https://arm.sputniknews.ru/20220621/avstralahaj-dizajnery-gjumri-e-teghapokhel-mshtakan-bnakutjan-u-iren-hianali-e-zgum-43824032.html
Ավստրալահայ դիզայները Գյումրի է տեղափոխվել մշտական բնակության ու իրեն հիանալի է զգում
Ավստրալահայ դիզայները Գյումրի է տեղափոխվել մշտական բնակության ու իրեն հիանալի է զգում
Sputnik Արմենիա
Մինչ հայաստանցի շատ երիտասարդներ փորձում են իրենց բախտը որոնել օտար ափերում, Սիդնեյում ծնված ու մեծացած Անահիտը, հարազատների կամքին հակառակ, տեղափոխվել է... 21.06.2022, Sputnik Արմենիա
2022-06-21T08:55+0400
2022-06-21T08:55+0400
2022-06-21T08:55+0400
հեղինակներ
ավստրալիա
գյումրի
դիզայներ
https://cdn.am.sputniknews.ru/img/07e6/06/12/43764966_0:0:1600:901_1920x0_80_0_0_afae9a54a7d7d3a3060d4653704a9626.jpg
Մինչև վերջնականապես տեղափոխվելը Անահիտ Սարյանը մի քանի անգամ եղել էր Հայաստանում. Սիդնեյի համազգային դպրոցը պարբերաբար աշակերտներին այդ հնարավորությունը տալիս է: Դպրոցից հետո էլ որպես կամավոր է այցելել: Այցելություններից մեկի ժամանակ տեսնում է Գյումրին ու, չնայած ակնհայտ դժվարություններին՝ սիրահարվում է քաղաքին: Տեղափոխվելուց կարճ ժամանակ անց նա արդեն աշխատանքի է անցնում կաշվե իրերի արտադրություններից մեկում որպես դիզայներ:Նախնիների մասին շատ բան չգիտի՝ միայն այն, որ մայրական արմատները Նախիջևանից են, հայրականը՝ Ադանայից, ծնողները ծնվել են Պարսկաստանում, ապա տեղափոխվել Ավստրալիա, որտեղ և իրար հանդիպել են ու ամուսնացել:«Շատ բան իմ պապերի մասին չգիտեմ՝ չէին պատմում, հավանաբար չցանկանալով, որ իրենց տեսած դժվարությունների մասին մենք էլ իմանանք, հենց այդ պատճառով է, որ հարազատներս չէին ցանկանում, որ ես տեղափոխվեմ Հայաստան՝ այդ քայլը խենթություն համարելով»,- Sputnik Արմենիային պատմում է Անահիտը։ Հավելում է՝ քովիդի ու պատերազմի ժամանակ ուզում էր Հայաստանի համար ինչ-որ բան անել, բայց քանի որ հեռվից դա անհնար էր թվում, որոշեց ու տեղափոխվեց այստեղ:Հիմա անհամբեր սպասում է ծնողների այցին, որի ժամանակ ցույց կտա իր սրտի Գյումրին:… Իսկ Գյումրին երիտասարդ աղջկա աչքերով օր օրի է փոխվում:«Երբ յոթ տարի առաջ առաջին անգամ եկա, շատ տարբեր էր՝ տխուր քաղաք էր թվում, բայց հիմա ամեն ինչ այլ է: Այստեղ ոչ միայն ճարտարապետությունն ու կոլորիտն է ուրիշ, այլև մարդիկ։ Եթե այլ տեղերում փորձում են ինձանից ինչ-որ բան վերցնել՝ սովորել, այստեղ ես եմ սովորում»,- պատմում է Անահիտը։ Միակ բանը, որ կփոխեր քաղաքում՝ փողոցների վիճակն է ու շները:Արդեն մեկ ու կես տարի է՝ ապրում է Գյումրիում: Պանրախաշն ու քյալլեն սիրած կերակուրներն են դարձել, քաղաքի կենտրոնը՝ զբոսանքի վայրը, գյումրեցիները՝ հարազատները, բարբառը՝ ամենագեղեցիկը: «Բարբառների խառնուրդ է հիմա իմ մոտ՝ պարսկահայերենի, Հայաստանի՝ շաղախված Գյումրիի բարբառով»,- ծիծաղում է Անահիտը:Սիդնեյի Տեխնոլոգիական համալսարանում ստանալով նորաձևության դիզայների որակավորում, նա այժմ կաշվե իրերի՝ կոշիկների ու պայուսակների դիզայնով է զբաղվում:«Իմ մասնագիտության մեջ կոշիկի դիզայն չկար, բայց հիմա այս գործի մեջ եմ: Դժվար չէ, հետաքրքիր է: Շատ բաներ եմ Գյումրիում սկսել անել ու հաստատ կարող եմ ասել, որ սա իմ ամենալավ «տեղավորված» կյանքն է՝ ես արդեն գյումրեցի եմ»,- ասում է Անահիտը, կարևորելով ոչ միայն հաճախորդի քմահաճույքները բավարարելն ու նրա գոհունակությանը արժանանալը, այլ նաև թիմային աշխատանքը, որը հիմա կա իրենց ընկերությունում:Ընտանիք կազմելու մասին Անահիտը դեռ չի մտածում՝ կարևորը ոչ թե վայրն ու ժամանակն են, այլ իրական կեսին գտնելը: Բայց և կրկին ծիծաղում է՝ շատ գյումրեցիների կարծիքով, իր հասակակից աղջիկներն արդեն «տանը մնացած» են:
ավստրալիա
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2022
Արմենուհի Մխոյան
https://cdn.am.sputniknews.ru/img/2360/57/23605773_297:46:846:595_100x100_80_0_0_656f445e799bc18f74429b49a7a32f17.jpg
Արմենուհի Մխոյան
https://cdn.am.sputniknews.ru/img/2360/57/23605773_297:46:846:595_100x100_80_0_0_656f445e799bc18f74429b49a7a32f17.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Արմենուհի Մխոյան
https://cdn.am.sputniknews.ru/img/2360/57/23605773_297:46:846:595_100x100_80_0_0_656f445e799bc18f74429b49a7a32f17.jpg
հեղինակներ, ավստրալիա, գյումրի, դիզայներ
հեղինակներ, ավստրալիա, գյումրի, դիզայներ
Ավստրալահայ դիզայները Գյումրի է տեղափոխվել մշտական բնակության ու իրեն հիանալի է զգում
Մինչ հայաստանցի շատ երիտասարդներ փորձում են իրենց բախտը որոնել օտար ափերում, Սիդնեյում ծնված ու մեծացած Անահիտը, հարազատների կամքին հակառակ, տեղափոխվել է Հայաստան:
Մինչև վերջնականապես տեղափոխվելը Անահիտ Սարյանը մի քանի անգամ եղել էր Հայաստանում. Սիդնեյի համազգային դպրոցը պարբերաբար աշակերտներին այդ հնարավորությունը տալիս է: Դպրոցից հետո էլ որպես կամավոր է այցելել: Այցելություններից մեկի ժամանակ տեսնում է Գյումրին ու, չնայած ակնհայտ դժվարություններին՝ սիրահարվում է քաղաքին: Տեղափոխվելուց կարճ ժամանակ անց նա արդեն աշխատանքի է անցնում կաշվե իրերի արտադրություններից մեկում որպես դիզայներ:
Նախնիների մասին շատ բան չգիտի՝ միայն այն, որ մայրական արմատները Նախիջևանից են, հայրականը՝ Ադանայից, ծնողները ծնվել են Պարսկաստանում, ապա տեղափոխվել Ավստրալիա, որտեղ և իրար հանդիպել են ու ամուսնացել:
«Շատ բան իմ պապերի մասին չգիտեմ՝ չէին պատմում, հավանաբար չցանկանալով, որ իրենց տեսած դժվարությունների մասին մենք էլ իմանանք, հենց այդ պատճառով է, որ հարազատներս չէին ցանկանում, որ ես տեղափոխվեմ Հայաստան՝ այդ քայլը խենթություն համարելով»,-
Sputnik Արմենիային պատմում է Անահիտը։ Հավելում է՝ քովիդի ու պատերազմի ժամանակ ուզում էր Հայաստանի համար ինչ-որ բան անել, բայց քանի որ հեռվից դա անհնար էր թվում, որոշեց ու տեղափոխվեց այստեղ:
Հիմա անհամբեր սպասում է ծնողների այցին, որի ժամանակ ցույց կտա իր սրտի Գյումրին:
… Իսկ Գյումրին երիտասարդ աղջկա աչքերով օր օրի է փոխվում:
«Երբ յոթ տարի առաջ առաջին անգամ եկա, շատ տարբեր էր՝ տխուր քաղաք էր թվում, բայց հիմա ամեն ինչ այլ է: Այստեղ ոչ միայն ճարտարապետությունն ու կոլորիտն է ուրիշ, այլև մարդիկ։ Եթե այլ տեղերում փորձում են ինձանից ինչ-որ բան վերցնել՝ սովորել, այստեղ ես եմ սովորում»,- պատմում է Անահիտը։ Միակ բանը, որ կփոխեր քաղաքում՝ փողոցների վիճակն է ու շները:
Արդեն մեկ ու կես տարի է՝ ապրում է Գյումրիում: Պանրախաշն ու քյալլեն սիրած կերակուրներն են դարձել, քաղաքի կենտրոնը՝ զբոսանքի վայրը, գյումրեցիները՝ հարազատները, բարբառը՝ ամենագեղեցիկը: «Բարբառների խառնուրդ է հիմա իմ մոտ՝ պարսկահայերենի, Հայաստանի՝ շաղախված Գյումրիի բարբառով»,- ծիծաղում է Անահիտը:
Սիդնեյի Տեխնոլոգիական համալսարանում ստանալով նորաձևության դիզայների որակավորում, նա այժմ կաշվե իրերի՝ կոշիկների ու պայուսակների դիզայնով է զբաղվում:
«Իմ մասնագիտության մեջ կոշիկի դիզայն չկար, բայց հիմա այս գործի մեջ եմ: Դժվար չէ, հետաքրքիր է: Շատ բաներ եմ Գյումրիում սկսել անել ու հաստատ կարող եմ ասել, որ սա իմ ամենալավ «տեղավորված» կյանքն է՝ ես արդեն գյումրեցի եմ»,- ասում է Անահիտը, կարևորելով ոչ միայն հաճախորդի քմահաճույքները բավարարելն ու նրա գոհունակությանը արժանանալը, այլ նաև թիմային աշխատանքը, որը հիմա կա իրենց ընկերությունում:
Ընտանիք կազմելու մասին Անահիտը դեռ չի մտածում՝ կարևորը ոչ թե վայրն ու ժամանակն են, այլ իրական կեսին գտնելը: Բայց և կրկին ծիծաղում է՝ շատ գյումրեցիների կարծիքով, իր հասակակից աղջիկներն արդեն «տանը մնացած» են:
