https://arm.sputniknews.ru/20220609/ara-khzmaljany-kmasnakci-rusastanum-hajastani-mshakujti-orer-tsragrin-43103537.html
Արա Խզմալյանը կմասնակցի «Ռուսաստանում Հայաստանի մշակույթի օրեր» ծրագրին
Արա Խզմալյանը կմասնակցի «Ռուսաստանում Հայաստանի մշակույթի օրեր» ծրագրին
Sputnik Արմենիա
Հայաստանի և Ռուսաստանի միջև դիվանագիտական հարաբերությունների հաստատման 30-ամյակի շրջանակում հունիսի 10-13-ը կանցկացվի «Հայաստանի մշակույթի օրեր Ռուսաստանի... 09.06.2022, Sputnik Արմենիա
2022-06-09T13:23+0400
2022-06-09T13:23+0400
2022-06-09T13:24+0400
հայաստան
ռուսաստան
մշակույթ
արա խզմալյան
https://cdn.am.sputniknews.ru/img/07e5/04/1a/27320183_0:0:1600:901_1920x0_80_0_0_cc91e96a541ae9e9407f09ca56f49fed.jpg
ԵՐԵՎԱՆ, 9 հունիսի – Sputnik. ՀՀ կրթության, գիտության, մշակույթի և սպորտի նախարարի տեղակալ Արա Խզմալյանը հունիսի 10-12-ը պաշտոնական այցով կգտնվի Ռուսաստանի Դաշնությունում՝ մասնակցելու «Ռուսաստանում Հայաստանի մշակույթի օրեր» ծրագրին: Տեղեկությունը հրապարակվել է գերատեսչության կայքում։Մոսկովյան այցի ընթացքում Խզմալյանը կհանդիպի Ռուսաստանի Դաշնության մշակույթի նախարարի տեղակալ, պետքարտուղար Ալլա Մանիլովայի հետ:Մշակույթի օրերի շրջանակում Հայաստանի ազգային ֆիլհարմոնիկ նվագախումբը և Կոմիտասի անվան ազգային քառյակը հանդես կգան համերգներով:Հայաստանի ազգային ֆիլհարմոնիկ նվագախումբը ելույթ կունենա Մոսկվայում՝ բացելով միջոցառումները: Համերգը, որը կղեկավարի նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը, նախատեսված է հունիսի 10-ին՝ ժամը 19:00-ին, Չայկովսկու անվան համերգասրահում: Ծրագրում կհնչեն հայ և ռուս ականավոր կոմպոզիտորների ստեղծագործությունները` Արամ Խաչատրյանի Սյուիտը «Սպարտակ» բալետից, Առնո Բաբաջանյանի «Հերոսական բալլադը»՝ գրված դաշնամուրի և նվագախմբի համար, և Չայկովսկու թիվ 6 «Պաթետիկական» սիմֆոնիան: Համերգի մենակատարն է անվանի դաշնակահար, Չայկովսկու անվան մրցույթի (1994 թ.) և Եղիսաբեթ թագուհու անվան միջազգային մրցույթի մրցանակակիր (1999 թ.), ՌԴ վաստակավոր արտիստ Ալեքսանդր Գինդինը:Այդ օրը որպես համերգի պատվավոր հյուր հանդես կգա նաև ՀՀ վաստակավոր արտիստ Լիպարիտ Ավետիսյանը (տենոր):Կոմիտասի անվան ազգային լարային քառյակը ելույթ կունենա հունիսի 11-ին՝ ժամը 19:00-ին, Մոսկվայի կոնսերվատորիայի փոքր դահլիճում։ Քառյակի երկրորդ համերգը կկայանա հունիսի 13-ին՝ ժամը 19:00-ին, Կիսլովոդսկի Վ․ Ի․ Սաֆոնովի անվան Հյուսիսկովկասյան պետական ֆիլհարմոնիայում: Ելույթ կունենան երաժիշտներ Էդուարդ Թադևոսյանը (առաջին ջութակ), Սյուզի Երիցյանը (երկրորդ ջութակ), Ալեքսանդր Կոսեմյանը (ալտ), Անժելա Սարգսյանը (թավջութակ)։ Համերգային ծրագրում կհնչեն Ռախմանինովի, Միրզոյանի, Կոմիտաս/Ասլամազյանի ստեղծագործությունները։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ռուսաստան, մշակույթ , արա խզմալյան
հայաստան, ռուսաստան, մշակույթ , արա խզմալյան
Արա Խզմալյանը կմասնակցի «Ռուսաստանում Հայաստանի մշակույթի օրեր» ծրագրին
13:23 09.06.2022 (Թարմացված է: 13:24 09.06.2022) Հայաստանի և Ռուսաստանի միջև դիվանագիտական հարաբերությունների հաստատման 30-ամյակի շրջանակում հունիսի 10-13-ը կանցկացվի «Հայաստանի մշակույթի օրեր Ռուսաստանի Դաշնությունում» ծրագիրը: Հունիսի 10-11-ը միջոցառումները կանցկացվեն Մոսկվայում, իսկ հունիսի 13-ին՝ Կիսլովոդսկում:
ԵՐԵՎԱՆ, 9 հունիսի – Sputnik. ՀՀ կրթության, գիտության, մշակույթի և սպորտի նախարարի տեղակալ Արա Խզմալյանը հունիսի 10-12-ը պաշտոնական այցով կգտնվի Ռուսաստանի Դաշնությունում՝ մասնակցելու «Ռուսաստանում Հայաստանի մշակույթի օրեր» ծրագրին: Տեղեկությունը հրապարակվել է գերատեսչության
կայքում։
Մոսկովյան այցի ընթացքում Խզմալյանը կհանդիպի Ռուսաստանի Դաշնության մշակույթի նախարարի տեղակալ, պետքարտուղար Ալլա Մանիլովայի հետ:
Մշակույթի օրերի շրջանակում
Հայաստանի ազգային ֆիլհարմոնիկ նվագախումբը և Կոմիտասի անվան ազգային քառյակը հանդես կգան համերգներով:
Հայաստանի ազգային ֆիլհարմոնիկ նվագախումբը ելույթ կունենա Մոսկվայում՝ բացելով միջոցառումները: Համերգը, որը կղեկավարի նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը, նախատեսված է հունիսի 10-ին՝ ժամը 19:00-ին, Չայկովսկու անվան համերգասրահում:
Ծրագրում կհնչեն հայ և ռուս ականավոր կոմպոզիտորների ստեղծագործությունները` Արամ Խաչատրյանի Սյուիտը «Սպարտակ» բալետից, Առնո Բաբաջանյանի «Հերոսական բալլադը»՝ գրված դաշնամուրի և նվագախմբի համար, և Չայկովսկու թիվ 6 «Պաթետիկական» սիմֆոնիան: Համերգի մենակատարն է անվանի դաշնակահար, Չայկովսկու անվան մրցույթի (1994 թ.) և Եղիսաբեթ թագուհու անվան միջազգային մրցույթի մրցանակակիր (1999 թ.), ՌԴ վաստակավոր արտիստ Ալեքսանդր Գինդինը:
Այդ օրը որպես համերգի պատվավոր հյուր հանդես կգա նաև ՀՀ վաստակավոր արտիստ Լիպարիտ Ավետիսյանը (տենոր):
Կոմիտասի անվան ազգային լարային քառյակը ելույթ կունենա հունիսի 11-ին՝ ժամը 19:00-ին, Մոսկվայի կոնսերվատորիայի փոքր դահլիճում։ Քառյակի երկրորդ համերգը կկայանա հունիսի 13-ին՝ ժամը 19:00-ին, Կիսլովոդսկի Վ․ Ի․ Սաֆոնովի անվան Հյուսիսկովկասյան պետական ֆիլհարմոնիայում: Ելույթ կունենան երաժիշտներ Էդուարդ Թադևոսյանը (առաջին ջութակ), Սյուզի Երիցյանը (երկրորդ ջութակ), Ալեքսանդր Կոսեմյանը (ալտ), Անժելա Սարգսյանը (թավջութակ)։ Համերգային ծրագրում կհնչեն Ռախմանինովի, Միրզոյանի, Կոմիտաս/Ասլամազյանի ստեղծագործությունները։
