https://arm.sputniknews.ru/20220607/dimadrutjun-sharzhumy-em-despanatan-mvot-nerkajacrec-ir-pahanjnery-42974272.html

«Դիմադրություն» շարժումը ԵՄ դեսպանատան մոտ ներկայացրեց իր պահանջները

«Դիմադրություն» շարժումը ԵՄ դեսպանատան մոտ ներկայացրեց իր պահանջները

Sputnik Արմենիա

Հրմշտոցի ժամանակ ոստիկանները խլել են լրատվամիջոցներից մեկի օպերատորի տեսախցիկի «մոնոփոդը» (երկաթե ձող), որով սկսել են ծեծել ցուցարարներին։ 07.06.2022, Sputnik Արմենիա

2022-06-07T11:59+0400

2022-06-07T11:59+0400

2022-06-07T12:17+0400

բողոքի ակցիա

եվրամիություն

երևան

արամ վարդևանյան

https://cdn.am.sputniknews.ru/img/07e6/06/07/42973288_0:150:1600:1050_1920x0_80_0_0_de44601598337e42f38cd99253d5972f.jpg

ԵՐԵՎԱՆ, 7 հունիսի – Sputnik. «Դիմադրություն» շարժման անդամները ՀՀ-ում Եվրոպական միության դեսպանատան մոտ էին։ Շարժման անդամ, ԱԺ «Հայաստան» խմբակցության պատգամավոր Արամ Վարդևանյանը ներկայացրեց նամակը, որում նշված են իրենց պահանջները։ Նա շեշտեց` հունիսի 3-ին Պռոշյան-Դեմիրճյան փողոցների խաչմերուկում խաղաղ հավաքի մասնակիցների նկատմամբ ոստիկանական ուժերը կիրառել են ապօրինի և անհամաչափ ուժ, ինչպես նաև հատուկ միջոցներ` լուսաձայնային նռնակներ։«Այս ամենը կատարվել է ԵՄ դեսպանատան դիմաց, սակայն կառույցը ոչ մի արձագանք չի տվել։ Այս կառույցը լուռ է ու այդ լռությամբ խրախուսում է ոստիկանական վայրագությունները։ Չնայած այն բանին, որ հավաքը խաղաղ բնույթ էր կրում, և այդ պարագայում ոստիկանները ոչ թե պետք է խոչընդոտեին, այլ պարտավոր էին աջակցել խաղաղ հավաքի անցկացմանը։ Ընդգծեմ, որ լուսաձայնային նռնակները կիրառվել են առանց նախնական զգուշացման»,- նշեց Վարդևանյանը։Նա շեշտեց` անհամաչափ ուժի և հատուկ միջոցների կիրառման արդյունքում խաղաղ հավաքի մասնակից հարյուրավոր քաղաքացիների շրջանում, այդ թվում և կանանց ու տարեցների մոտ, առկա են տարբեր աստիճանի ծանրության վնասվածքներ։ Մարմնական տարբեր վնասվածքներ են ստացել ընդդիմադիր խմբակցությունների պատգամավորներից մի քանիսը, ինչպես նաև «Դիմադրություն» շարժման մասնակից քաղաքական կուսակցությունների ներկայացուցիչներ։ Վարդևանյանը կարևորեց այն փաստը, որ բժշկական օգնության դիմել է վնասվածք ստացածների միայն մի մասը։«Զգալի հատվածը նախընտրել է բուժում ստանալ տնային պայմաններում, ինչը հիմք է տվել իշխանական ներկայացուցիչներին լրատվական դաշտ «նետելու» թեզ, թե բախումների ժամանակ վնասվածք ստացած ոստիկանների թիվը շատ ավելին է, քան ցուցարարներինը։ Ոստիկանների մեծ մասն էլ տուժել է հատուկ միջոցների սխալ կիրառման արդյունքում»,- ասաց պատգամավորը։Հաջորդ խնդիրը, որը ներկայացվեց ԵՄ դեսպանին, այն է, որ ոստիկանության մի շարք ծառայողների համազգեստի վրա չկան տարբերանշաններ, որոնցով հնարավոր կլինի վերջիններիս նույնականացնել։ Ընդդիմության համար մեկ այլ խնդիր էլ այն է, որ ոստիկանների անհամաչափ ուժի կիրառման արդյունքում տուժել են նաև ԶԼՄ ներկայացուցիչներ, խոչընդոտվել է նրանց մասնագիտական աշխատանքը։ Նամակն ընթերցելուց հետո շարժման մասնակիցները երթով շարժվեցին դեպի Պարոնյան փողոց։ Մասնակիցներից մի քանիսն անգլերեն պաստառներ էին պարզել՝ «Բացե՛ք ձեր աչքերը», «Ի՞նչ է պատահել եվրոպական արժեքներին», «Դատապարտե՛ք բռնությունը» և այլ գրառումներով։Հիշեցնենք, որ հունիսի 6-ին շարժման ղեկավարներից Իշխան Սաղաթելյանը հայտնեց, որ հաջորդ օրը պահանջելու են հանդիպումներ ՀՀ-ում ներկայացված դիվանագետների հետ։Մայիսի 2-ից սկսած` ամեն օր Երևանում կազմակերպվում են անհնազանդության երթեր ու հանրահավաքներ, այլ միջոցառումներ։

երևան

2022

Լուրեր

am_HY

բողոքի ակցիա, եվրամիություն, երևան, արամ վարդևանյան