https://arm.sputniknews.ru/20220608/ynddimadir-patgamavvornery-hravirvats-chen-bvoghvoqi-akciahanrapetutjan-hraparakum-43021117.html
Ընդդիմադիր պատգամավորները հրավիրված չեն. բողոքի ակցիա` Հանրապետության հրապարակում
Ընդդիմադիր պատգամավորները հրավիրված չեն. բողոքի ակցիա` Հանրապետության հրապարակում
Sputnik Արմենիա
Ներկա պահին «Մարիոթ» հյուրանոցում անցկացվում է դատական բարեփոխումներին վերաբերող միջոցառում։ 08.06.2022, Sputnik Արմենիա
2022-06-08T11:07+0400
2022-06-08T11:07+0400
2022-06-08T13:02+0400
ընդդիմություն
դիմադրություն շարժում
հայկ մամիջանյան
արամ վարդևանյան
բողոքի ակցիա
https://cdn.am.sputniknews.ru/img/07e6/05/14/42270075_0:8:1363:775_1920x0_80_0_0_a03b7f08f13f26e5e567f42bccb98aef.jpg
ԵՐԵՎԱՆ, 8 հունիսի – Sputnik. «Դիմադրություն» շարժման անդամները և նրանց կողմնակիցները Հանրապետության հրապարակում գտնվող «Մարիոթ» հյուրանոցի մոտ բողոքի ակցիա իրականացրին։ Հյուրանոցում այս պահին դատական բարեփոխումներին վերաբերող միջոցառում է անցկացվում, ներկա են միջազգային կառույցների ներկայացուցիչներ, ինչպես նաև դատական իշխանության տարբեր օղակների ղեկավար կազմեր։Շարժման անդամ, «Պատիվ ունեմ» խմբակցության պատգամավոր Հայկ Մամիջանյանը լրագրողների հետ զրույցում շեշտեց, որ ընդդիմադիր պատգամավորները հրավիրված չեն միջոցառմանը։«Դիմադրության» մեկ այլ անդամ, «Հայաստան» խմբակցության պատգամավոր Արամ Վարդևանյանն էլ հիշեցրեց, որ տևական ժամանակ էլեկտրոնային մակագրման համակարգը չէր գործում, ու ձեռքով էր գործընթացն իրականացվում, խոսեց դատավորների մի հատվածի մասին, որոնց անունը լսելիս անգամ պարզ է դառնում, թե ինչ որոշում կկայացնեն այս կամ այն անձի կալանքի վերաբերյալ։«Այսօր ոստիկանների սուտ ցուցմունքների հիման վրա մարդկանց են կալանավորում։ Ցավոք սրտի, դատարանների անկախության, ժողովրդավարության բաստիոնի վերաբերյալ իբր պատկեր ստանալը փուչիկ է»,– ասաց Վարդևանյանը։Մամիջանյանն էլ հավելեց` միջոցառման փակ լինելու փաստը երկու ընդդիմադիր խմբակցությունն էլ պատրաստվում են քննարկել ու կներկայացնեն իրենց վերջնական եզրակացությունը Եվրոպայի խորհրդին։Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։Մայիսի 2-ից սկսած` ամեն օր Երևանում կազմակերպվում են անհնազանդության երթեր ու հանրահավաքներ, այլ միջոցառումներ։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ընդդիմություն, դիմադրություն շարժում, հայկ մամիջանյան, արամ վարդևանյան, բողոքի ակցիա
ընդդիմություն, դիմադրություն շարժում, հայկ մամիջանյան, արամ վարդևանյան, բողոքի ակցիա
Ընդդիմադիր պատգամավորները հրավիրված չեն. բողոքի ակցիա` Հանրապետության հրապարակում
11:07 08.06.2022 (Թարմացված է: 13:02 08.06.2022) Ներկա պահին «Մարիոթ» հյուրանոցում անցկացվում է դատական բարեփոխումներին վերաբերող միջոցառում։
ԵՐԵՎԱՆ, 8 հունիսի – Sputnik. «Դիմադրություն» շարժման անդամները և նրանց կողմնակիցները Հանրապետության հրապարակում գտնվող «Մարիոթ» հյուրանոցի մոտ բողոքի ակցիա իրականացրին։ Հյուրանոցում այս պահին դատական բարեփոխումներին վերաբերող միջոցառում է անցկացվում, ներկա են միջազգային կառույցների ներկայացուցիչներ, ինչպես նաև դատական իշխանության տարբեր օղակների ղեկավար կազմեր։
Շարժման անդամ, «Պատիվ ունեմ» խմբակցության պատգամավոր Հայկ Մամիջանյանը լրագրողների հետ զրույցում շեշտեց, որ ընդդիմադիր պատգամավորները հրավիրված չեն միջոցառմանը։
«Մենք գործընկերների հետ ցանկություն հայտնեցինք մասնակցել ու ներկայացնել դատական իշխանության հետ կապված իրական իրավիճակը, խոսել ՀՀ–ում քաղաքական հայացքների համար բանտարկված անձանց, ոստիկանական բռնությունների մասին և այլն։ Սահմանադրական դատարանի աշխատակիցները, որոնք կազմակերպել են այս միջոցառումները, երևի չեն լսում Արարատ Միրզոյանին, որ մեր երկիրը ժողովրդավարության բաստիոնն է, ու այդ պատճառով ընդդիմադիր պատգամավորների մուտքն արգելված է»,– նշեց Մամիջանյանը։
«Դիմադրության» մեկ այլ անդամ, «Հայաստան» խմբակցության պատգամավոր Արամ Վարդևանյանն էլ հիշեցրեց, որ տևական ժամանակ էլեկտրոնային մակագրման համակարգը չէր գործում, ու ձեռքով էր գործընթացն իրականացվում, խոսեց դատավորների մի հատվածի մասին, որոնց անունը լսելիս անգամ պարզ է դառնում, թե ինչ որոշում կկայացնեն այս կամ այն անձի կալանքի վերաբերյալ։
«Այսօր ոստիկանների սուտ ցուցմունքների հիման վրա մարդկանց են կալանավորում։ Ցավոք սրտի, դատարանների անկախության, ժողովրդավարության բաստիոնի վերաբերյալ իբր պատկեր ստանալը փուչիկ է»,– ասաց Վարդևանյանը։
Մամիջանյանն էլ հավելեց` միջոցառման փակ լինելու փաստը երկու ընդդիմադիր խմբակցությունն էլ պատրաստվում են քննարկել ու կներկայացնեն իրենց վերջնական եզրակացությունը Եվրոպայի խորհրդին։
Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 2-ից սկսած` ամեն օր Երևանում կազմակերպվում են անհնազանդության երթեր ու հանրահավաքներ, այլ միջոցառումներ։
