«Դիմադրության» անդամները պայմանավորվել են Արցախի ընդդիմության հետ
17:53 06.06.2022 (Թարմացված է: 19:07 06.06.2022)
© Photo : Facebook / Իշխան Սաղաթելյան / Ishkhan Saghatelyan«Դիմադրություն» շարժման անդամները հանդիպել են Արցախի Հանրապետության ընդդիմադիր քաղաքական ուժերի ղեկավարների հետ։
![«Դիմադրություն» շարժման անդամները հանդիպել են Արցախի Հանրապետության ընդդիմադիր քաղաքական ուժերի ղեկավարների հետ։ «Դիմադրություն» շարժման անդամները հանդիպել են Արցախի Հանրապետության ընդդիմադիր քաղաքական ուժերի ղեկավարների հետ։ - Sputnik Արմենիա, 1920, 06.06.2022](https://cdn.am.sputniknews.ru/img/07e6/06/06/42941311_213:0:1336:631_1920x0_80_0_0_21d8d9902ca8a970dbbb347fd8b254db.jpg)
«Դիմադրություն» շարժման անդամները հանդիպել են Արցախի Հանրապետության ընդդիմադիր քաղաքական ուժերի ղեկավարների հետ։
Բաժանորդագրվել
Հանդիպման ընթացքում քննարկվել են Արցախի ու Հայաստանի շուրջ ստեղծված մարտահրավերներն ու սպառնալիքները:
ԵՐԵՎԱՆ, 6 հունիսի – Sputnik. «Դիմադրություն» շարժման անդամները հանդիպել են Արցախի Հանրապետության ընդդիմադիր քաղաքական ուժերի ղեկավարների հետ: Տեղեկությունը ֆեյսբուքյան իր էջում հայտնում է ՀՀ ԱԺ փոխխոսնակ, «Դիմադրություն» շարժման անդամ Իշխան Սաղաթելյանը։
«Քննարկել ենք Արցախի ու Հայաստանի շուրջ ստեղծված մարտահրավերներն ու սպառնալիքները: Քննարկվել են նաև Հայաստանում առկա քաղաքական ճգնաժամի դրսևորումները: Պայմանավորվել ենք առավել կազմակերպված շարունակել նման ձևաչափով փոխադարձ հանդիպումներն ու քննարկումները, ինչպես նաև աշխատանքներ իրականացնել Արցախում, Հայաստանում և սփյուռքում` շարժման («Դիմադրություն» շարժում) ընդլայնման ուղղությամբ»,- գրել է Սաղաթելյանը:
Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 2-ից սկսած` ամեն օր Երևանում կազմակերպվում են անհնազանդության երթեր ու հանրահավաքներ, այլ միջոցառումներ։