https://arm.sputniknews.ru/20220603/sanahin-qvobajr-gvoshavanq-hajastanum-arajikajum-patmakan-hushardzanner-kverakangnven-42801390.html
Սանահին, Քոբայր, Գոշավանք... Հայաստանում առաջիկայում պատմական հուշարձաններ կվերականգնվեն
Սանահին, Քոբայր, Գոշավանք... Հայաստանում առաջիկայում պատմական հուշարձաններ կվերականգնվեն
Sputnik Արմենիա
ԿԳՄՍ նախարարությունը նախատեսում է հետագայում ավելի շատ գումար գտնել հուշարձանների վերականգնման համար։ 03.06.2022, Sputnik Արմենիա
2022-06-03T18:13+0400
2022-06-03T18:13+0400
2022-06-03T18:55+0400
սանահին
վանք
վերանորոգում
տավուշ
լոռի
քոբայր
մշակույթ
կրթության, գիտության, մշակույթի և սպորտի նախարարություն (կգմս)
ասուլիս
https://cdn.am.sputniknews.ru/img/1964/20/19642061_0:84:1601:984_1920x0_80_0_0_cf4e067a9136e5c5e93d98b253bbf51c.jpg
ԵՐԵՎԱՆ, 3 հունիսի – Sputnik. Հայաստանում առաջիկայում մի շարք պատմական հուշարձաններ կվերականգնվեն։ Այսօր հրավիրված ասուլիսում տեղեկությունը հայտնեց ՀՀ ԿԳՄՍ նախարարության պատմության և մշակույթի հուշարձանների պահպանության վարչության պետ Հարություն Վանյանը։Նրա խոսքով` այդ նպատակով արդեն հավաքվել է 300 մլն դրամ, որից 108 միլիոն դրամը հատկացրել է ՀՀ կառավարությունը, իսկ մնացած մասը գոյացել է մասնավոր հատվածի հետ համագործակցության արդյունքում։Առաջին հերթին նախատեսվում է վերանորոգել Սանահինի վանական համալիրի Սուրբ Ամենափրկիչ եկեղեցու տանիքը։ Աշխատանքները նախատեսվում է ավարտել հաջորդ տարի։ Ուշադրության կարիք ունի նաև Գոշավանքի տանիքը, քանի որ ժամանակին այն ամբողջությամբ չի վերանորոգվել, անձրևաջրերը փչացնում են արդեն վերականգնված հատվածը։Ո՞վ է «կերել» հուշարձանների վերականգնման փողերը. պաշտոնյաները կդատարկեն գրպաններըԴիլիջանի Շարամբեյանի անվան ժողովրդական արվեստի թանգարանը երեք տարվա ընթացքում հիմնովին կվերանորոգվի։ Կբարեկարգվի նաև Լոռու մարզի միջնադարյան Քոբայրի վանքը։ Վերջերս կառավարության կողմից հաստատված մեկ այլ ծրագրով նախատեսվում է վերականգնել Լոռվա բերդի պարիսպները։ Որոշակի հատված արդեն վերականգնվել է։ Կա նաև Լոռի բերդի բաղնիքի և եկեղեցու վերականգնման ծրագիր։ Բացի այդ, ներկայում պեղումներ են իրականացվում Լոռվա բերդի մոտ։Վանյանի խոսքով` արդեն ավարտվել են «Ճանապարհաշինարարների հուշարձանի» տարածքի լուսավորության աշխատանքները։Անասնագոմի վերածված Քոբայրը կամ «սրբազան» կովը միջնադարյան վանքումՏավուշի բերդի պեղումները, որոնք սկսվել են երկու տարի առաջ, այս տարի կշարունակվեն։ Զուգահեռաբար կիրականացվեն վերականգնողական աշխատանքներ։Մեկ այլ նախագծով կվերականգնվի Ամրակից գյուղում գտնվող ռուսական եկեղեցին։Վանյանը նշեց, որ նախարարությունը նախատեսում է էապես ավելացնել ֆինանսավորումն այս ոլորտում։
լոռի
քոբայր
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սանահին, վանք, վերանորոգում, տավուշ, լոռի, քոբայր, մշակույթ , կրթության, գիտության, մշակույթի և սպորտի նախարարություն (կգմս), ասուլիս
սանահին, վանք, վերանորոգում, տավուշ, լոռի, քոբայր, մշակույթ , կրթության, գիտության, մշակույթի և սպորտի նախարարություն (կգմս), ասուլիս
Սանահին, Քոբայր, Գոշավանք... Հայաստանում առաջիկայում պատմական հուշարձաններ կվերականգնվեն
18:13 03.06.2022 (Թարմացված է: 18:55 03.06.2022) ԿԳՄՍ նախարարությունը նախատեսում է հետագայում ավելի շատ գումար գտնել հուշարձանների վերականգնման համար։
ԵՐԵՎԱՆ, 3 հունիսի – Sputnik. Հայաստանում առաջիկայում մի շարք պատմական հուշարձաններ կվերականգնվեն։ Այսօր հրավիրված ասուլիսում տեղեկությունը հայտնեց ՀՀ ԿԳՄՍ նախարարության պատմության և մշակույթի հուշարձանների պահպանության վարչության պետ Հարություն Վանյանը։
Նրա խոսքով` այդ նպատակով արդեն հավաքվել է 300 մլն դրամ, որից 108 միլիոն դրամը հատկացրել է ՀՀ կառավարությունը, իսկ մնացած մասը գոյացել է մասնավոր հատվածի հետ համագործակցության արդյունքում։
Առաջին հերթին նախատեսվում է վերանորոգել Սանահինի վանական համալիրի Սուրբ Ամենափրկիչ եկեղեցու տանիքը։ Աշխատանքները նախատեսվում է ավարտել հաջորդ տարի։ Ուշադրության կարիք ունի նաև Գոշավանքի տանիքը, քանի որ ժամանակին այն ամբողջությամբ չի վերանորոգվել, անձրևաջրերը փչացնում են արդեն վերականգնված հատվածը։
Դիլիջանի Շարամբեյանի անվան ժողովրդական արվեստի թանգարանը երեք տարվա ընթացքում հիմնովին կվերանորոգվի։ Կբարեկարգվի նաև Լոռու մարզի միջնադարյան Քոբայրի վանքը։ Վերջերս կառավարության կողմից հաստատված մեկ այլ ծրագրով նախատեսվում է վերականգնել Լոռվա բերդի պարիսպները։ Որոշակի հատված արդեն վերականգնվել է։ Կա նաև Լոռի բերդի բաղնիքի և եկեղեցու վերականգնման ծրագիր։ Բացի այդ, ներկայում պեղումներ են իրականացվում Լոռվա բերդի մոտ։
Վանյանի խոսքով` արդեն ավարտվել են «Ճանապարհաշինարարների հուշարձանի» տարածքի լուսավորության աշխատանքները։
Տավուշի բերդի պեղումները, որոնք սկսվել են երկու տարի առաջ, այս տարի կշարունակվեն։ Զուգահեռաբար կիրականացվեն վերականգնողական աշխատանքներ։
Մեկ այլ նախագծով կվերականգնվի Ամրակից գյուղում գտնվող ռուսական եկեղեցին։
Վանյանը նշեց, որ նախարարությունը նախատեսում է էապես ավելացնել ֆինանսավորումն այս ոլորտում։
.jpg){kind=link}