https://arm.sputniknews.ru/20220611/arcakhi-zhvoghvovurdn-uni-nujn-iravunqnery-simvonjany-ekh-mardu-iravunqneri-handznakatarin-43284757.html

Արցախի ժողովուրդն ունի նույն իրավունքները. Սիմոնյանը` ԵԽ մարդու իրավունքների հանձնակատարին

Արցախի ժողովուրդն ունի նույն իրավունքները. Սիմոնյանը` ԵԽ մարդու իրավունքների հանձնակատարին

Sputnik Արմենիա

ԱԺ նախագահը շեշտել է հայ ռազմագերիների և այլ պահվող անձանց անհապաղ հայրենադարձման հարցը։ 11.06.2022, Sputnik Արմենիա

2022-06-11T17:12+0400

2022-06-11T17:12+0400

2022-06-11T17:15+0400

հայաստան

արցախ

ալեն սիմոնյան

եվրախորհուրդ

https://cdn.am.sputniknews.ru/img/07e6/06/0b/43283949_0:0:801:451_1920x0_80_0_0_04ba1f05c8f4abd4bf45c9fcd4af93bd.jpg

ԵՐԵՎԱՆ, 11 հունիսի – Sputnik. ՀՀ ԱԺ նախագահ Ալեն Սիմոնյանը Ստրասբուրգ կատարած աշխատանքային այցի շրջանակում հանդիպել է ԵԽ մարդու իրավունքների հանձնակատար Դունյա Միյատովիչին։ Տեղեկությունը հայտնում է ԱԺ մամուլի ծառայությունը։«Սիմոնյանը մեծապես կարևորել է Միյատովիչի այն դիրքորոշումը, որ ԵԽ մարդու իրավունքների հանձնակատարը պետք է մուտք ունենա ԵԽ անդամ պետություններն ընդգրկող ամբողջ տարածքը` ներառյալ հակամարտության, այսպես կոչված, «գորշ գոտիներ»: Նա նկատել է, որ Արցախը Եվրոպայի խորհրդի աշխարհագրական տարածք է, որտեղ ապրում են եվրոպացիներ, և Արցախի ժողովուրդն ունի նույն իրավունքները»,–ասված է հաղորդագրությունում։Անդրադառնալով Արցախում տիրող հետպատերազմական իրավիճակին՝ ԱԺ նախագահը շեշտել է հայ ռազմագերիների և այլ պահվող անձանց անհապաղ հայրենադարձման հարցը:Սիմոնյանն ափսոսանք է հայտնել 2021 թ. հունվարին Դունյա Միյատովիչի՝ Հայաստան և Արցախ նախատեսված այցի չեղարկման համար: Կողմերն ընդգծել են Արցախի դեմ պատերազմի հումանիտար ավերիչ հետևանքների լուծման գործում ԵԽ դերի կարևորությունը:

2022

Լուրեր

am_HY

հայաստան, արցախ, ալեն սիմոնյան, եվրախորհուրդ