https://arm.sputniknews.ru/20220613/hajastann-arandznahatuk-tegh-e-zbaghecnum-rusastani-barekamneri-sharqum-despan-43377129.html
Հայաստանն առանձնահատուկ տեղ է զբաղեցնում Ռուսաստանի բարեկամների շարքում. դեսպան
Հայաստանն առանձնահատուկ տեղ է զբաղեցնում Ռուսաստանի բարեկամների շարքում. դեսպան
Sputnik Արմենիա
Սերգեյ Կոպիրկինի կարծիքով՝ ընթացիկ մարտահրավերները հայ-ռուսական դաշնակցային հարաբերությունների հետագա ամրապնդման անհրաժեշտություն են թելադրում։ 13.06.2022, Sputnik Արմենիա
2022-06-13T19:56+0400
2022-06-13T19:56+0400
2022-06-13T20:33+0400
հայաստան
ռուսաստան
աշխարհ
տարածաշրջան
դեսպան
սերգեյ կոպիրկին
https://cdn.am.sputniknews.ru/img/07e6/06/0d/43392564_0:22:1600:922_1920x0_80_0_0_28786580093946bf9fe4e57eec65e22d.jpg
ԵՐԵՎԱՆ, 13 հունիսի – Sputnik. Պատմականորեն եղբայրական և դաշնակցային հարաբերությունների շնորհիվ Հայաստանն առանձնահատուկ տեղ է զբաղեցնում Ռուսաստանի բարեկամների և դաշնակիցների շարքում։ Այս մասին հայտարարել է ՌԴ դեսպան Սերգեյ Կոպիրկինը Ռուսաստանի օրվա առթիվ դեսպանատանը կազմակերպված ընդունելության ժամանակ։Դիվանագետը նշել է, որ այս տարի երկրները նշում են դիվանագիտական հարաբերությունների հաստատման 30 և Բարեկամության, համագործակցության և փոխադարձ օգնության մասին պայմանագրի ստորագրման 25-ամյակները: Դեսպանի գնահատմամբ` այս տասնամյակների ընթացքում մեր երկրների միջև համագործակցությունն աչքի է ընկել ինտենսիվ, փոխվստահության բարձր մակարդակի քաղաքական երկխոսությամբ, տարբեր նախարարությունների և գերատեսչությունների ակտիվ փոխգործակցությամբ:Այս ժամանակահատվածում արագ զարգացել են և շարունակում են զարգանալ տնտեսական կապերը. 2021 թվականի արդյունքներով ապրանքաշրջանառությունը գերազանցել է նախահամավարակային ցուցանիշները և կազմել է շուրջ 2,6 մլրդ դոլար:Ռուսաստանն առանձնահատուկ նշանակություն է տալիս գործընկերների հետ սերտ փոխգործակցությամբ համառ ու լարված աշխատանքին, որն ուղղված է տարածաշրջանային խնդիրների լուծմանը` լինի դա տրանսպորտային և տնտեսական կապերի բացում, հայ-ադրբեջանական խնդիրների կարգավորում` ներառյալ Լեռնային Ղարաբաղի հարցի արդար, բոլոր կողմերի իրավունքներն ու շահերը հաշվի առնող կարգավորում, առաջխաղացում դեպի Հայաստանի և Թուրքիայի միջև բնականոն, լիարժեք հարաբերություններ: Կոպիրկինը հատուկ ընդգծել է տարածաշրջանի համար այն բացառիկ կարևոր դերը, որը խաղում է ռուսական խաղաղապահ զորախումբը:«Այս ամենը, ինչպես նաև պատմության, մշակույթի և արժեքների ընդհանրությունները մեր երկրներին միավորում են այն մարտահրավերների առջև, որոնց մենք բախվում ենք այսօր», - կարծում է դիվանագետը:ՀՀ նախագահը Ռուսաստանի օրվա առթիվ այցելել է Հայաստանում ՌԴ դեսպանատունԴեսպանը նշել է, որ Ռուսաստանն ուղղություն է վերցրել դեպի բազմաբևեռ աշխարհի ձևավորում, որը քաղաքակրթությունների, ավանդույթների, ինքնությունների բազմազանությունը կհամատեղի իրավահավասարության, փոխադարձ հարգանքի և միջազգային իրավունքին հավատարմության սկզբունքների վրա հիմնված արդյունավետ փոխգործակցության հետ:«Այս սկզբունքների համառ պաշտպանությունը Ռուսաստանին բերում է այն ուժերի դեմ պայքարի առաջնագիծ, որոնք ուղղված են գլոբալ գերիշխանությանը, աշխարհին իրենց բացառիկ շահերը պարտադրելուն։ Դա հատկապես ակնհայտ է հիմա, երբ Ռուսաստանն Ուկրաինայի տարածքում հատուկ ռազմական գործողություն է իրականացնում ։ Գործողություն, որն, ըստ էության, մեզ պարտադրվել է հենց նրանց կողմից, ովքեր տարիներ շարունակ մեծամտորեն հրաժարվում էին լսել մեր մտահոգությունները, որոնք վերաբերում էին մեր երկրի կենսական շահերին ու անվտանգությանը»,–նշել է նա։Ընդ որում, Մոսկվան հենվում է իրեն հոգեհարազատ, իրենց ինքնիշխանությունը պաշտպանելու ունակ գործընկերների աջակցության վրա։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ռուսաստան, աշխարհ, տարածաշրջան , դեսպան, սերգեյ կոպիրկին
հայաստան, ռուսաստան, աշխարհ, տարածաշրջան , դեսպան, սերգեյ կոպիրկին
Հայաստանն առանձնահատուկ տեղ է զբաղեցնում Ռուսաստանի բարեկամների շարքում. դեսպան
19:56 13.06.2022 (Թարմացված է: 20:33 13.06.2022) Սերգեյ Կոպիրկինի կարծիքով՝ ընթացիկ մարտահրավերները հայ-ռուսական դաշնակցային հարաբերությունների հետագա ամրապնդման անհրաժեշտություն են թելադրում։
ԵՐԵՎԱՆ, 13 հունիսի – Sputnik. Պատմականորեն եղբայրական և դաշնակցային հարաբերությունների շնորհիվ Հայաստանն առանձնահատուկ տեղ է զբաղեցնում Ռուսաստանի բարեկամների և դաշնակիցների շարքում։ Այս մասին հայտարարել է ՌԴ դեսպան Սերգեյ Կոպիրկինը Ռուսաստանի օրվա առթիվ դեսպանատանը կազմակերպված ընդունելության ժամանակ։
Դիվանագետը նշել է, որ այս տարի երկրները նշում են դիվանագիտական հարաբերությունների հաստատման 30 և Բարեկամության, համագործակցության և փոխադարձ օգնության մասին պայմանագրի ստորագրման 25-ամյակները: Դեսպանի գնահատմամբ` այս տասնամյակների ընթացքում մեր երկրների միջև համագործակցությունն աչքի է ընկել ինտենսիվ, փոխվստահության բարձր մակարդակի քաղաքական երկխոսությամբ, տարբեր նախարարությունների և գերատեսչությունների ակտիվ փոխգործակցությամբ:
Այս ժամանակահատվածում արագ զարգացել են և շարունակում են զարգանալ տնտեսական կապերը. 2021 թվականի արդյունքներով ապրանքաշրջանառությունը գերազանցել է նախահամավարակային ցուցանիշները և կազմել է շուրջ 2,6 մլրդ դոլար:
«Ռուսաստանը պահպանում է Հայաստանի հիմնական և հուսալի տնտեսական և ներդրումային գործընկերոջ դիրքերը։ Ընդլայնվում է մեր մշակութային, կրթական և հումանիտար համագործակցությունը։ Երկկողմ արդյունավետ համագործակցությունն առանցքային նշանակություն ունի ինչպես տարածաշրջանային, այնպես էլ միջազգային անվտանգության ոլորտում: Մեր երկրներն ակտիվորեն համագործակցում են միջազգային հարթակներում և ընդհանուր ինտեգրացիոն միավորումների` ԵԱՏՄ–ի ՀԱՊԿ-ի և ԱՊՀ-ի շրջանակներում», - ասել է դիվանագիտական առաքելության ղեկավարը։
Ռուսաստանն առանձնահատուկ նշանակություն է տալիս գործընկերների հետ սերտ փոխգործակցությամբ համառ ու լարված աշխատանքին, որն ուղղված է տարածաշրջանային խնդիրների լուծմանը` լինի դա տրանսպորտային և տնտեսական կապերի բացում, հայ-ադրբեջանական խնդիրների կարգավորում` ներառյալ Լեռնային Ղարաբաղի հարցի արդար, բոլոր կողմերի իրավունքներն ու շահերը հաշվի առնող կարգավորում, առաջխաղացում դեպի Հայաստանի և Թուրքիայի միջև բնականոն, լիարժեք հարաբերություններ: Կոպիրկինը հատուկ ընդգծել է տարածաշրջանի համար այն բացառիկ կարևոր դերը, որը խաղում է ռուսական խաղաղապահ զորախումբը:
«Այս ամենը, ինչպես նաև պատմության, մշակույթի և արժեքների ընդհանրությունները մեր երկրներին միավորում են այն մարտահրավերների առջև, որոնց մենք բախվում ենք այսօր», - կարծում է դիվանագետը:
Դեսպանը նշել է, որ Ռուսաստանն ուղղություն է վերցրել դեպի բազմաբևեռ աշխարհի ձևավորում, որը քաղաքակրթությունների, ավանդույթների, ինքնությունների բազմազանությունը կհամատեղի իրավահավասարության, փոխադարձ հարգանքի և միջազգային իրավունքին հավատարմության սկզբունքների վրա հիմնված արդյունավետ փոխգործակցության հետ:
«Այս սկզբունքների համառ պաշտպանությունը Ռուսաստանին բերում է այն ուժերի դեմ պայքարի առաջնագիծ, որոնք ուղղված են գլոբալ գերիշխանությանը, աշխարհին իրենց բացառիկ շահերը պարտադրելուն։ Դա հատկապես ակնհայտ է հիմա, երբ Ռուսաստանն Ուկրաինայի տարածքում հատուկ ռազմական գործողություն է իրականացնում ։ Գործողություն, որն, ըստ էության, մեզ պարտադրվել է հենց նրանց կողմից, ովքեր տարիներ շարունակ մեծամտորեն հրաժարվում էին լսել մեր մտահոգությունները, որոնք վերաբերում էին մեր երկրի կենսական շահերին ու անվտանգությանը»,–նշել է նա։
Ռուսաստանը բախվում է միջազգային հարաբերությունների համակարգից նրան հեռացնելու փորձերին։ Բայց նա հաստատակամորեն դիմակայում է և դիմակայելու է նման քաղաքականությանը։ Կոպիրկին խոսքով` Ռուսաստանի ներուժն ու դերը չափազանց կարևոր են աշխարհի համար, պարզապես հնարավոր չէ այն «չեղարկել»։
Ընդ որում, Մոսկվան հենվում է իրեն հոգեհարազատ, իրենց ինքնիշխանությունը պաշտպանելու ունակ գործընկերների աջակցության վրա։
