https://arm.sputniknews.ru/20220604/nerkhuzhum-sjuniqum-hajastani-haravum-adrbejany-shurj-900-hektar-taratsq-e-verahskum-42867659.html
Ներխուժում Սյունիքում. Հայաստանի հարավում Ադրբեջանը շուրջ 900 հեկտար տարածք է վերահսկում
Ներխուժում Սյունիքում. Հայաստանի հարավում Ադրբեջանը շուրջ 900 հեկտար տարածք է վերահսկում
Sputnik Արմենիա
Արբանյակային լուսանկարների հիման վրա որոշեցինք հաշվարկել, թե որքան տարածք է զբաղեցրել ադրբեջանական զորքը Սյունիքի հարավում ներխուժման հետևանքով։ 04.06.2022, Sputnik Արմենիա
2022-06-04T22:09+0400
2022-06-04T22:09+0400
2022-06-04T22:33+0400
սյունիք
ադրբեջան
ներքին հանդ
զինված ուժեր
հհ պաշտպանության նախարարություն (պն)
https://cdn.am.sputniknews.ru/img/07e5/02/10/26471303_0:83:1600:983_1920x0_80_0_0_8831c6b61d57a6bd82035285451c739a.jpg
ԵՐԵՎԱՆ, 4 հունիսի – Sputnik. ՀՀ Սյունիքի մարզի լեռնային հատվածներում ադրբեջանական ԶՈւ-ն անընդհատ ամրանում է։44-օրյա պատերազմից հետո Բաքուն ՀՀ տարածքի Սոթք-Խոզնավար (Գեղարքունիքից Սյունիք) հատվածում ավելի քան 45 քառակուսի կմ տարածք է գրավել։ Այսպիսին են պաշտոնական տվյալները։ Հայ զինվորականի մահվան կապակցությամբ ԱԳՆ-ի վերջերս արած հայտարարության մեջ ասվում էր, որ 2021 թվականի մայիսից Ադրբեջանի ԶՈւ-ն Սոթք-Խոզնավար հատվածում «ապօրինի կերպով ներխուժել է Հայաստանի Հանրապետության ինքնիշխան տարածք և օկուպացրել ավելի քան 45 քառակուսի կիլոմետր տարածք»։Դեռ 2021 թվականի դեկտեմբերին ԱԳՆ-ն հայտարարել էր ավելի քան 40 քառ. կմ օկուպացնելու մասին (չնշելով կոնկրետ հատվածը)։Ադրբեջանական ստորաբաժանումները, սակայն, ներխուժում են իրականացրել ոչ միայն Սոթք–Խոզնավար հատվածում։ Նրանց առաջխաղացումը նկատելի է և պաշտոնապես հաստատվել է Ներքին Հանդ գյուղի շրջանում և դրանից ավելի հարավ ընկած հատվածում` Վարդասար բարձունքի տարածքում։Մենք փորձել ենք հաշվարկել Ներքին Հանդ գյուղ-Բարդութաղք (Բարթազ) լեռ հատվածում այս տարվա մայիսի 28-ի դրությամբ ադրբեջանցիների վերահսկողության տակ առնված տարածքի մակերեսը։Հաշվարկներն իրականացվել են` հիմնվելով Google Earth-ի և Sentinel Hub-ի արբանյակային լուսանկարների և գործիքների վրա` ուղիղ գիծ անցկացնելով նշված շրջանում արդեն իսկ հայտնի ադրբեջանական դիրքերի միջև։Կոպիտ հաշվարկներով` Սյունիքի այդ հատվածում Ադրբեջանի անմիջական վերահսկողության տակ է գտնվում մոտ 9 քառ. կմ (մոտավորապես 900 հա) ՀՀ տարածք։ Սակայն պետք է հաշվի առնել այն, որ ադրբեջանական դիրքերը տեղակայված են գերիշխող բարձունքների վրա, ինչը հնարավորություն է տալիս շատ ավելի մեծ տարածք տեսնել։Հարկ է նշել, որ ադրբեջանական ԶՈւ-ն չի դադարում ակտիվ ինժեներական աշխատանքները հայկական տարածքում։ Ընդամենը 1-2 ամիս առաջ նրանք ամրապնդեցին իրենց դիրքերը Ներքին Հանդ գյուղի մոտ միանգամից երկու ուղղություններով, ինչի մասին գրել ենք։ՀՀ ՊՆ-ն, ի պատասխան մեր հրապարակման, հայտարարել է, որ առաջխաղացումը տեղի է ունեցել պատերազմից հետո, մասնավորապես` 2021 թվականի գարնանը։Սակայն առաջխաղացման փաստը նկատելու համար բավական է միայն նայել ՊՆ-ի նախորդ պարզաբանումը (այնտեղ արձանագրված է ուղղություններից միայն մեկը) և համեմատել 2022 թվականի ապրիլ և մայիս ամիսներին արբանյակից (Sentinel 2) արված լուսանկարները։Նշենք, որ ավելի վաղ այլ տարածքներում Ադրբեջանի վերահսկողության տակ անցած ՀՀ տարածքի հաշվարկ էին իրականացրել նաև Civilnet-ն ու Hetq-ը։ Civilnet-ի տվյալներով` Սոթք-Խոզնավար հատվածում Ադրբեջանի վերահսկողության տակ է գտնվում ավելի քան 54 քառ. կմ տարածք։ Hetq-ի տվյալներով` միայն Վարդենիսի հատվածում Բաքուն վերահսկում է մոտ 32 քառ. կմ տարածք։Մեր թղթակցի գրառումները կարող եք ընթերցել նաև նրա Telegram ալիքում։
սյունիք
ադրբեջան
ներքին հանդ
Sputnik Արմենիա
media@sputniknews.com
+74956456601
MIA „Rossiya Segodnya“
2022
Դավիթ Գալստյան
https://cdn.am.sputniknews.ru/img/38/93/389356_199:0:1401:1202_100x100_80_0_0_ffcb4cf8afc4b1ab1ba4f5ba7bf29940.jpg
Դավիթ Գալստյան
https://cdn.am.sputniknews.ru/img/38/93/389356_199:0:1401:1202_100x100_80_0_0_ffcb4cf8afc4b1ab1ba4f5ba7bf29940.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Դավիթ Գալստյան
https://cdn.am.sputniknews.ru/img/38/93/389356_199:0:1401:1202_100x100_80_0_0_ffcb4cf8afc4b1ab1ba4f5ba7bf29940.jpg
սյունիք, ադրբեջան, ներքին հանդ, զինված ուժեր, հհ պաշտպանության նախարարություն (պն)
սյունիք, ադրբեջան, ներքին հանդ, զինված ուժեր, հհ պաշտպանության նախարարություն (պն)
Ներխուժում Սյունիքում. Հայաստանի հարավում Ադրբեջանը շուրջ 900 հեկտար տարածք է վերահսկում
22:09 04.06.2022 (Թարմացված է: 22:33 04.06.2022) Արբանյակային լուսանկարների հիման վրա որոշեցինք հաշվարկել, թե որքան տարածք է զբաղեցրել ադրբեջանական զորքը Սյունիքի հարավում ներխուժման հետևանքով։
ԵՐԵՎԱՆ, 4 հունիսի – Sputnik. ՀՀ Սյունիքի մարզի լեռնային հատվածներում ադրբեջանական ԶՈւ-ն անընդհատ ամրանում է։
44-օրյա պատերազմից հետո Բաքուն ՀՀ տարածքի Սոթք-Խոզնավար (Գեղարքունիքից Սյունիք) հատվածում ավելի քան 45 քառակուսի կմ տարածք է գրավել։ Այսպիսին են պաշտոնական տվյալները։ Հայ զինվորականի մահվան կապակցությամբ ԱԳՆ-ի վերջերս արած հայտարարության մեջ ասվում էր, որ 2021 թվականի մայիսից Ադրբեջանի ԶՈւ-ն Սոթք-Խոզնավար հատվածում «ապօրինի կերպով ներխուժել է Հայաստանի Հանրապետության ինքնիշխան տարածք և օկուպացրել ավելի քան 45 քառակուսի կիլոմետր տարածք»։
Ադրբեջանական ստորաբաժանումները, սակայն, ներխուժում են իրականացրել ոչ միայն Սոթք–Խոզնավար հատվածում։ Նրանց առաջխաղացումը նկատելի է և
պաշտոնապես հաստատվել է Ներքին Հանդ գյուղի շրջանում և դրանից ավելի հարավ ընկած հատվածում` Վարդասար բարձունքի տարածքում։
Մենք փորձել ենք հաշվարկել Ներքին Հանդ գյուղ-Բարդութաղք (Բարթազ) լեռ հատվածում այս տարվա մայիսի 28-ի դրությամբ ադրբեջանցիների վերահսկողության տակ առնված տարածքի մակերեսը։
Հաշվարկներն իրականացվել են` հիմնվելով Google Earth-ի և Sentinel Hub-ի արբանյակային լուսանկարների և գործիքների վրա` ուղիղ գիծ անցկացնելով նշված շրջանում արդեն իսկ հայտնի ադրբեջանական դիրքերի միջև։
Կոպիտ հաշվարկներով` Սյունիքի այդ հատվածում Ադրբեջանի անմիջական վերահսկողության տակ է գտնվում մոտ 9 քառ. կմ (մոտավորապես 900 հա) ՀՀ տարածք։ Սակայն պետք է հաշվի առնել այն, որ ադրբեջանական դիրքերը տեղակայված են գերիշխող բարձունքների վրա, ինչը հնարավորություն է տալիս շատ ավելի մեծ տարածք տեսնել։
Հարկ է նշել, որ ադրբեջանական ԶՈւ-ն չի դադարում ակտիվ ինժեներական աշխատանքները հայկական տարածքում։ Ընդամենը 1-2 ամիս առաջ նրանք
ամրապնդեցին իրենց դիրքերը Ներքին Հանդ գյուղի մոտ միանգամից երկու ուղղություններով, ինչի մասին գրել ենք։ՀՀ ՊՆ-ն, ի պատասխան մեր հրապարակման,
հայտարարել է, որ առաջխաղացումը տեղի է ունեցել պատերազմից հետո, մասնավորապես` 2021 թվականի գարնանը։
Սակայն առաջխաղացման փաստը նկատելու համար բավական է միայն նայել ՊՆ-ի նախորդ պարզաբանումը (այնտեղ արձանագրված է ուղղություններից միայն մեկը) և համեմատել 2022 թվականի ապրիլ և մայիս ամիսներին արբանյակից (Sentinel 2) արված լուսանկարները։
Նշենք, որ ավելի վաղ այլ տարածքներում Ադրբեջանի վերահսկողության տակ անցած ՀՀ տարածքի հաշվարկ էին իրականացրել նաև Civilnet-ն ու Hetq-ը։
Civilnet-ի տվյալներով` Սոթք-Խոզնավար հատվածում Ադրբեջանի վերահսկողության տակ է գտնվում ավելի քան 54 քառ. կմ տարածք։
Hetq-ի տվյալներով` միայն Վարդենիսի հատվածում Բաքուն վերահսկում է մոտ 32 քառ. կմ տարածք։
Մեր թղթակցի գրառումները կարող եք ընթերցել նաև նրա Telegram ալիքում։ 
