https://arm.sputniknews.ru/20220605/hunastani-ag-nakharary-turqiajin-meghadrel-e-egejan-tsvovum-sadranqner-hrahrelu-mej-42876130.html
Հունաստանի ԱԳ նախարարը Թուրքիային մեղադրել է Էգեյան ծովում սադրանքներ հրահրելու մեջ
Հունաստանի ԱԳ նախարարը Թուրքիային մեղադրել է Էգեյան ծովում սադրանքներ հրահրելու մեջ
Sputnik Արմենիա
Նիկոս Դենդիասը խիստ վտանգավոր է համարել թուրքական ագրեսիվ նկրտումները տարածաշրջանում։ 05.06.2022, Sputnik Արմենիա
2022-06-05T12:27+0400
2022-06-05T12:27+0400
2022-06-05T12:39+0400
հունաստան
թուրքիա
կասպից ծով
https://cdn.am.sputniknews.ru/img/07e5/0b/12/35509061_0:180:3073:1908_1920x0_80_0_0_faa1d56c92e26a606c5e4e8c29eb894b.jpg
ԵՐԵՎԱՆ, 5 հունիսի – Sputnik․ Թուրքիայի քաղաքական ղեկավարության ծայրահեղ հռետորաբանությունը և Էգեյան ծովում սադրիչ պահվածքը, ներառյալ՝ հունական կղզիների վրայով թռիչքները, վկայում են թուրքական ռևիզիոնիզմն ուժեղացնելու մտադրության մասին: Հունական Parapolitika թերթին տված հարցազրույցում հայտարարել է Հունաստանի արտաքին գործերի նախարար Նիկոս Դենդիասը։Միևնույն ժամանակ, Դենդիասը շեշտել է, որ Հունաստանը չի ցանկանում ներքաշվել Թուրքիայի հետ անպտուղ առճակատման մեջ։Նա հայտնել է, որ Հունաստանն ամրապնդում է երկկողմ կապերը ռազմավարական գործընկերների՝ ԱՄՆ-ի և Ֆրանսիայի և մյուսների հետ։ Հունաստանի արտաքին գերատեսչության ղեկավարի խոսքով՝ միաժամանակ, իրենք կանոնավոր կերպով տեղեկացնում են բոլոր դաշնակիցներին և գործընկերներին Թուրքիայի անընդունելի վարքագծի մասին։«Մենք ընդգծում ենք, որ պատրաստ ենք պաշտպանել մեր ազգային շահերը ցանկացած սպառնալիքի դեմ»,- հայտարարել է Դենդիասը:Հունական կողմը բազմիցս տեղեկացրել է, որ «հանդես է գալիս Թուրքիայի հետ միջազգային իրավունքի հիման վրա կառուցողական երկխոսության օգտին»:Նախարարը նաև մեղադրել է թուրքական կողմին, որ նա «փոխում է սահմանները՝ այսրոպեական երևակայություններին համապատասխան»։ Նրա կարծիքով՝ Անկարայի գործողությունները ծիծաղելի կլինեին, եթե այդքան վտանգավոր չլինեին։Նշենք, որ Հունաստանի և Թուրքիայի հարաբերություններում պարբերաբար լարվածություն է առաջանում Էգեյան ծովում հունական կղզիների նկատմամբ թուրքական նկրտումների պատճառով։ Վերջերս հակասությունները խորացան նաև այն պատճառով, որ ԱՄՆ Կոնգրեսում Հունաստանի վարչապետը կոչ արեց արդիականացված կործանիչներ չտրամադրել Անկարային։Ինչո՞ւ է Թուրքիան զորավարժություն սկսել Հունաստանի սահմանին
հունաստան
թուրքիա
կասպից ծով
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հունաստան, թուրքիա, կասպից ծով
հունաստան, թուրքիա, կասպից ծով
Հունաստանի ԱԳ նախարարը Թուրքիային մեղադրել է Էգեյան ծովում սադրանքներ հրահրելու մեջ
12:27 05.06.2022 (Թարմացված է: 12:39 05.06.2022) Նիկոս Դենդիասը խիստ վտանգավոր է համարել թուրքական ագրեսիվ նկրտումները տարածաշրջանում։
ԵՐԵՎԱՆ, 5 հունիսի – Sputnik․ Թուրքիայի քաղաքական ղեկավարության ծայրահեղ հռետորաբանությունը և Էգեյան ծովում սադրիչ պահվածքը, ներառյալ՝ հունական կղզիների վրայով թռիչքները, վկայում են թուրքական ռևիզիոնիզմն ուժեղացնելու մտադրության մասին: Հունական Parapolitika թերթին տված հարցազրույցում հայտարարել է Հունաստանի արտաքին գործերի նախարար Նիկոս Դենդիասը։
Միևնույն ժամանակ, Դենդիասը շեշտել է, որ Հունաստանը չի ցանկանում ներքաշվել Թուրքիայի հետ անպտուղ առճակատման մեջ։
«Թուրքական սադրանքներին մենք իմաստուն և հանգիստ ենք արձագանքում՝ ընտրելով, թե ինչպես և երբ արձագանքել՝ առաջ քաշելով ճիշտ փաստարկներ, այլ ոչ թե սենսացիոն քայլեր կատարելով»,- նշել է նախարար Դենդիասը։
Նա հայտնել է, որ Հունաստանն ամրապնդում է երկկողմ կապերը ռազմավարական գործընկերների՝ ԱՄՆ-ի և Ֆրանսիայի և մյուսների հետ։ Հունաստանի արտաքին գերատեսչության ղեկավարի խոսքով՝ միաժամանակ, իրենք կանոնավոր կերպով տեղեկացնում են բոլոր դաշնակիցներին և գործընկերներին Թուրքիայի անընդունելի վարքագծի մասին։
«Մենք ընդգծում ենք, որ պատրաստ ենք պաշտպանել մեր ազգային շահերը ցանկացած սպառնալիքի դեմ»,- հայտարարել է Դենդիասը:
Հունական կողմը բազմիցս տեղեկացրել է, որ «հանդես է գալիս Թուրքիայի հետ միջազգային իրավունքի հիման վրա կառուցողական երկխոսության օգտին»:
Նախարարը նաև մեղադրել է թուրքական կողմին, որ նա «փոխում է սահմանները՝ այսրոպեական երևակայություններին համապատասխան»։ Նրա կարծիքով՝ Անկարայի գործողությունները ծիծաղելի կլինեին, եթե այդքան վտանգավոր չլինեին։
Նշենք, որ Հունաստանի և Թուրքիայի հարաբերություններում պարբերաբար լարվածություն է առաջանում Էգեյան ծովում հունական կղզիների նկատմամբ թուրքական նկրտումների պատճառով։ Վերջերս հակասությունները խորացան նաև այն պատճառով, որ ԱՄՆ Կոնգրեսում Հունաստանի վարչապետը կոչ արեց արդիականացված կործանիչներ չտրամադրել Անկարային։
