https://arm.sputniknews.ru/20220531/gnatshy-hajastanum-dardzjal-avelanum-e-kbn-nvor-shvoker-e-ardzanagrel-42647081.html

Գնաճը Հայաստանում դարձյալ ավելանում է. ԿԲ–ն նոր շոկեր է արձանագրել

Գնաճը Հայաստանում դարձյալ ավելանում է. ԿԲ–ն նոր շոկեր է արձանագրել

Sputnik Արմենիա

ԿԲ նախագահի տեղակալը հույս հայտնեց, որ երեք ամիս հետո գնաճը դարձյալ կսկսի նվազել` ՀՀ ԿԲ–ի դրամավարկային քաղաքականության արդյունքում։ 31.05.2022, Sputnik Արմենիա

2022-05-31T13:31+0400

2022-05-31T13:31+0400

2022-05-31T13:32+0400

կենտրոնական բանկ (կբ)

հայաստան

գնաճ

https://cdn.am.sputniknews.ru/img/2292/65/22926546_0:0:1600:901_1920x0_80_0_0_2ac8d50340d336c182e896019213e04f.jpg

ԵՐԵՎԱՆ, 31 մայիսի – Sputnik. Հայաստանում գնաճը դարձյալ ակտիվացել է։ Այսօր ԱԺ–ում 2021թ. պետական բյուջեի կատարման մասին տարեկան հաշվետվության նախնական քննարկման ժամանակ ասաց ՀՀ ԿԲ նախագահի տեղակալ Ներսես Երիցյանը։«Վերջին կանխատեսումների համաձայն, որոնք արվել են 2022թ–ի մարտին (հաջորդը կլինի հունիսին), տարվա վերջին գնաճը պետք է հայտնվեր 6-6.5 տոկոսի շրջանակներում։ Այդուհանդերձ, նոր շոկեր կան` կապված տարածաշրջանային ու գեոքաղաքական իրավիճակի հետ։ Հիմնական դրսից եկող շոկը էներգակիրների թանկացումն է և լոգիստիկ շղթաների սպասարկման հետ կապված համաշխարհային թանկացումը։ Այդ շոկերի ազդեցություններն այս պահին գնահատում ենք, չնայած այդ ազդեցությունները որոշ առումով արդեն նաև տեսնում ենք. վերջին ամսում գնաճը նորից դեպի վերև սկսեց շարժվել»,– ասաց Երիցյանը։ԿԲ նախագահի տեղակալը հույս հայտնեց, որ երեք ամիս հետո գնաճը դարձյալ կսկսի նվազել` ՀՀ ԿԲ–ի դրամավարկային քաղաքականության արդյունքում։«Եթե այլ շոկեր չլինեն, գնաճը վերադառնալու է իր թիրախային 4 տոկոսին և թույլատրելի +-1.5 տոկոսի շրջանակ»,– ասաց Երիցյանը։Նշենք, որ պաշտոնական վիճակագրության համաձայն, 2022թ–ի մարտ ամսվա դրությամբ Հայաստանում գնաճը կազմել է 7.4 տոկոս։

2022

Լուրեր

am_HY

կենտրոնական բանկ (կբ), հայաստան, գնաճ