https://arm.sputniknews.ru/20220620/avetiq-chalabjani-gvortsvov-qnnchakan-marminn-angvortsutjan-e-drsevvorel-pastaban-43812714.html
Ավետիք Չալաբյանի գործով քննչական մարմինն անգործություն է դրսևորել. փաստաբան
Ավետիք Չալաբյանի գործով քննչական մարմինն անգործություն է դրսևորել. փաստաբան
Sputnik Արմենիա
Վարազդատ Հարությունյանը կարծում է, որ գործը բացահայտ քաղաքական հետապնդում է ընդդիմադիր գործչի նկատմամբ։ 20.06.2022, Sputnik Արմենիա
2022-06-20T12:25+0400
2022-06-20T12:25+0400
2022-06-20T12:44+0400
ավետիք չալաբյան
կալանք
փաստաբան
https://cdn.am.imgsputniknews.ru/img/07e6/06/14/43812314_0:142:1601:1042_1920x0_80_0_0_5a5637e0dae16542cac1ec00ecc91ef3.jpg
ԵՐԵՎԱՆ, 20 հունիսի – Sputnik. «Համախմբում» շարժման անդամ, «Արար» հիմնադրամի համահիմնադիր Ավետիք Չալաբյանի գործով քննչական մարմինն անգործության է մատնված։ Այս մասին այսօր հրավիրված ասուլիսում ասել է նրա պաշտպան Վարազդատ Հարությունյանը։Ըստ փաստաբանի, ինքը միջնորդություն է ներկայացրել հարցաքննելու Չալաբյանի 2000 ուսանողներին, որոնց, ըստ մեղադրանքի, նա փորձել է կաշառել։ Ուսանողները չեն հարցաքննվել։«25 օր առաջ Չալաբյանը ցուցմունք տվեց և ասաց, որ մտադիր էր Թոռնիկ Ալիյանին և մյուս ուսանողներին ներգրավել բուկլետներ բաժանելու տեխնիկական աշխատանքներում։ Բայց նախաքննական մարմինը առերեսում ու այլ քննչական գործողություններ չի իրականացնում՝ ասելով, որ նրա խոսքերում վկաների ցուցմունքների հետ տարաձայնություններ չկան»,- ասել է փաստաբանը։Հարությունյանն իր պաշտպանյալի նկատմամբ գործը ակնհայտ քաղաքական հետապնդում է որակում` հայտարարելով, որ դրա հիմքում որևէ փաստացի ապացույց չկա, թե Չալաբյանը նյութապես դրդել է մեկ կամ մի քանի անձանց՝ մասնակցել հավաքներին։ Միակ հիմքը Թոռնիկ Ալիյանի ցուցմունքն է, որի համաձայն, Չալաբյանը փորձել է կաշառել ուսանողներին, բայց նա, ըստ փաստաբանի, առերեսման ժամանակ հերքել է կաշառքի փորձի հանգամանքը։Հիշեցնենք` Ավետիք Չալաբյանը ձերբակալվել է ուսանողական խորհրդի նախագահին նյութապես շահագրգռելու կասկածանքով։ Քննչական մարմնի պնդմամբ` նյութապես շահագրգռելու նպատակը Հայաստանի ազգային ագրարային համալսարանի ուսանողների մասնակցությունն ընդդիմության ցույցերին ապահովելն է։Այս գործով Երևան քաղաքի քննչական վարչության ծանր հանցագործությունների քննության բաժնում ՀՀ քրեական օրենսգրքի 163-րդ հոդվածի 3-րդ մասի 2-րդ կետի հատկանիշներով (երթերին կամ ցույցերին մասնակցելուն բռնություն գործադրելով կամ դա գործադրելու սպառնալիքով հարկադրելը) հարուցվել է քրեական գործ։Մայիսի 14-ին Չալաբյանի նկատմամբ խափանման միջոց է ընտրվել կալանավորումը։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ավետիք չալաբյան, կալանք, փաստաբան
ավետիք չալաբյան, կալանք, փաստաբան
Ավետիք Չալաբյանի գործով քննչական մարմինն անգործություն է դրսևորել. փաստաբան
12:25 20.06.2022 (Թարմացված է: 12:44 20.06.2022) Վարազդատ Հարությունյանը կարծում է, որ գործը բացահայտ քաղաքական հետապնդում է ընդդիմադիր գործչի նկատմամբ։
ԵՐԵՎԱՆ, 20 հունիսի – Sputnik. «Համախմբում» շարժման անդամ, «Արար» հիմնադրամի համահիմնադիր Ավետիք Չալաբյանի գործով քննչական մարմինն անգործության է մատնված։ Այս մասին այսօր հրավիրված ասուլիսում ասել է նրա պաշտպան Վարազդատ Հարությունյանը։
Ըստ փաստաբանի, ինքը միջնորդություն է ներկայացրել հարցաքննելու Չալաբյանի 2000 ուսանողներին, որոնց, ըստ մեղադրանքի, նա փորձել է կաշառել։ Ուսանողները չեն հարցաքննվել։
«25 օր առաջ Չալաբյանը ցուցմունք տվեց և ասաց, որ մտադիր էր Թոռնիկ Ալիյանին և մյուս ուսանողներին ներգրավել բուկլետներ բաժանելու տեխնիկական աշխատանքներում։ Բայց նախաքննական մարմինը առերեսում ու այլ քննչական գործողություններ չի իրականացնում՝ ասելով, որ նրա խոսքերում վկաների ցուցմունքների հետ տարաձայնություններ չկան»,- ասել է փաստաբանը։
Հարությունյանն իր պաշտպանյալի նկատմամբ գործը ակնհայտ քաղաքական հետապնդում է որակում` հայտարարելով, որ դրա հիմքում որևէ փաստացի ապացույց չկա, թե Չալաբյանը նյութապես դրդել է մեկ կամ մի քանի անձանց՝ մասնակցել հավաքներին։ Միակ հիմքը Թոռնիկ Ալիյանի ցուցմունքն է, որի համաձայն, Չալաբյանը փորձել է կաշառել ուսանողներին, բայց նա, ըստ փաստաբանի, առերեսման ժամանակ հերքել է կաշառքի փորձի հանգամանքը։
«Հաշվի առնելով վերը նշված բոլոր փաստերը՝ Չալաբյանի կալանավորումն աբսուրդ է և օգտագործվում է որպես Չալաբյանին պատժելու և ոչ թե գործի օբյեկտիվ քննության համար անհրաժեշտ միջոց»,- ասաց փաստաբանը։
Հիշեցնենք` Ավետիք Չալաբյանը ձերբակալվել է ուսանողական խորհրդի նախագահին նյութապես շահագրգռելու կասկածանքով։ Քննչական մարմնի պնդմամբ` նյութապես շահագրգռելու նպատակը Հայաստանի ազգային ագրարային համալսարանի ուսանողների մասնակցությունն ընդդիմության ցույցերին ապահովելն է։
Այս գործով Երևան քաղաքի քննչական վարչության ծանր հանցագործությունների քննության բաժնում ՀՀ քրեական օրենսգրքի 163-րդ հոդվածի 3-րդ մասի 2-րդ կետի հատկանիշներով (երթերին կամ ցույցերին մասնակցելուն բռնություն գործադրելով կամ դա գործադրելու սպառնալիքով հարկադրելը) հարուցվել է քրեական գործ։
Մայիսի 14-ին Չալաբյանի նկատմամբ խափանման
միջոց է ընտրվել կալանավորումը։
