https://arm.sputniknews.ru/20220616/bvoghvoqi-45-ory-ishkhanavvornery-voch-miajn-chheracan-ajlev-sparnum-en-heracnel-ynddimadirnerin-43611017.html

Բողոքի 45 օրը. իշխանավորները ոչ միայն չհեռացան, այլև սպառնում են հեռացնել ընդդիմադիրներին

Բողոքի 45 օրը. իշխանավորները ոչ միայն չհեռացան, այլև սպառնում են հեռացնել ընդդիմադիրներին

Sputnik Արմենիա

Եկեք անկեղծ լինենք։ Մոտ 45 օր հայաստանյան ընդդիմությունը արգելափակված պահեց Երևանի Ֆրանսիայի հրապարակը՝ պահանջելով վարչապետի հրաժարականը։ Վարչապետը հրաժարական... 16.06.2022, Sputnik Արմենիա

2022-06-16T22:46+0400

2022-06-16T22:46+0400

2022-06-17T16:52+0400

հայաստան

ընդդիմություն

իշխանություն

բողոքի ակցիա

սովետ

5 րոպե դուլյանի հետ

https://cdn.am.sputniknews.ru/img/07e6/06/0f/43494241_0:28:1600:928_1920x0_80_0_0_ee96869dc748c150424855447a295501.jpg

Եկեք անկեղծ լինենք։ Մոտ 45 օր հայաստանյան ընդդիմությունը արգելափակված պահեց Երևանի Ֆրանսիայի հրապարակը՝ պահանջելով վարչապետի հրաժարականը։ Վարչապետը հրաժարական չտվեց։ Ու դա կարելի էր կանխատեսել անցած տարվա բողոքի ցույցերից հետո, երբ միանգամայն պարզ դարձավ՝ Նիկոլ Փաշինյանը երբեք չի դիմի ո՛չ Լևոն Տեր-Պետրոսյանի, ո՛չ էլ Սերժ Սարգսյանի օրինակին և կյանքում ինքնակամ չի հրաժարվի զբաղեցրած պաշտոնից։ Եթե որևէ մեկը սրանում կասկածում էր, ապա բողոքի այս վերջին ցույցերից հետո նման միամիտ մարդ երևի ընդհանրապես չմնաց Հայաստանում, ինչը ևս կարելի է դրական արդյունք համարել։Երկրորդ դասը։ Երևի նույնիսկ այն մարդիկ, որոնք համոզված են, որ վերջին տարիների մեր բոլոր ահավոր ձախողումները՝ բանակցությունների տապալում, տարածքների կորուստ, հեղինակազրկում միջազգային ասպարեզում, հետևանք են իշխանավորների երիտասարդ թիմի փորձի և գիտելիքների պակասի ու ակնհայտ ապիկարության, պետք է ընդունեն, որ գոնե սեփական իշխանությունը պահպանելու հարցում այդ թիմը պարզապես փայլուն արդյունքներ գրանցեց։Հարկավոր էր պատգամավորների անմնացորդ նվիրվածությունը՝ բարձրացվեցին նրանց եկամուտները։ Հարկավոր էր ոստիկանների գործուն աջակցությունը՝ բարձրացվեցին նրանց աշխատավարձները։ Հարկավոր էր, որ դատավորները իշխանահաճո որոշումներ կայացնեին՝ նրանք սկսեցին ավելի շատ ստանալ։ Ընդ որում` գնահատեք՝ այս ամենը միայն ու միայն պետական բյուջեի, այսինքն` հասարակ քաղաքացիների հաշվին։ Իսկ դուք ասում եք՝ ապաշնորհ են։Երրորդ դասը։ Պետք է համակերպվել նաև այն իրողության հետ, որ ներկա իշխանություններին այնուամենայնիվ հաջողվեց համոզել հասարակության առնվազն մի մասին, որ ամեն ինչում մեղավոր են «նախկինները», որոնց նկատմամբ շատերն առանց այն էլ մեծ վերապահումներ ունեին։ Բանակցությունների տապալո՞ւմ՝ նախկիններն են փակուղի մտցրել։ Պարտություն պատերազմո՞ւմ՝ նախկիններն են բանակն այդ վիճակին հասցրել։ Եվ ընդհանրապես նրանք տարիներ շարունակ ընդամենը մի բանով են զբաղվել՝ թալանով։Միանգամից երևում է, որ իշխանությունները շատ լավ են սերտել Ջորջ Օրուելի միտքը. «Ով կառավարում է անցյալը, կառավարում է նաև ապագան, ով կառավարում է ներկան, կառավարում է նաև անցյալը»։Եվ չորրորդ դասը։ Ընդդիմության ողջ բողոքը 45 օր շարունակ կառուցված էր գրեթե բացառապես Արցախի հարցի վրա, և միաժամանակ հանրահավաքների ու երթերի կազմակերպիչները հույս ունեին, որ միջազգային հանրությունը կկանգնի հակակառավարական ցույցերի մասնակիցների կողքին։ Կներե՛ք, ախր միջազգային հանրությունը թքած ունի Արցախի հարցի և դրա կարգավորման ուղիների վրա։ Այդ հանրությանը բացարձակ չի հուզում, թե ում կազմում կլինի Լեռնային Ղարաբաղը, և ինչ հետևանքներ կունենա դա հայերի համար։ Ա՛յ, խաղաղության հաստատումը Հայաստանի և Ադրբեջանի միջև լրիվ հասկանալի և գովելի է։ Ճանապարհների բացումը՝ միանգամայն խրախուսելի։ Իսկ այդ ամենը կապվում է ոչ թե ընդդիմության, այլ Հայաստանի իշխանությունների վարած միջազգայնահաճո քաղաքականության հետ։ Կարո՞ղ եք ասել՝ ինչո՞ւ պիտի եվրոպացին Հայաստանի ընդդիմությանը սատարի։Ինչ ուզում եք, ասեք, սովետի ժամանակ ամեն ինչ կեղծ էր, բայց գոնե թղթի վրա՝ արդար։ Կար պատգամավորին հետ կանչելու ինստիտուտ, այսինքն` որոշ թվով ընտրողներ հնարավորություն ունեին իրենց ընտրյալին ասելու՝ մեր ձայների շնորհիվ ես պատգամավոր դարձել, մեր կամքով էլ կզրկվես մանդատից։ Այս առումով այժմվա իշխանությունների տրամաբանությունը, մեղմ ասած, մի փոքր անհասկանալի է՝ երբ որևէ մեկը իրենց տհաճ բան է ասում, հակադարձում են՝ ժողովուրդն է մեզ ընտրել, միայն նրա առջև ենք պատասխանատու, որովհետև ընտրողների կամքը մեզ համար օրենք է։ Իսկ երբ խոսքը ընդդիմադիրներին մանդատից զրկելու մասին է, ընտրողներին հասկացնում են՝ ձեր ասածը մեզ համար բոլորովին օրենք չէ, ոչ թե դուք, այլ մենք պիտի որոշենք մեր դեմ փողոցում բողոքող պատգամավորների ճակատագիրը։Դեռ պարզ չի՝ իրոք կզրկվե՞ն ընդդիմադիրները մանդատներից, թե ոչ։ Բայց բոլոր դեպքերում կարելի է խորհուրդ տալ ընդդիմությանը միշտ հիշել ամերիկացի հայտնի մանկավարժ Լորենս Փիթերի խոսքերը. «Սեփական փորձից դասեր քաղելը շատ ցավագին բան է, դրանից վատ միայն մի բան կարող է լինել՝ սեփական փորձից դասեր չքաղելը»։

https://arm.sputniknews.ru/20220616/qnnarkum-ka-vorvoshum-chka-qpakan-patgamavvory-ynddimadirnerin-mandatic-zrkelu-masin-43576419.html

2022

Լուրեր

am_HY

հայաստան, ընդդիմություն, իշխանություն, բողոքի ակցիա, սովետ, 5 րոպե դուլյանի հետ