https://arm.sputniknews.ru/20220531/hajastanum-tskhelu-hetevanqvov-tarekan-5500-mard-e-mahanum-inch-en-asum-masnagetnery-42654902.html
Հայաստանում ծխելու հետևանքով տարեկան 5500 մարդ է մահանում. ի՞նչ են ասում մասնագետները
Հայաստանում ծխելու հետևանքով տարեկան 5500 մարդ է մահանում. ի՞նչ են ասում մասնագետները
Sputnik Արմենիա
Հայաստանում ծխողների գերակշիռ մասը տղամարդիկ են, դեռահասների շրջանում՝ կյանքում երբևէ ծխախոտ օգտագործել են 15 տարեկան տղաների 21%-ը և աղջիկների 3%-ը: 31.05.2022, Sputnik Արմենիա
2022-05-31T15:54+0400
2022-05-31T15:54+0400
2022-05-31T16:01+0400
ծխախոտ
ծխել
հայաստան
հհ առողջապահության նախարարություն
https://cdn.am.sputniknews.ru/img/709/73/7097335_0:0:2802:1577_1920x0_80_0_0_84d000f34afd69758ee4b33255a4297f.jpg
ԵՐԵՎԱՆ, 31 մայիսի – Sputnik. Հայաստանում իրականացված հետազոտությունների համաձայն` 16 տարեկանից բարձր բնակչության 27.9%-ը ծխում է: Ամեն տարի ծխախոտով պայմանավորված հիվանդություններից մեր երկրում մահանում է ավելի քան 5500 մարդ: Առանց ծխախոտի համաշխարհային օրվա կապակցությամբ առողջապահության նախարարության հրապարակած այս տվյալները մասնագետները մտահոգիչ են գնահատում մեր երկրի համար։Նրա խոսքով՝ ծխելը իսկապես թոքերի քաղցկեղի պատճառներից մեկն է։ Մասնագետը բացատրում է, որ ծխախոտը պարունակում է նիկոտին և խեժ, որոնք էլ իրենց հերթին բաղկացած են բազմաթիվ քաղցկեղածին նյութերից։ Եթե նիկոտինը կախվածություն է առաջացնում, ապա ծխելու ժամանակ առաջացած քիմիական նյութերն ուռուցքային հիվանդությունների պատճառ են դառնում հատկապես թոքերի և միզապարկի համար։Միաժամանակ պասիվ ծխելը (ծխախոտի ծուխը շնչելը) նույնպես նպաստում է ուռուցքային գործընթացի զարգացմանը։ Սա հատկապես բացասաբար է անդրադառնում հղիների և սաղմի ձևավորման վրա։ Սողոմոնյանն ընդգծեց, որ պասիվ ծխելը կարող է առաջացնել պտղի թթվածնաքաղց, որն իր հերթին բացասաբար է անդրադառնում պտղի ձևավորման և զարգացման վրա։Մասնագետը կարևորում է ծխելու դեմ պայքարում առողջապահության նախարարության ձեռնարկած միջոցառումները։Ֆանարջյանի անվան ուռուցքաբանության ազգային կենտրոնի էնդովասկուլյար վիրաբույժ Տիգրան Պողոսյանն իր հերթին նշեց, որ ծխելը անխուսափելիորեն ազդում է նաև սրտանոթային համակարգի վրա և խորացնում սրտանոթային հիվանդությունները։«Ծխելը նպաստում է նաև իշեմիկ նոպաների, սրտամկանի ինֆարկտի և սրտանոթային այլ հիվանդությունների առաջացմանը»,- ասաց Պողոսյանը։Նրա խոսքով` անհրաժեշտ է երկրում նվազեցնել ծխողների թիվը։ Պողոսյանը շեշտեց, որ ծխախոտի փոխարինիչները նույնպես վտանգավոր և վնասակար են օրգանիզմի համար։ Մասնագետը ծխողներին խորհուրդ տվեց հրաժարվել ծխախոտից ոչ թե փուլային տարբերակով, այլ միանգամից, քանի որ դա ամենաարդյունավետ տարբերակն է։Ամեն տարի ավելի քան 8 միլիոն մարդ է մահանում ծխախոտի օգտագործման հետևանքով:Հայաստանում իրականացված հետազոտությունների համաձայն` 16 տարեկանից բարձր բնակչության 27.9%-ը ծխում է: Ծխողների գերակշիռ մասը տղամարդիկ են (տղամարդկանց 51.5%-ը, կանանց` 1.8%-ը), դեռահասների շրջանում՝ կյանքում երբևէ ծխախոտ օգտագործել են 15 տարեկան տղաների 21%-ը և աղջիկների 3%-ը:Պետք է հասնել նրան, որ Հայաստանում ծխելը ամոթ լինի․ Արսեն ԹորոսյանՆշենք, որ մայիսի 31-ին նշվում է Առանց ծխախոտի համաշխարհային օրը, որն ԱՀԿ-ն սահմանել է 1987 թվականին հանրության ուշադրությունը ծխախոտի մահացու հետևանքների վրա հրավիրելու համար:
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ծխախոտ, ծխել, հայաստան, հհ առողջապահության նախարարություն
ծխախոտ, ծխել, հայաստան, հհ առողջապահության նախարարություն
Հայաստանում ծխելու հետևանքով տարեկան 5500 մարդ է մահանում. ի՞նչ են ասում մասնագետները
15:54 31.05.2022 (Թարմացված է: 16:01 31.05.2022) Հայաստանում ծխողների գերակշիռ մասը տղամարդիկ են, դեռահասների շրջանում՝ կյանքում երբևէ ծխախոտ օգտագործել են 15 տարեկան տղաների 21%-ը և աղջիկների 3%-ը:
ԵՐԵՎԱՆ, 31 մայիսի – Sputnik. Հայաստանում իրականացված հետազոտությունների համաձայն` 16 տարեկանից բարձր բնակչության 27.9%-ը ծխում է: Ամեն տարի ծխախոտով պայմանավորված հիվանդություններից մեր երկրում մահանում է ավելի քան 5500 մարդ: Առանց ծխախոտի համաշխարհային օրվա կապակցությամբ առողջապահության նախարարության հրապարակած այս տվյալները մասնագետները մտահոգիչ են գնահատում մեր երկրի համար։
«Պետք է միջոցներ ձեռնարկենք հիվանդությունները կանխարգելելու համար, քանի որ միշտ ավելի հեշտ է կանխարգելել, քան բուժել»,- ասում է Ֆանարջյանի անվան ուռուցքաբանության ազգային կենտրոնի քիմիոթերապևտ Կարինե Սողոմոնյանը։
Նրա խոսքով՝ ծխելը իսկապես թոքերի քաղցկեղի պատճառներից մեկն է։ Մասնագետը բացատրում է, որ ծխախոտը պարունակում է նիկոտին և խեժ, որոնք էլ իրենց հերթին բաղկացած են բազմաթիվ քաղցկեղածին նյութերից։ Եթե նիկոտինը կախվածություն է առաջացնում, ապա ծխելու ժամանակ առաջացած քիմիական նյութերն ուռուցքային հիվանդությունների պատճառ են դառնում հատկապես թոքերի և միզապարկի համար։
Միաժամանակ պասիվ ծխելը (ծխախոտի ծուխը շնչելը) նույնպես նպաստում է ուռուցքային գործընթացի զարգացմանը։ Սա հատկապես բացասաբար է անդրադառնում հղիների և սաղմի ձևավորման վրա։ Սողոմոնյանն ընդգծեց, որ պասիվ ծխելը կարող է առաջացնել պտղի թթվածնաքաղց, որն իր հերթին բացասաբար է անդրադառնում պտղի ձևավորման և զարգացման վրա։
Մասնագետը կարևորում է ծխելու դեմ պայքարում առողջապահության նախարարության ձեռնարկած միջոցառումները։
Ֆանարջյանի անվան ուռուցքաբանության ազգային կենտրոնի էնդովասկուլյար վիրաբույժ Տիգրան Պողոսյանն իր հերթին նշեց, որ ծխելը անխուսափելիորեն ազդում է նաև սրտանոթային համակարգի վրա և խորացնում սրտանոթային հիվանդությունները։
«Ծխելը նպաստում է նաև իշեմիկ նոպաների, սրտամկանի ինֆարկտի և սրտանոթային այլ հիվանդությունների առաջացմանը»,- ասաց Պողոսյանը։
Նրա խոսքով` անհրաժեշտ է երկրում նվազեցնել ծխողների թիվը։ Պողոսյանը շեշտեց, որ ծխախոտի փոխարինիչները նույնպես վտանգավոր և վնասակար են օրգանիզմի համար։ Մասնագետը ծխողներին խորհուրդ տվեց հրաժարվել ծխախոտից ոչ թե փուլային տարբերակով, այլ միանգամից, քանի որ դա ամենաարդյունավետ տարբերակն է։
Ամեն տարի ավելի քան 8 միլիոն մարդ է մահանում ծխախոտի օգտագործման հետևանքով:
Նրանցից ավելի քան 7 միլիոնը ծխախոտ օգտագործողներ և նախկին օգտագործողներ են, իսկ ավելի քան 1,2 միլիոնը՝ չծխողներ, որոնք ենթարկվում են երկրորդային ծխի ազդեցության։
Հայաստանում իրականացված հետազոտությունների համաձայն` 16 տարեկանից բարձր բնակչության 27.9%-ը ծխում է: Ծխողների գերակշիռ մասը տղամարդիկ են (տղամարդկանց 51.5%-ը, կանանց` 1.8%-ը), դեռահասների շրջանում՝ կյանքում երբևէ ծխախոտ օգտագործել են 15 տարեկան տղաների 21%-ը և աղջիկների 3%-ը:
Նշենք, որ մայիսի 31-ին նշվում է Առանց ծխախոտի համաշխարհային օրը, որն ԱՀԿ-ն սահմանել է 1987 թվականին հանրության ուշադրությունը ծխախոտի մահացու հետևանքների վրա հրավիրելու համար:
