https://arm.sputniknews.ru/20220607/proshjandemirtshjan-khachmerukum-tuzhats-qaghaqacineric-hivandanocum-mnacel-e-meky-nakharar-42979016.html

Պռոշյան–Դեմիրճյան խաչմերուկում տուժած քաղաքացիներից հիվանդանոցում մնացել է մեկը. նախարար

Պռոշյան–Դեմիրճյան խաչմերուկում տուժած քաղաքացիներից հիվանդանոցում մնացել է մեկը. նախարար

Sputnik Արմենիա

Նախարարը նշեց, որ ստացած վնասվածքները հիմնականում հարվածի, հրմշտոցի հետևանք են։ Կան նաև փոքր պատռվածքների դեպքեր։ 07.06.2022, Sputnik Արմենիա

2022-06-07T13:10+0400

2022-06-07T13:10+0400

2022-06-07T13:11+0400

անահիտ ավանեսյան

հիվանդանոց

բողոքի ակցիա

https://cdn.am.sputniknews.ru/img/07e6/06/04/42846434_0:91:1600:991_1920x0_80_0_0_a7df97b9ef561107dee3f7923a0b9a28.jpg

ԵՐԵՎԱՆ, 7 հունիսի – Sputnik. Հունիսի 3-ին Երևանի Պռոշյան–Դեմիրճյան փողոցների խաչմերուկում բողոքի ակցիայի մասնակիցների ու ոստիկանների միջև տեղի ունեցած բախումից բոլոր տուժածները, բացի մեկ անձից, դուրս են գրվել հիվանդանոցից։ Այսօր ԱԺ–ում լրագրողների հետ ճեպազրույցում հայտնեց առողջապահության նախարար Անահիտ Ավանեսյանը։«Ունենք մեկ քաղաքացի, որը վիրահատվել է։ Այդ քաղաքացու վիճակը այս պահին բավարար է, նորմալ ընթացքի մեջ է լավացման, հույս ունենք առաջիկա օրերին ևս դուրս կգրվի»,– ասաց Ավանեսյանը։Ոստիկանության կիրառած լուսաձայնային նռնակներից հնարավոր վնասվածքների մասին հարցին նախարարը չպատասխանեց` ասելով, որ ԱՆ լիազորությունների շրջանակում չէ գնահատել, թե վնասվածքը ինչի հետևանքով է եղել։Հիշեցնենք, որ հունիսի 3-ին կառավարական առանձնատների մոտ բողոքի ցույցի հավաքված «Դիմադրություն» շարժման անդամների և ոստիկանների միջև բախում տեղի ունեցավ։ Ցույցը ցրելու համար ոստիկանները լուսաձայնային նռնակներ կիրառեցին։ Արդյունքում մի քանի տասնյակ մարդ, այդ թվում՝ ոստիկաններ, տեղափոխվեցին տարբեր բուժհաստատություններ։

2022

Լուրեր

am_HY

անահիտ ավանեսյան, հիվանդանոց, բողոքի ակցիա