https://arm.sputniknews.ru/20220603/khakhtumneri-bazmativ-depqer-hhum-inchpes-kareli-e-lutsel-gandzagvoghutjan-khndiry-42792725.html
Խախտումների բազմաթիվ դեպքեր ՀՀ–ում. ինչպես կարելի է լուծել գանձագողության խնդիրը
Խախտումների բազմաթիվ դեպքեր ՀՀ–ում. ինչպես կարելի է լուծել գանձագողության խնդիրը
Sputnik Արմենիա
Պաշտոնյանները կարծում են, որ հուշարձանների պահպանման գործում պետք է ներգրավված լինի տեղի բնակչությունը։ 03.06.2022, Sputnik Արմենիա
2022-06-03T17:24+0400
2022-06-03T17:24+0400
2022-06-03T17:25+0400
հայաստան
գանձագողություն
հուշարձան
https://cdn.am.sputniknews.ru/img/07e5/0b/1a/35798758_0:0:1600:901_1920x0_80_0_0_d243a285f3671a92194d03177cc830da.jpg
ԵՐԵՎԱՆ, 3 հունիսի – Sputnik. Հայաստանում պատմամշակութային արգելոց-թանգարանների, հուշարձանների տարածքներում ամենամեծ խնդիրը գանձագողությունն է: Այսօր հրավիրված ասուլիսում հայտնեց ՀՀ ԿԳՄՍ նախարարության պատմության և մշակույթի հուշարձանների պահպանության վարչության պետ Հարություն Վանյանը։Նրա խոսքով՝ մեծ վնաս է հասցվում հնագիտական հուշարձաններին: Այդպիսի դեպքեր արձանագրվում են պատմական մայրաքաղաքների դամբարանադաշտերի տարածքներում, հնագիտական վայրերում:Վանյանը հիշեցրեց, որ, օրինակ, Արտաշատ պատմական մայրաքաղաքի տարածքում պահապանները տեղում ֆիքսել են գանձագողության երեք դեպք, կան հարուցված քրեական գործեր:«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրեն Արմեն Հովհաննիսյանն էլ նշեց, որ շեշտը պետք է դնել կանխարգելիչ միջոցառումների վրա, որոնց կարևոր բաղադրիչներից է համայնքային հուշարձանապահպանությունը։ Դա ենթադրում է, որ համայնքը, տեղի բնակչությունը պետք է ներգրավված ու իրազեկված լինի:«Յուրաքանչյուր քաղաքացի պետք է գիտակցի, որ հուշարձանի պահպանությունն իր պարտքն է, միայն նախարարության կամ ՊՈԱԿ-ի ռեսուրսներով հնարավոր չէ»,-ասաց Հովհաննիսյանը:Ովքե՞ր են ՀՀ-ում «հարձակվում» Հիսուս Քրիստոսի վրա. վանդալիզմի դեպքերի հետքերովՉնայած սակավ ռեսուրսներին՝ ՊՈԱԿ-ը նախատեսում է խստացնել վերահսկողությունը, մասնավորապես, արգելոց-թանգարաններում ավելացնել տեսախցիկների թիվը:Նշենք, որ հուշարձաններին հասցված վնասները գնահատվում են փորձագիտական եզրակացությունների հիման վրա:Իրավախախտները տուգանքների են ենթարկվում և, եթե հնարավոր է, պարտավորեցվում են վերականգնել նաև հուշարձանի նախկին տեսքը:Վանյանի խոսքով` Կումայրի արգելոց-թանգարանի տարածքում խախտումների բազմաթիվ դեպքեր կան:Բանախոսները տեղեկացրին, որ 2021 թվականին հուշարձանների տարածքում արձանագրվել է իրավախախտման 131 դեպք՝ որոնց թվում գանձագողության, հուշարձանների պատերի վրա երկաթյա գործիքներով փորագրելու, պատերի վրա ներկելու և այլն:2022 թվականին արդեն 18 նման դեպք է գրանցվել: Հովհաննիսյանի խոսքով` դեպքերի թվի աճ չի նկատվում, սակայն եղածն էլ մտահոգիչ է՝ հաշվի առնելով պատմական հուշարձաններին հասցված վնասը:
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, գանձագողություն, հուշարձան
հայաստան, գանձագողություն, հուշարձան
Խախտումների բազմաթիվ դեպքեր ՀՀ–ում. ինչպես կարելի է լուծել գանձագողության խնդիրը
17:24 03.06.2022 (Թարմացված է: 17:25 03.06.2022) Պաշտոնյանները կարծում են, որ հուշարձանների պահպանման գործում պետք է ներգրավված լինի տեղի բնակչությունը։
ԵՐԵՎԱՆ, 3 հունիսի – Sputnik. Հայաստանում պատմամշակութային արգելոց-թանգարանների, հուշարձանների տարածքներում ամենամեծ խնդիրը գանձագողությունն է: Այսօր հրավիրված ասուլիսում հայտնեց ՀՀ ԿԳՄՍ նախարարության պատմության և մշակույթի հուշարձանների պահպանության վարչության պետ Հարություն Վանյանը։
Նրա խոսքով՝ մեծ վնաս է հասցվում հնագիտական հուշարձաններին: Այդպիսի դեպքեր արձանագրվում են պատմական մայրաքաղաքների դամբարանադաշտերի տարածքներում, հնագիտական վայրերում:
Վանյանը հիշեցրեց, որ, օրինակ, Արտաշատ պատմական մայրաքաղաքի տարածքում պահապանները տեղում ֆիքսել են գանձագողության երեք դեպք, կան հարուցված քրեական գործեր:
«Փորձում ենք եղած ռեսուրսներով հնարավորինս կանխել գանձագողության դեպքերը: Հիմա փորձում ենք օրենսդրական դաշտում փոփոխություններ կատարել: Օրենքում գանձագողության հետ կապված բաց հատվածներ կան, և հիմա համապատասխան օրինագիծ ենք մշակում դրանք լրացնելու, պայքարի ուժեղ գործիքակազմ ունենալու համար»,- ասաց Վանյանը:
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրեն Արմեն Հովհաննիսյանն էլ նշեց, որ շեշտը պետք է դնել կանխարգելիչ միջոցառումների վրա, որոնց կարևոր բաղադրիչներից է համայնքային հուշարձանապահպանությունը։ Դա ենթադրում է, որ համայնքը, տեղի բնակչությունը պետք է ներգրավված ու իրազեկված լինի:
«Յուրաքանչյուր քաղաքացի պետք է գիտակցի, որ հուշարձանի պահպանությունն իր պարտքն է, միայն նախարարության կամ ՊՈԱԿ-ի ռեսուրսներով հնարավոր չէ»,-ասաց Հովհաննիսյանը:
Չնայած սակավ ռեսուրսներին՝ ՊՈԱԿ-ը նախատեսում է խստացնել վերահսկողությունը, մասնավորապես, արգելոց-թանգարաններում ավելացնել տեսախցիկների թիվը:
Նշենք, որ հուշարձաններին հասցված վնասները գնահատվում են փորձագիտական եզրակացությունների հիման վրա:
Իրավախախտները տուգանքների են ենթարկվում և, եթե հնարավոր է, պարտավորեցվում են վերականգնել նաև հուշարձանի նախկին տեսքը:
Վանյանի խոսքով` Կումայրի արգելոց-թանգարանի տարածքում խախտումների բազմաթիվ դեպքեր կան:
«Օրինակ` հուշարձան-շենքի վրա նոր հարկ էին փորձում կառուցել, մենք շինարարության ընթացքում կասեցրինք: Փորձում են երեսպատման քարերը փոփոխել: Ինչպես տեսնում ենք, խախտումները շատ են, տուգանքները՝ նույնպես, նույնիսկ կրկնակի տուգանքի դեպքեր ունենք, ավելին՝ կան հարուցված քրեական գործեր»,- հավելեց Վանյանը:
Բանախոսները տեղեկացրին, որ 2021 թվականին հուշարձանների տարածքում արձանագրվել է իրավախախտման 131 դեպք՝ որոնց թվում գանձագողության, հուշարձանների պատերի վրա երկաթյա գործիքներով փորագրելու, պատերի վրա ներկելու և այլն:
2022 թվականին արդեն 18 նման դեպք է գրանցվել: Հովհաննիսյանի խոսքով` դեպքերի թվի աճ չի նկատվում, սակայն եղածն էլ մտահոգիչ է՝ հաշվի առնելով պատմական հուշարձաններին հասցված վնասը:
