Հերթական անգամ ԱՄՆ-ի նախագահը շրջանցել է «Ազատության աջակցման ակտի» 907-րդ լրացումը, ինչին ի պատասխան Հայ դատը հանդես է եկել հայտարարությամբ։ 24.06.2022, Sputnik Արմենիա
2022-06-24T12:46+0400
2022-06-24T12:46+0400
2022-06-24T13:12+0400
ամն
ջո բայդեն
հայ դատի գրասենյակ
ադրբեջան
հայաստան
արցախ
https://cdn.am.sputniknews.ru/img/07e6/01/1d/38089696_0:21:2921:1664_1920x0_80_0_0_7dbaecd9be10e6f97a684b4d9c96e6fb.jpg
ԵՐԵՎԱՆ, 24 հունիսի – Sputnik. Չնայած Հայաստանի և Արցախի դեմ Ադրբեջանի շարունակվող ագրեսիային, ԱՄՆ-ի նախագահ Ջո Բայդենը հերթական անգամ շրջանցել է «Ազատության աջակցման ակտի» 907-րդ լրացումը՝ հնարավորություն տալով ԱՄՆ-ին ռազմական աջակցություն տրամադրել Ադրբեջանի կոռումպացված ռեժիմին: Տեղեկությունը հայտնում է Ամերիկայի Հայ դատի հանձնախումբը (ANCA)` այս հարցի առնչությամբ իր մտահոգությունը հայտնելով։Նրա խոսքով` Հայ դատի հանձնախումբը կշարունակի աշխատել ԱՄՆ-ի Սենատի և Ներկայացուցիչների պալատի ղեկավարների հետ, որպեսզի զրոյացնի Ադրբեջանին ԱՄՆ-ի կողմից տրամադրվող ռազմական օգնությունը և սահմանափակի 907-րդ հոդվածից հրաժարվելու` ԱՄՆ-ի նախագահի լիազորությունները:2020 թվականի հոկտեմբերի 14-ին իր նախընտրական քարոզարշավի ժամանակ դեռ նախագահի թեկնածու Բայդենը հայտարարել էր, որ ԱՄՆ-ն պետք է «ամբողջությամբ կատարի և չհրաժարվի օրենքի 907-րդ հոդվածի պահանջներից, որպեսզի կանգնեցնի ռազմական տեխնիկայի հոսքը Ադրբեջան»։Համբարյանը նկատել է, որ Բայդենի գործողությունները հակասում են իրար, քանի որ 2021-ի ապրիլի 24-ին նա օգտագործեց «Ցեղասպանություն» տերմինը` ճանաչելով հայերի հանդեպ տեղի ունեցած ոճրագործությունը։ Իսկ այն ենթադրում էր չհրահրել Ադրբեջանին նման հանցագործություն կատարելու։ Արցախը երբեք չի կարող մաս կազմել Ադրբեջանին. ՀՅԴ Եվրոպայի Հայ դատի հանձնախումբՀավելենք, որ 2021-ի մայիսին ԱՄՆ-ի նախագահ Ջո Բայդենը երկարաձգեց «Ազատության աջակցության ակտի» 907-րդ ուղղման կասեցումը, ինչը նշանակում է, որ թույլատրվելու է ԱՄՆ ուղիղ օգնությունն Ադրբեջանին։ 907-րդ ուղղումը, որն ԱՄՆ Կոնգրեսն ընդունել է 1992 թվականին, սահմանափակում է Ադրբեջանին տրամադրվող ուղիղ օգնությունը՝ նախատեսելով միայն մարդասիրական աջակցություն: Այն ենթադրում է, որ ԱՄՆ-ն Ադրբեջանի կառավարությանը չպետք է աջակցություն տրամադրի, քանի դեռ այդ երկիրը քայլեր չի ձեռնարկել Հայաստանի և Արցախի դեմ շրջափակումներն ու ուժի կիրառման տարբերակները վերացնելու ուղղությամբ:2002թ․Կոնգրեսի կողմից 907-րդ բաժնում կատարած լրամշակմամբ թույլատրվում է նախագահի կողմից ակտի կասեցումը և ռազմական աջակցության տրամադրումն Ադրբեջանին, ինչն էլ ամեն տարի անում է ԱՄՆ-ի նախագահը:
ամն
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ամն, ջո բայդեն, հայ դատի գրասենյակ, ադրբեջան, հայաստան, արցախ
ամն, ջո բայդեն, հայ դատի գրասենյակ, ադրբեջան, հայաստան, արցախ
Խրախուսում են Ալիևին. Հայ դատի հանձնախումբը Բայդենի` 907-րդ լրացումը շրջանցելու մասին
12:46 24.06.2022 (Թարմացված է: 13:12 24.06.2022) Հերթական անգամ ԱՄՆ-ի նախագահը շրջանցել է «Ազատության աջակցման ակտի» 907-րդ լրացումը, ինչին ի պատասխան Հայ դատը հանդես է եկել հայտարարությամբ։
ԵՐԵՎԱՆ, 24 հունիսի – Sputnik. Չնայած Հայաստանի և Արցախի դեմ Ադրբեջանի շարունակվող ագրեսիային, ԱՄՆ-ի նախագահ Ջո Բայդենը հերթական անգամ շրջանցել է «Ազատության աջակցման ակտի» 907-րդ լրացումը՝ հնարավորություն տալով ԱՄՆ-ին ռազմական աջակցություն տրամադրել Ադրբեջանի կոռումպացված ռեժիմին: Տեղեկությունը
հայտնում է Ամերիկայի Հայ դատի հանձնախումբը (ANCA)` այս հարցի առնչությամբ իր մտահոգությունը հայտնելով։
«Բայդենի որոշումը կանաչ լույս է վառում Ադրբեջանին հատկացվող ռազմական օգնության համար. հրաժարվելով 907-րդ հոդվածից` Ալիևին խրախուսում է շարունակել իր գործողությունները` հայ ռազմագերիների ազատությունից ապօրինի զրկել, Արցախի վրա մահաբեր հարձակումներ գործել և Հայաստանի ինքնիշխան տարածքը շարունակել բռնազավթել»,- ասել է Ամերիկայի Հայ դատի հանձնախմբի գործադիր տնօրեն Արամ Համբարյանը։
Նրա խոսքով` Հայ դատի հանձնախումբը կշարունակի աշխատել ԱՄՆ-ի Սենատի և Ներկայացուցիչների պալատի ղեկավարների հետ, որպեսզի զրոյացնի Ադրբեջանին ԱՄՆ-ի կողմից տրամադրվող ռազմական օգնությունը և սահմանափակի 907-րդ հոդվածից հրաժարվելու` ԱՄՆ-ի նախագահի լիազորությունները:
2020 թվականի հոկտեմբերի 14-ին իր նախընտրական քարոզարշավի ժամանակ դեռ նախագահի թեկնածու Բայդենը հայտարարել էր, որ ԱՄՆ-ն պետք է «ամբողջությամբ կատարի և չհրաժարվի օրենքի 907-րդ հոդվածի պահանջներից, որպեսզի կանգնեցնի ռազմական տեխնիկայի հոսքը Ադրբեջան»։
Համբարյանը նկատել է, որ Բայդենի գործողությունները հակասում են իրար, քանի որ 2021-ի ապրիլի 24-ին նա օգտագործեց «Ցեղասպանություն» տերմինը` ճանաչելով հայերի հանդեպ տեղի ունեցած ոճրագործությունը։ Իսկ այն ենթադրում էր չհրահրել Ադրբեջանին նման հանցագործություն կատարելու։
Հավելենք, որ 2021-ի մայիսին ԱՄՆ-ի նախագահ Ջո Բայդենը երկարաձգեց «Ազատության աջակցության ակտի» 907-րդ ուղղման կասեցումը, ինչը նշանակում է, որ թույլատրվելու է ԱՄՆ ուղիղ օգնությունն Ադրբեջանին։
907-րդ ուղղումը, որն ԱՄՆ Կոնգրեսն ընդունել է 1992 թվականին, սահմանափակում է Ադրբեջանին տրամադրվող ուղիղ օգնությունը՝ նախատեսելով միայն մարդասիրական աջակցություն: Այն ենթադրում է, որ ԱՄՆ-ն Ադրբեջանի կառավարությանը չպետք է աջակցություն տրամադրի, քանի դեռ այդ երկիրը քայլեր չի ձեռնարկել Հայաստանի և Արցախի դեմ շրջափակումներն ու ուժի կիրառման տարբերակները վերացնելու ուղղությամբ:
2002թ․Կոնգրեսի կողմից 907-րդ բաժնում կատարած լրամշակմամբ թույլատրվում է նախագահի կողմից ակտի կասեցումը և ռազմական աջակցության տրամադրումն Ադրբեջանին, ինչն էլ ամեն տարի անում է ԱՄՆ-ի նախագահը:
