https://arm.sputniknews.ru/20220529/adrbejany-hajastanin-iravakan-erashkhiqner-chi-talis-haghvordakcutjunneri-apashrjapakman-hamar-42585678.html
Ադրբեջանը Հայաստանին իրավական երաշխիքներ չի տալիս հաղորդակցությունների ապաշրջափակման համար
Ադրբեջանը Հայաստանին իրավական երաշխիքներ չի տալիս հաղորդակցությունների ապաշրջափակման համար
Sputnik Արմենիա
ՀՀ վարչապետը կարծում է, որ Բաքվի հետ անհրաժեշտ է իրավական համաձայնագիր ունենալ` հարյուր միլիոնավոր դոլարներ չվատնելու համար շինարարության վրա` առանց... 29.05.2022, Sputnik Արմենիա
2022-05-29T18:37+0400
2022-05-29T18:37+0400
2022-05-29T21:10+0400
հայաստան
ադրբեջան
ճանապարհ
երկաթուղի
https://cdn.am.sputniknews.ru/img/2335/28/23352842_0:83:1600:983_1920x0_80_0_0_d7eeb87aaf659948150892c550527a6a.jpg
ԵՐԵՎԱՆ, 29 մայիսի – Sputnik, Դավիթ Գալստյան. Ադրբեջանը չի արձագանքել հաղորդակցությունների բացման վերաբերյալ պարտավորություններն իրավաբանորեն ամրագրելու՝ Հայաստանի առաջարկին։ Այս մասին Sputnik Արմենիայի հարցմանն ի պատասխան հայտնել են ՀՀ փոխվարչապետ Մհեր Գրիգորյանի գրասենյակից։Մարտի 31-ին կառավարության նիստի ժամանակ ՀՀ վարչապետ Նիկոլ Փաշինյանը հայտարարեց, որ Հայաստանի և Ադրբեջանի միջև ճանապարհների ապաշրջափակման վերաբերյալ պարտավորությունները պետք է փոխադարձ լինեն։ Նա հայտարարել էր, որ Հայաստանը պատրաստ է և՛ մեքենայի ճանապարհ, և՛ երկաթուղի կառուցել, սակայն կարևոր է համարում Ադրբեջանի հետ համապատասխան համաձայնագրի ստորագրումը, որն իրավաբանական ուժ կունենա։ Ադրբեջանը հայտնել է, որ 2022 թվականին պատրաստ կլինի Բերձորը շրջանցող ճանապարհը«Մենք շատ կոնկրետ ռիսկեր ենք տեսնում, երբ Հայաստանը կկառուցի և՛ ճանապարհը, և՛ երկաթուղին, իսկ Ադրբեջանը կհրաժարվի բացել սահմանը: Եվ կստացվի, որ մի քանի հարյուր միլիոն դոլար ներդրում պահանջած ենթակառուցվածքներից չի կարողանա օգտվել ո՛չ Հայաստանը, ո՛չ Ադրբեջանը, ո՛չ երրորդ երկրները, և Հայաստանը պարզապես կկորցնի մի քանի հարյուր միլիոն դոլար: Այսօր մենք ի՞նչ ենք առաջարկում: Առաջարկում ենք երկաթուղու վերագործարկման մասին 2021թ. դեկտեմբերի 14-ին Բրյուսելում ձեռք բերված պայմանավորվածություններն արձանագրել դե յուրե, համաձայնեցնել երկաթուղու պարամետրերը և սկսել շինարարությունը...», - հայտարարել էր այն ժամանակ Փաշինյանը։Մհեր Գրիգորյանից, որը տրանսպորտային հաղորդակցությունների ապաշրջափակման եռակողմ աշխատանքային խմբի հայաստանյան համանախագահն է, հետաքրքրվեցինք, թե արդյոք Ադրբեջանն արձագանքե՞լ է այս առաջարկին, և արդյոք այդ ռիսկը դեռ գոյություն ունի՞:«Ադրբեջանը դեռ չի արձագանքել այս հարցին, և նշված ռիսկը դեռ գոյություն ունի», - ասել են գրասենյակում։Արդյոք ՀՀ-ն կշարունակի՞ (կսկսի՞) շինարարությունն այս ռիսկի պահպանման պայմաններում. այս հարցին ստացել ենք հետևյալ պատասխանը.Չի որոշվել նաև հնարավոր ավտոմոբիլային ճանապարհի երթուղին և արժեքը, ինչի մասին մի քանի անգամ հայտարարել էր ՀՀ վարչապետը:Գրասենյակից պատասխանել են, որ «նշված հարցերը դեռ քննարկման փուլում են»։Նշենք, որ դեռ հայտնի չէ, թե ինչ միջոցներով է կառուցվելու ՀՀ տարածքում Երասխ–Հորադիզ երկաթգիծը։Մայիսի կեսերին Sputnik Արմենիային տարածքային զարգացման և ենթակառուցվածքների նախարարության մամուլի ծառայությունից հայտնել էին, որ ՀՀ տարածքում Երասխ-Հորադիզ երկաթգծի 43 կմ հատվածի գեոդեզիական նկարահանում է իրականացվել։Ֆինանսավորման վերաբերյալ հարցին նախարարությունում պատասխանել էին, որ դրան հնարավոր կլինի անդրադառնալ նախագծահաշվարկային աշխատանքների ավարտից հետո։Մեր թղթակցի գրառումներին կարող եք ծանոթանալ նաև նրա հեղինակային տելեգրամյան ալիքում։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, ճանապարհ, երկաթուղի
հայաստան, ադրբեջան, ճանապարհ, երկաթուղի
Ադրբեջանը Հայաստանին իրավական երաշխիքներ չի տալիս հաղորդակցությունների ապաշրջափակման համար
18:37 29.05.2022 (Թարմացված է: 21:10 29.05.2022) ՀՀ վարչապետը կարծում է, որ Բաքվի հետ անհրաժեշտ է իրավական համաձայնագիր ունենալ` հարյուր միլիոնավոր դոլարներ չվատնելու համար շինարարության վրա` առանց հաղորդակցությունները բացելու երաշխիքներ ունենալու։
ԵՐԵՎԱՆ, 29 մայիսի – Sputnik, Դավիթ Գալստյան. Ադրբեջանը չի արձագանքել հաղորդակցությունների բացման վերաբերյալ պարտավորություններն իրավաբանորեն ամրագրելու՝ Հայաստանի առաջարկին։ Այս մասին
Sputnik Արմենիայի հարցմանն ի պատասխան հայտնել են ՀՀ փոխվարչապետ Մհեր Գրիգորյանի գրասենյակից։
Մարտի 31-ին կառավարության նիստի ժամանակ
ՀՀ վարչապետ Նիկոլ Փաշինյանը հայտարարեց, որ Հայաստանի և Ադրբեջանի միջև ճանապարհների ապաշրջափակման վերաբերյալ պարտավորությունները պետք է փոխադարձ լինեն։ Նա հայտարարել էր, որ Հայաստանը պատրաստ է և՛ մեքենայի ճանապարհ, և՛ երկաթուղի կառուցել, սակայն կարևոր է համարում Ադրբեջանի հետ համապատասխան համաձայնագրի ստորագրումը, որն իրավաբանական ուժ կունենա։
«Մենք շատ կոնկրետ ռիսկեր ենք տեսնում, երբ Հայաստանը կկառուցի և՛ ճանապարհը, և՛ երկաթուղին, իսկ Ադրբեջանը կհրաժարվի բացել սահմանը: Եվ կստացվի, որ մի քանի հարյուր միլիոն դոլար ներդրում պահանջած ենթակառուցվածքներից չի կարողանա օգտվել ո՛չ Հայաստանը, ո՛չ Ադրբեջանը, ո՛չ երրորդ երկրները, և Հայաստանը պարզապես կկորցնի մի քանի հարյուր միլիոն դոլար: Այսօր մենք ի՞նչ ենք առաջարկում: Առաջարկում ենք երկաթուղու վերագործարկման մասին 2021թ. դեկտեմբերի 14-ին Բրյուսելում ձեռք բերված պայմանավորվածություններն արձանագրել դե յուրե, համաձայնեցնել երկաթուղու պարամետրերը և սկսել շինարարությունը...», - հայտարարել էր այն ժամանակ Փաշինյանը։
Մհեր Գրիգորյանից, որը տրանսպորտային հաղորդակցությունների ապաշրջափակման եռակողմ աշխատանքային խմբի հայաստանյան համանախագահն է, հետաքրքրվեցինք, թե արդյոք Ադրբեջանն արձագանքե՞լ է այս առաջարկին, և արդյոք այդ ռիսկը դեռ գոյություն ունի՞:
«Ադրբեջանը դեռ չի արձագանքել այս հարցին, և նշված ռիսկը դեռ գոյություն ունի», - ասել են գրասենյակում։
Արդյոք ՀՀ-ն կշարունակի՞ (կսկսի՞) շինարարությունն այս ռիսկի պահպանման պայմաններում. այս հարցին ստացել ենք հետևյալ պատասխանը.
«Հայաստանի Հանրապետությունը բացահայտում և արձանագրում է բոլոր նմանատիպ ռիսկերը՝ դրանց պատշաճ կառավարման նպատակով»։
Չի որոշվել նաև հնարավոր ավտոմոբիլային ճանապարհի երթուղին և արժեքը, ինչի մասին մի քանի անգամ հայտարարել էր ՀՀ վարչապետը:
Գրասենյակից պատասխանել են, որ «նշված հարցերը դեռ քննարկման փուլում են»։
Մայիսի կեսերին
Sputnik Արմենիային տարածքային զարգացման և ենթակառուցվածքների նախարարության մամուլի ծառայությունից հայտնել էին, որ ՀՀ տարածքում Երասխ-Հորադիզ երկաթգծի 43 կմ հատվածի գեոդեզիական նկարահանում է իրականացվել։
Ֆինանսավորման վերաբերյալ հարցին նախարարությունում պատասխանել էին, որ դրան հնարավոր կլինի անդրադառնալ նախագծահաշվարկային աշխատանքների ավարտից հետո։
Մեր թղթակցի գրառումներին կարող եք ծանոթանալ նաև նրա
հեղինակային տելեգրամյան ալիքում։
