https://arm.sputniknews.ru/20220528/oskanjany-44-orja-paterazmi-qnnich-handznazhvoghvov-chi-gna-nakhkin-pashtvonjan-bacatrel-e-inchu-42563168.html
Օսկանյանը 44-օրյա պատերազմի քննիչ հանձնաժողով չի գնա, նախկին պաշտոնյան բացատրել է` ինչու
Օսկանյանը 44-օրյա պատերազմի քննիչ հանձնաժողով չի գնա, նախկին պաշտոնյան բացատրել է` ինչու
Sputnik Արմենիա
Անդրանիկ Քոչարյանը հայտնել էր, որ Վարդան Օսկանյանին հրավերն արդեն ուղարկվել է, Ժիրայր Լիպարիտյանի հասցեն ճշտում են։ 28.05.2022, Sputnik Արմենիա
2022-05-28T14:08+0400
2022-05-28T14:08+0400
2022-05-28T14:10+0400
հայաստան
վարդան օսկանյան
հանձնաժողով
https://cdn.am.sputniknews.ru/img/639/15/6391589_0:0:1601:901_1920x0_80_0_0_0061ea57952a2fb795009bac7f328190.jpg
ԵՐԵՎԱՆ, 28 մայիսի – Sputnik. ՀՀ նախկին արտգործնախարար Վարդան Օսկանյանը լրատվամիջոցներին տրամադրած մեկնաբանության մեջ հայտնել է, որ չի գնալու ԱԺ 44-օրյա պատերազմի հանգամանքներն ուսումնասիրող քննիչ հանձնաժողովի լսումներին։Նրա խոսքով` առաջին պատճառ այն է, որ չի հավատում հանձնաժողովի նպատակների անկեղծ և ազնիվ լինելուն, երկրորդը` բոլոր հարցերին տալու է միայն մեկ պատասխան. «Լեռնային Ղարաբաղի շուրջ բանակցությունների անցած ուղու, դրանց բովանդակությանը տիրապետելու, չարհամարհելու և հմուտ ու ճիշտ դիվանագիտություն վարելու դեպքում պատերազմ պարզապես չէր լինի»։Նախկին նախարարի համոզմամբ` նույնը կարելի է ասել նաև այսօրվա իրավիճակի մասին։ Ըստ նրա` ճիշտ և հմուտ դիվանագիտություն վարելու դեպքում հնարավոր է առանց պատերազմ հրահրելու հենց միջազգային հանրության աջակցությամբ խուսափել Արցախը ԼՂԻՄ սահմաններով Ադրբեջանի կազմում ճանաչելու, Հայաստանի ինքնիշխան տարածքից որևէ հատված Ադրբեջանին տալու և Սյունիքում Ադրբեջանին հաղորդակցային միջանցք տրամադրելու Թուրքիայի և Ադրբեջանի բանեցրած ճնշումներից։Հիշեցնենք` 2022 թ-ի փետրվարի 10-ին ստեղծված 44-օրյա պատերազմի հանգամանքներն ուսումնասիրող ԱԺ քննիչ հանձնաժողովի նախագահ Անդրանիկ Քոչարյանը մայիսի 25-ին հայտարարել էր, որ հանձնաժողովի աշխատանքի ընթացքում արդեն 10 000–ից ավելի փաստաթղթերի հետ են առնչվել և հրավիրյալների փուլը չեն սկսել։Ավելի ուշ մամուլում լուրեր հայտնվեցին, որ հունիսին հանձնաժողովը նախատեսում է նիստի հրավիրել 6-8 նախկին պաշտոնյայի, այդ թվում` նախկին արտգործնախարար Վարդան Օսկանյանին ու նախկին փոխնախարար Ժիրայր Լիպարիտյանին:Այս տեղեկությունները հաստատել էր Անդրանիկ Քոչարյանը` նշելով, որ Օսկանյանին հրավերն արդեն ուղարկվել է, Լիպարիտյանի հասցեն ճշտում են։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, վարդան օսկանյան, հանձնաժողով
հայաստան, վարդան օսկանյան, հանձնաժողով
Օսկանյանը 44-օրյա պատերազմի քննիչ հանձնաժողով չի գնա, նախկին պաշտոնյան բացատրել է` ինչու
14:08 28.05.2022 (Թարմացված է: 14:10 28.05.2022) Անդրանիկ Քոչարյանը հայտնել էր, որ Վարդան Օսկանյանին հրավերն արդեն ուղարկվել է, Ժիրայր Լիպարիտյանի հասցեն ճշտում են։
ԵՐԵՎԱՆ, 28 մայիսի – Sputnik. ՀՀ նախկին արտգործնախարար Վարդան Օսկանյանը լրատվամիջոցներին տրամադրած մեկնաբանության մեջ հայտնել է, որ չի գնալու ԱԺ 44-օրյա պատերազմի հանգամանքներն ուսումնասիրող քննիչ հանձնաժողովի լսումներին։
«Մամուլից իմացա, որ 44-օրյա պատերազմի հանգամանքներն ուսումնասիրող քննիչ հանձնաժողովն ինձ հրավիրել է լսումների։ Դեռ հայց չեմ ստացել։ Համենայն դեպս, որոշել եմ չգնալ երկու պատճառով»,– ասել է Օսկանյանը։
Նրա խոսքով` առաջին պատճառ այն է, որ չի հավատում հանձնաժողովի նպատակների անկեղծ և ազնիվ լինելուն, երկրորդը` բոլոր հարցերին տալու է միայն մեկ պատասխան. «Լեռնային Ղարաբաղի շուրջ բանակցությունների անցած ուղու, դրանց բովանդակությանը տիրապետելու, չարհամարհելու և հմուտ ու ճիշտ դիվանագիտություն վարելու դեպքում պատերազմ պարզապես չէր լինի»։
Նախկին նախարարի համոզմամբ` նույնը կարելի է ասել նաև այսօրվա իրավիճակի մասին։ Ըստ նրա` ճիշտ և հմուտ դիվանագիտություն վարելու դեպքում հնարավոր է առանց պատերազմ հրահրելու հենց միջազգային հանրության աջակցությամբ խուսափել
Արցախը ԼՂԻՄ սահմաններով Ադրբեջանի կազմում ճանաչելու,
Հայաստանի ինքնիշխան տարածքից որևէ հատված Ադրբեջանին տալու և Սյունիքում Ադրբեջանին հաղորդակցային միջանցք տրամադրելու Թուրքիայի և Ադրբեջանի բանեցրած ճնշումներից։
Հիշեցնենք` 2022 թ-ի փետրվարի 10-ին ստեղծված 44-օրյա պատերազմի հանգամանքներն ուսումնասիրող ԱԺ քննիչ հանձնաժողովի նախագահ Անդրանիկ Քոչարյանը մայիսի 25-ին հայտարարել էր, որ հանձնաժողովի աշխատանքի ընթացքում արդեն 10 000–ից ավելի փաստաթղթերի հետ են առնչվել և հրավիրյալների փուլը չեն սկսել։
Ավելի ուշ մամուլում լուրեր հայտնվեցին, որ հունիսին հանձնաժողովը նախատեսում է նիստի հրավիրել 6-8 նախկին պաշտոնյայի, այդ թվում` նախկին արտգործնախարար Վարդան Օսկանյանին ու նախկին փոխնախարար Ժիրայր Լիպարիտյանին:
Այս տեղեկությունները հաստատել էր Անդրանիկ Քոչարյանը` նշելով, որ Օսկանյանին հրավերն արդեն ուղարկվել է, Լիպարիտյանի հասցեն ճշտում են։
