https://arm.sputniknews.ru/20220608/hajastani-ynddimutjuny-pakughu-mej-e-qaghaqagety-verlutsum-e-iravitshaky-43042884.html
Հայաստանի ընդդիմությունը փակուղու մեջ է. քաղաքագետը վերլուծում է իրավիճակը
Հայաստանի ընդդիմությունը փակուղու մեջ է. քաղաքագետը վերլուծում է իրավիճակը
Sputnik Արմենիա
Ըստ Արմեն Բաղդասարյանի՝ իշխանություններն ու ընդդիմությունը սկզբունքորեն տարբեր խնդիրներ են դնում։ 08.06.2022, Sputnik Արմենիա
2022-06-08T14:58+0400
2022-06-08T14:58+0400
2022-06-08T15:11+0400
արմեն բաղդասարյան (քաղաքական մեկնաբան)
հայաստան
իշխանություն
ընդդիմություն
դիմադրություն շարժում
https://cdn.am.sputniknews.ru/img/07e6/06/08/43047898_0:0:1600:901_1920x0_80_0_0_6deab25dab8139db56ceca932cef70e0.jpg
ԵՐԵՎԱՆ, 8 հունիսի – Sputnik. Հայաստանում շարունակվում են քաղաքական վայրիվերումները. անհասկանալի են իշխանությունների հետագա գործողությունները երկրի համար մի շարք առանցքային հարցերի շուրջ, մյուս կողմից՝ ընդդիմությունը հայտնվել է փակուղում, հասարակությունն էլ անհանգիստ սպասման մեջ է, թե ինչպես է լուծվելու ղարաբաղյան խնդիրը, ինչ քայլեր է անելու իշխանությունը։ Այս մասին Sputnik Արմենիա մամուլի կենտրոնում հրավիրված ասուլիսի ժամանակ ասաց քաղաքագետ Արմեն Բաղդասարյանը։Բաղդասարյանի համոզմամբ` ընդդիմությունը պետք է վերջապես հայտարարի, թե ինչ է պատրաստվում անել իշխանության գալու դեպքում։ Հստակ նպատակների բացակայությունը, նրա գնահատմամբ, թույլ չի տալիս բողոքի ակցիաները վերածել գործնական քայլերի։«Օրինակ` ընդդիմությունն ասում է, որ Արցախը երբեք չի լինի Ադրբեջանի կազմում։ Իհարկե, աշխարհում չկա մի հայ, ով հակառակը կպնդեր, բայց պետք է հասկանալ, թե ինչպես և ինչ ճանապարհներով հասնել դրան»,- ասաց քաղաքագետը։Նրա խոսքով` նույնկերպ իշխանությունները չեն կարող բացատրել, թե ինչպես են պատրաստվում տարածաշրջանում հաստատել իրենց «խաղաղության օրակարգը» և դուրս գալ Թուրքիայի հետ դարավոր առճակատումից։Ընդդիմությունն ընկավ իշխանության թակարդը. քաղաքագետը` ստեղծված իրավիճակի մասինԲաղդասարյանը համոզված է` իշխանություն-ընդդիմություն փոխզիջումներ հնարավոր կլինեին, եթե դրանք ձեռք բերվեին ինչ-որ կոնկրետ նպատակի ու խնդրի շուրջ։ Բայց այսօրվա պայմաններում դա անիրատեսական է, քանի որ թե՛ իշխանությունները, թե՛ «Դիմադրություն» շարժումն ունեն իրենց արտաքին համակարգողները։Փորձագետի կարծիքով՝ ընդդիմությունն իր բոլոր ծրագրերը կապում է Ռուսաստանի հետ, իսկ իշխանությունը Վրաստանի օրինակով փորձում է Հայաստանը ներքաշել ազդեցության արևմտյան ուղեծիր։Իսկ քանի որ Ռուսաստանի և Արևմուտքի միջև բավական կոշտ դիմակայություն է, Հայաստանի ներսում իշխանության և ընդդիմության միջև երկխոսության հավանականությունը զրոյական է։Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։Մայիսի 2-ից սկսած` ամեն օր Երևանում կազմակերպվում են անհնազանդության երթեր ու հանրահավաքներ, այլ միջոցառումներ։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արմեն բաղդասարյան (քաղաքական մեկնաբան), հայաստան, իշխանություն, ընդդիմություն, դիմադրություն շարժում
արմեն բաղդասարյան (քաղաքական մեկնաբան), հայաստան, իշխանություն, ընդդիմություն, դիմադրություն շարժում
Հայաստանի ընդդիմությունը փակուղու մեջ է. քաղաքագետը վերլուծում է իրավիճակը
14:58 08.06.2022 (Թարմացված է: 15:11 08.06.2022) Ըստ Արմեն Բաղդասարյանի՝ իշխանություններն ու ընդդիմությունը սկզբունքորեն տարբեր խնդիրներ են դնում։
ԵՐԵՎԱՆ, 8 հունիսի – Sputnik. Հայաստանում շարունակվում են քաղաքական վայրիվերումները. անհասկանալի են իշխանությունների հետագա գործողությունները երկրի համար մի շարք առանցքային հարցերի շուրջ, մյուս կողմից՝ ընդդիմությունը հայտնվել է փակուղում, հասարակությունն էլ անհանգիստ սպասման մեջ է, թե ինչպես է լուծվելու ղարաբաղյան խնդիրը, ինչ քայլեր է անելու իշխանությունը։ Այս մասին Sputnik Արմենիա մամուլի կենտրոնում հրավիրված ասուլիսի ժամանակ ասաց քաղաքագետ Արմեն Բաղդասարյանը։
«Եթե ընդդիմության նպատակները հստակ լինեն, եթե իրատեսական դիրքորոշում ներկայացվի, ապա անկախ ընդդիմադիր որոշ առաջնորդների նկատմամբ հանրային վերաբերմունքից, հաջողության շանսերը զգալիորեն կմեծանան և, տասնյակ, հնարավոր է` հարյուր հազարավոր մարդիկ դուրս կգան փողոց։ Բայց հիմա ընդդիմությունը հայտնվել է մի իրավիճակում, որ ո՛չ կարող է նահանջել ու փրկել իր դեմքը, ո՛չ էլ առաջ գնալ»,- ասաց քաղաքագետը։
Բաղդասարյանի համոզմամբ` ընդդիմությունը պետք է վերջապես հայտարարի, թե ինչ է պատրաստվում անել իշխանության գալու դեպքում։ Հստակ նպատակների բացակայությունը, նրա գնահատմամբ, թույլ չի տալիս բողոքի ակցիաները վերածել գործնական քայլերի։
«Օրինակ` ընդդիմությունն ասում է, որ Արցախը երբեք չի լինի Ադրբեջանի կազմում։ Իհարկե, աշխարհում չկա մի հայ, ով հակառակը կպնդեր, բայց պետք է հասկանալ, թե ինչպես և ինչ ճանապարհներով հասնել դրան»,- ասաց քաղաքագետը։
Նրա խոսքով` նույնկերպ իշխանությունները չեն կարող բացատրել, թե ինչպես են պատրաստվում տարածաշրջանում հաստատել իրենց «խաղաղության օրակարգը» և դուրս գալ Թուրքիայի հետ դարավոր առճակատումից։
Բաղդասարյանը համոզված է` իշխանություն-ընդդիմություն փոխզիջումներ հնարավոր կլինեին, եթե դրանք ձեռք բերվեին ինչ-որ կոնկրետ նպատակի ու խնդրի շուրջ։ Բայց այսօրվա պայմաններում դա անիրատեսական է, քանի որ թե՛ իշխանությունները, թե՛ «Դիմադրություն» շարժումն ունեն իրենց արտաքին համակարգողները։
Փորձագետի կարծիքով՝ ընդդիմությունն իր բոլոր ծրագրերը կապում է Ռուսաստանի հետ, իսկ իշխանությունը Վրաստանի օրինակով փորձում է
Հայաստանը ներքաշել ազդեցության արևմտյան ուղեծիր։
Իսկ քանի որ Ռուսաստանի և Արևմուտքի միջև բավական կոշտ դիմակայություն է, Հայաստանի ներսում իշխանության և ընդդիմության միջև երկխոսության հավանականությունը զրոյական է։
Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ
հայտարարությունից հետո։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը
հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները
վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 2-ից սկսած` ամեն օր Երևանում կազմակերպվում են անհնազանդության երթեր ու հանրահավաքներ, այլ միջոցառումներ։
