https://arm.sputniknews.ru/20220529/amen-inch-kanen-revanshi-hamar-berezvovskin-irlandiaji-het-khaghi-ev-darpasapahneri-masin-42503194.html
Ամեն ինչ կանեն ռևանշի համար. Բերեզովսկին` Իռլանդիայի հետ խաղի և դարպասապահների մասին
Ամեն ինչ կանեն ռևանշի համար. Բերեզովսկին` Իռլանդիայի հետ խաղի և դարպասապահների մասին
Sputnik Արմենիա
Երևանում կայանալիք Ազգերի լիգայի Հայաստան-Իռլանդիա խաղը սկզբունքային է։ Այսպես է կարծում մեր ընտրանու լեգենդար դարպասապահ Ռոման Բերեզովսկին։ Sputnik Արմենիայի... 29.05.2022, Sputnik Արմենիա
2022-05-29T10:03+0400
2022-05-29T10:03+0400
2022-05-29T18:27+0400
երևան
ռոման բերեզովսկի
ֆուտբոլ
ֆուտբոլիստ
իռլանդիա
հայաստանի ազգային հավաքական
https://cdn.am.sputniknews.ru/img/1238/60/12386079_0:138:1601:1038_1920x0_80_0_0_ef0607ed3bf956ea2bf172abccf19faa.jpg
2011 թվականին Իռլանդիա-Հայաստան հանդիպումը Եվրո-2012-ի ընտրական փուլի շրջանակում ցավալի հիշողություններ է առաջացնում` Ռոման Բերեզովսկուն ոչ արդարացի հեռացնելը և Հայաստանի հավաքականի պարտությունը 1։2 հաշվով։ Իսկ հաղթանակի դեպքում մեր ընտրանին կարող էր մասնակցել անցումային խաղերին։Հունիսի 4-ին Հայաստանի հավաքականը կրկին կխաղա Իռլանդիայի հավաքականի հետ։ Խաղից առաջ Խաչիկ Չախոյանը զրուցել է դարպասապահների մարզիչ Ռոման Բերեզովսկու հետ։-Հունիսի 4-ին Ազգերի լիգայի մեկնարկային խաղում Հայաստանի հավաքականը հյուրընկալելու է Իռլանդիայի ընտրանուն։ Ի՞նչ խաղ է սպասվում` ըստ ձեզ։-Անկասկած, մեր հավաքականին դժվար և սկզբունքային խաղ է սպասվում։ Մրցակիցը իրոք ուժեղ է, ես կասեի՝ նույնիսկ մեր խմբում ֆավորիտ է համարվում։ Եվրո-2012-ի ընտրական խմբում մենք երկու անգամ մրցեցինք, ու երկու անգամ էլ հաղթեցին իռլանդացիները, երկու դեպքում էլ՝ նվազագույն հաշվով։ Արտագնա խաղը իռլանդացիների հետ ես երբեք չեմ մոռանա։ Կարծում եմ` մեր ֆուտբոլիստներն էլ լավ հիշում են այդ մրցավեճը, ու ամեն ինչ կանեն ռևանշի հասնելու համար։ Այս ամենից բացի, դա խմբային փուլի մեկնարկային հանդիպում է, այն էլ` սեփական հարկի տակ։ Չեմ կասկածում, որ մեր թիմը կանի հնարավորինն ու անհնարը՝ մեկնարկում հաղթանակի հասնելու և հայ երկրպագուին ուրախացնելու համար։-Հավաքականի գլխավոր մարզիչ Խոակին Կապառոսը 29 ֆուտբոլիստի է հրավիրել առաջիկա խաղերի համար։ Ի՞նչ կասեք հրավիրված ֆուտբոլիստների մասին։- Միշտ էլ հավաքական հրավիրվում են լավագույններից լավագույնները։ Ես կարող եմ խոսել հրավիրված դարպասապահների մասին։ Չորս դարպասապահ է հրավիրվել, որոնք նույնպես, համեմատած մյուս թեկնածուների հետ, այս պահին համապատասխանում են հավաքականի պահանջներին։ Դավիթ Յուրչենկոն, Արսեն Բեգլարյանը, Ստանիսլավ Բուչնևը և Հենրի Ավագյանը դեռ մինչև խաղերը կայանալիք մարզումների ընթացքում էլ մրցակցության սահմաններում կպայքարեն մեկնարկային կազմում տեղ գտնելու համար։ Փորձը, վարպետությունը, տարիքը վիճակագրական տվյալներ են։ Ով լավ պատրաստված եղավ, նա էլ տեղ կզբաղեցնի դարպասում։-Իսկ կա՞ն դարպասապահներ, որոնք մոտ ապագայում կարող են հրավիրվել հավաքական։ Ձեր տեսադաշտում կա՞ն նման թեկնածուներ։-Ֆուտբոլային թիմը կենդանի օրգանիզմ է և միշտ էլ թարմացման կամ նորացման կարիք ունի։ Խոակին Կապառոսը իր համարձակ քայլերով զարմացրել է շատերին` վստահելով երիտասարդ մի շարք ֆուտբոլիստների։ Ընթացքում էլ նոր ֆուտբոլիստներ ներգրավելու համար ուսումնասիրություն է արվում։ Կարելի է ասել, որ հավաքականում քայլ առ քայլ սերնդափոխություն է ընթանում։Նույնը վերաբերում է նաև դարպասապահներին։ Կան արդեն հայտնի անուններ, որոնց վրա մենք հիմնվում ենք, բայց չեմ բացառում, որ մոտ ապագայում կլինեն նաև նոր դարպասապահներ, որոնք կարող են հրավիրվել ազգային հավաքական։ Հեռանկարային եմ համարում ԲԿՄԱ-ի դարպասապահ Արման Ներսեսյանին, որը 19 տարեկան է, հեռանկարային դարպասապահներ կան եվրոպական ակումբներում, ինչպես նաև այլ մայրցամաքներում։-Իսկ ձեր կարծիքով ի՞նչ պետք է անել նոր դարպասապահներ բացահայտելու ու հավաքական թիմերում մրցակցությունը բարձրացնելու համար։-Նախևառաջ, շատ բան է կախված, թե ակումբներում ինչպիսի աշխատանք կտարվի։ Չէ՞ որ հավաքական գալիս են ակումբներից։ Դարպասապահների ընտրությունը մեծացնելու համար մենք ՀՖՖ-ի հետ հուլիսին նախատեսում ենք մի ծրագիր անցկացնել, որի շրջանակում շաբաթական մեկ կամ երկու անգամ հինգ դարպասապահներից բաղկացած երկու խմբերի հետ մարզումներ կանցկացնենք։ Հուսով ենք` այդ ծրագիրն էլ իր պտուղները կտա։Հավելենք, որ Հայաստանի ազգային հավաքականը հունիսի 4-ին Երևանում Իռլանդիայի ընտրանու հետ խաղից հետո հունիսի 8-ին և 11-ին Ազգերի լիգայի շրջանակում արտագնա խաղեր կանցկացնի, համապատասխանաբար՝ Շոտլանդիայի և Ուկրաինայի հավաքականների հետ։ Մեր հավաքականի ուսումնամարզական հավաքն այդ խաղերից առաջ կմեկնարկի մայիսի 29-ին։Ոսկե մեդալները քիչ էին, բոլորին չհասավ. ֆուտբոլասեր լրագրողների «եգիպտական» հաղթանակը
երևան
իռլանդիա
Sputnik Արմենիա
media@sputniknews.com
+74956456601
MIA „Rossiya Segodnya“
2022
Խաչիկ Չախոյան
https://cdn.am.sputniknews.ru/img/231/08/2310881_242:0:1310:1068_100x100_80_0_0_40abb0e21300e8efa2621019bae982b4.jpg
Խաչիկ Չախոյան
https://cdn.am.sputniknews.ru/img/231/08/2310881_242:0:1310:1068_100x100_80_0_0_40abb0e21300e8efa2621019bae982b4.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Խաչիկ Չախոյան
https://cdn.am.sputniknews.ru/img/231/08/2310881_242:0:1310:1068_100x100_80_0_0_40abb0e21300e8efa2621019bae982b4.jpg
երևան, ռոման բերեզովսկի, ֆուտբոլ, ֆուտբոլիստ, իռլանդիա, հայաստանի ազգային հավաքական
երևան, ռոման բերեզովսկի, ֆուտբոլ, ֆուտբոլիստ, իռլանդիա, հայաստանի ազգային հավաքական
Ամեն ինչ կանեն ռևանշի համար. Բերեզովսկին` Իռլանդիայի հետ խաղի և դարպասապահների մասին
10:03 29.05.2022 (Թարմացված է: 18:27 29.05.2022) Երևանում կայանալիք Ազգերի լիգայի Հայաստան-Իռլանդիա խաղը սկզբունքային է։ Այսպես է կարծում մեր ընտրանու լեգենդար դարպասապահ Ռոման Բերեզովսկին։ Sputnik Արմենիայի հետ զրույցում Բերեզովսկին խոսել է առաջիկա խաղի, դարպասապահների ընտրության մասին և հիշել Իռլանդիայի հետ խաղը։
2011 թվականին Իռլանդիա-Հայաստան հանդիպումը Եվրո-2012-ի ընտրական փուլի շրջանակում ցավալի հիշողություններ է առաջացնում` Ռոման Բերեզովսկուն ոչ արդարացի հեռացնելը և Հայաստանի հավաքականի պարտությունը 1։2 հաշվով։ Իսկ հաղթանակի դեպքում մեր ընտրանին կարող էր մասնակցել անցումային խաղերին։
Հունիսի 4-ին Հայաստանի հավաքականը կրկին կխաղա Իռլանդիայի հավաքականի հետ։ Խաղից առաջ Խաչիկ Չախոյանը զրուցել է դարպասապահների մարզիչ Ռոման Բերեզովսկու հետ։
-Հունիսի 4-ին Ազգերի լիգայի մեկնարկային խաղում Հայաստանի հավաքականը հյուրընկալելու է Իռլանդիայի ընտրանուն։ Ի՞նչ խաղ է սպասվում` ըստ ձեզ։
-Անկասկած, մեր հավաքականին դժվար և սկզբունքային խաղ է սպասվում։ Մրցակիցը իրոք ուժեղ է, ես կասեի՝ նույնիսկ մեր խմբում ֆավորիտ է համարվում։ Եվրո-2012-ի ընտրական խմբում մենք երկու անգամ մրցեցինք, ու երկու անգամ էլ հաղթեցին իռլանդացիները, երկու դեպքում էլ՝ նվազագույն հաշվով։ Արտագնա խաղը իռլանդացիների հետ ես երբեք չեմ մոռանա։ Կարծում եմ` մեր ֆուտբոլիստներն էլ լավ հիշում են այդ մրցավեճը, ու ամեն ինչ կանեն ռևանշի հասնելու համար։
Այս ամենից բացի, դա խմբային փուլի մեկնարկային հանդիպում է, այն էլ` սեփական հարկի տակ։ Չեմ կասկածում, որ մեր թիմը կանի հնարավորինն ու անհնարը՝ մեկնարկում հաղթանակի հասնելու և հայ երկրպագուին ուրախացնելու համար։
-Հավաքականի գլխավոր մարզիչ Խոակին Կապառոսը 29 ֆուտբոլիստի է հրավիրել առաջիկա խաղերի համար։ Ի՞նչ կասեք հրավիրված ֆուտբոլիստների մասին։
- Միշտ էլ հավաքական հրավիրվում են լավագույններից լավագույնները։ Ես կարող եմ խոսել հրավիրված դարպասապահների մասին։ Չորս դարպասապահ է հրավիրվել, որոնք նույնպես, համեմատած մյուս թեկնածուների հետ, այս պահին համապատասխանում են հավաքականի պահանջներին։ Դավիթ Յուրչենկոն, Արսեն Բեգլարյանը, Ստանիսլավ Բուչնևը և Հենրի Ավագյանը դեռ մինչև խաղերը կայանալիք մարզումների ընթացքում էլ մրցակցության սահմաններում կպայքարեն մեկնարկային կազմում տեղ գտնելու համար։ Փորձը, վարպետությունը, տարիքը վիճակագրական տվյալներ են։ Ով լավ պատրաստված եղավ, նա էլ տեղ կզբաղեցնի դարպասում։
-Իսկ կա՞ն դարպասապահներ, որոնք մոտ ապագայում կարող են հրավիրվել հավաքական։ Ձեր տեսադաշտում կա՞ն նման թեկնածուներ։
-Ֆուտբոլային թիմը կենդանի օրգանիզմ է և միշտ էլ թարմացման կամ նորացման կարիք ունի։ Խոակին Կապառոսը իր համարձակ քայլերով զարմացրել է շատերին` վստահելով երիտասարդ մի շարք ֆուտբոլիստների։ Ընթացքում էլ նոր ֆուտբոլիստներ ներգրավելու համար ուսումնասիրություն է արվում։ Կարելի է ասել, որ հավաքականում քայլ առ քայլ սերնդափոխություն է ընթանում։
Նույնը վերաբերում է նաև դարպասապահներին։ Կան արդեն հայտնի անուններ, որոնց վրա մենք հիմնվում ենք, բայց չեմ բացառում, որ մոտ ապագայում կլինեն նաև նոր դարպասապահներ, որոնք կարող են հրավիրվել ազգային հավաքական։ Հեռանկարային եմ համարում ԲԿՄԱ-ի դարպասապահ Արման Ներսեսյանին, որը 19 տարեկան է, հեռանկարային դարպասապահներ կան եվրոպական ակումբներում, ինչպես նաև այլ մայրցամաքներում։
-Իսկ ձեր կարծիքով ի՞նչ պետք է անել նոր դարպասապահներ բացահայտելու ու հավաքական թիմերում մրցակցությունը բարձրացնելու համար։
-Նախևառաջ, շատ բան է կախված, թե ակումբներում ինչպիսի աշխատանք կտարվի։ Չէ՞ որ հավաքական գալիս են ակումբներից։ Դարպասապահների ընտրությունը մեծացնելու համար մենք ՀՖՖ-ի հետ հուլիսին նախատեսում ենք մի ծրագիր անցկացնել, որի շրջանակում շաբաթական մեկ կամ երկու անգամ հինգ դարպասապահներից բաղկացած երկու խմբերի հետ մարզումներ կանցկացնենք։ Հուսով ենք` այդ ծրագիրն էլ իր պտուղները կտա։
Հավելենք, որ Հայաստանի ազգային հավաքականը հունիսի 4-ին Երևանում Իռլանդիայի ընտրանու հետ խաղից հետո հունիսի 8-ին և 11-ին Ազգերի լիգայի շրջանակում արտագնա խաղեր կանցկացնի, համապատասխանաբար՝ Շոտլանդիայի և Ուկրաինայի հավաքականների հետ։ Մեր հավաքականի ուսումնամարզական հավաքն այդ խաղերից առաջ կմեկնարկի մայիսի 29-ին։
