https://arm.sputniknews.ru/20220527/artak-beglarjany-pataskhanel-e-alievi-khndraharujc-hajtararutjunnerin-42554034.html
Արտակ Բեգլարյանը պատասխանել է Ալիևի խնդրահարույց հայտարարություններին
Արտակ Բեգլարյանը պատասխանել է Ալիևի խնդրահարույց հայտարարություններին
Sputnik Արմենիա
Արցախի պետնախարարի խոսքով` ադրբեջանա-ղարաբաղյան հակամարտությունը չի կարգավորվել, և դա փաստ է, որն ընդունում է ողջ աշխարհը՝ անկախ շահերի և ձևակերպումների... 27.05.2022, Sputnik Արմենիա
2022-05-27T23:32+0400
2022-05-27T23:32+0400
2022-05-27T23:38+0400
արտակ բեգլարյան
արցախ
ղարաբաղյան հակամարտություն
լեռնային ղարաբաղ
իլհամ ալիև
ադրբեջան
https://cdn.am.sputniknews.ru/img/07e5/08/0a/28626936_0:0:1600:901_1920x0_80_0_0_c155014d3d369438dcd0ec81c7ae6c25.jpg
ԵՐԵՎԱՆ, 27 մայիսի – Sputnik. Արցախի պետական նախարար Արտակ Բեգլարյանը անդրադարձել է Ադրբեջանի նախագահ Իլհամ Ալիևի այսօր արված մի շարք խնդրահարույց հայտարարություններին և Տելեգրամի իր ալիքում կեռ առ կետ պատասխանել դրանց։ Ներկայացնում ենք նրա պատասխանը։1. Հայաստանի Հանրապետության հետ սահմանագծման և սահմանազատման գործընթացն ու արդյունքները չեն կարող ազդել Արցախի (Լեռնային Ղարաբաղի Հանրապետություն) ներկա և ապագա կարգավիճակի վրա։ Ի վերջո, Ղարաբաղյան հակամարտությունը ոչ թե Հայաստանի Հանրապետության, այլ Լեռնային Ղարաբաղի Հանրապետության հետ է։2. Ադրբեջանա-ղարաբաղյան հակամարտությունը չի կարգավորվել, և սա փաստ է, որն ընդունում է ողջ աշխարհը՝ անկախ շահերի և ձևակերպումների որոշակի տարբերություններից։3. Իսկ եթե Ադրբեջանը ցանկանում է փակել հակամարտության էջը և հստակեցնել Արցախի կարգավիճակը, ապա կարող է սահմանագծման և սահմանազատման գործընթաց իրականացնել նաև Արցախի Հանրապետության հետ՝ միաժամանակ վերադարձնելով օկուպացված տարածքները և ճանաչելով Արցախի անկախությունը։3. Հակամարտության կարգավորման հիմնական սկզբունքը ժողովուրդների ինքնորոշման իրավունքի լիարժեք իրացումն է։ Բայց միայն այս փորձությունը հաղթահարելով միջազգային հանրությունը կապացուցի, որ ի տարբերություն Ալիևի հայտարարությունների, այնուամենայնիվ, գոյություն ունի միջազգային իրավունք, որտեղ իր հիմնարար տեղն ունի ժողովուրդների ինքնորոշման իրավունքը։4. Միջազգային իրավունքի մեկ այլ կարևոր սկզբունք է ուժի չկիրառումը/ուժի կիրառման սպառնալիքը, որը նույնպես կոպտորեն խախտվել և անտեսվել է Ադրբեջանի կողմից։Ավելին, Ալիևն այսօր կրկին սպառնացել է ուժի կիրառման նոր նախադեպերով, ինչը միջազգային հանրության համար կանխարգելիչ և պատժամիջոցային միջոցներ ձեռնարկելու հստակ ազդանշան է։Հիշեցնենք` այսօր Ադրբեջանի նախագահը Կովսական (Զանգելան) կատարած իր այցի ժամանակ հայտարարել էր, որ Ադրբեջանը լուծել է Ղարաբաղյան հակամարտությունը, Հայաստանը պետք է հաշտվի այդ մտքի հետ։«Ղարաբաղյան հակամարտությունը կարգավորված է։ Մենք լուծել ենք այդ հարցը։ Ինչ վերաբերում է Լեռնային Ղարաբաղ անվանումը կրող վարչական միավորին, ապա Ադրբեջանի տարածքում նման միավոր գոյություն չունի»,–ասել էր նա։Ալիևը շեշտել էր, որ «Լեռնային Ղարաբաղ» բառակապակցություն միջազգային կազմակերպությունների լեքսիկոնում չկա, և Բրյուսելում վերջերս կայացած հանդիպումը հերթական անգամ ապացուցեց դա։«Այո, Հայաստանը կրկին բարձրացրեց այդ հարցը և, ինչպես ասում են, գլուխը խփում է պատերին, բայց այդպիսին է իրականությունը, և այդ իրականության հետ պետք է հաշտվել»,- ասել էր Ալիևը։Նա նաև հավելել էր, որ Բաքուն կշարունակի հզորանալ, այդ թվում՝ ռազմական ոլորտում, քանի որ միջազգային իրավունքի համակարգն այսօր չի գործում, և հիմնական գործոնը ուժն է, իսկ անհրաժեշտության դեպքում` պետք է թշնամուն «ուժով վռնդեն իրենց տարածքներից»։Արցախյան զարգացումներ. ոչ մի կերպ չենք կարողանում դուրս գալ նույն կախարդական շրջանից
լեռնային ղարաբաղ
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արտակ բեգլարյան, արցախ, ղարաբաղյան հակամարտություն, լեռնային ղարաբաղ, իլհամ ալիև, ադրբեջան
արտակ բեգլարյան, արցախ, ղարաբաղյան հակամարտություն, լեռնային ղարաբաղ, իլհամ ալիև, ադրբեջան
Արտակ Բեգլարյանը պատասխանել է Ալիևի խնդրահարույց հայտարարություններին
23:32 27.05.2022 (Թարմացված է: 23:38 27.05.2022) Արցախի պետնախարարի խոսքով` ադրբեջանա-ղարաբաղյան հակամարտությունը չի կարգավորվել, և դա փաստ է, որն ընդունում է ողջ աշխարհը՝ անկախ շահերի և ձևակերպումների տարբերություններից։
ԵՐԵՎԱՆ, 27 մայիսի – Sputnik. Արցախի պետական նախարար Արտակ Բեգլարյանը անդրադարձել է Ադրբեջանի նախագահ Իլհամ Ալիևի այսօր արված մի շարք խնդրահարույց հայտարարություններին և Տելեգրամի իր ալիքում կեռ առ կետ պատասխանել դրանց։ Ներկայացնում ենք նրա պատասխանը։
1. Հայաստանի Հանրապետության հետ սահմանագծման և սահմանազատման գործընթացն ու արդյունքները չեն կարող ազդել Արցախի (Լեռնային Ղարաբաղի Հանրապետություն) ներկա և ապագա կարգավիճակի վրա։ Ի վերջո, Ղարաբաղյան հակամարտությունը ոչ թե Հայաստանի Հանրապետության, այլ Լեռնային Ղարաբաղի Հանրապետության հետ է։
2. Ադրբեջանա-ղարաբաղյան հակամարտությունը չի կարգավորվել, և սա փաստ է, որն ընդունում է ողջ աշխարհը՝ անկախ շահերի և ձևակերպումների որոշակի տարբերություններից։
3. Իսկ եթե Ադրբեջանը ցանկանում է փակել հակամարտության էջը և հստակեցնել Արցախի կարգավիճակը, ապա կարող է սահմանագծման և սահմանազատման գործընթաց իրականացնել նաև Արցախի Հանրապետության հետ՝ միաժամանակ վերադարձնելով օկուպացված տարածքները և ճանաչելով Արցախի անկախությունը։
3. Հակամարտության կարգավորման հիմնական սկզբունքը ժողովուրդների ինքնորոշման իրավունքի լիարժեք իրացումն է։ Բայց միայն այս փորձությունը հաղթահարելով միջազգային հանրությունը կապացուցի, որ ի տարբերություն Ալիևի հայտարարությունների, այնուամենայնիվ, գոյություն ունի միջազգային իրավունք, որտեղ իր հիմնարար տեղն ունի ժողովուրդների ինքնորոշման իրավունքը։
4. Միջազգային իրավունքի մեկ այլ կարևոր սկզբունք է ուժի չկիրառումը/ուժի կիրառման սպառնալիքը, որը նույնպես կոպտորեն խախտվել և անտեսվել է Ադրբեջանի կողմից։
Ավելին, Ալիևն այսօր կրկին սպառնացել է ուժի կիրառման նոր նախադեպերով, ինչը միջազգային հանրության համար կանխարգելիչ և պատժամիջոցային միջոցներ ձեռնարկելու հստակ ազդանշան է։
Ընդունված վարքագծից շեղման խրախուսումն աստիճանաբար հանգեցնում է միջազգային աղետների՝ դառնալով միջազգային պրակտիկա և իրավական սովորույթի օրինակ։
Հիշեցնենք` այսօր Ադրբեջանի նախագահը Կովսական (Զանգելան) կատարած իր այցի ժամանակ հայտարարել էր, որ Ադրբեջանը լուծել է Ղարաբաղյան հակամարտությունը, Հայաստանը պետք է հաշտվի այդ մտքի հետ։
«Ղարաբաղյան հակամարտությունը կարգավորված է։ Մենք լուծել ենք այդ հարցը։ Ինչ վերաբերում է Լեռնային Ղարաբաղ անվանումը կրող վարչական միավորին, ապա Ադրբեջանի տարածքում նման միավոր գոյություն չունի»,–ասել էր նա։
Ալիևը շեշտել էր, որ «Լեռնային Ղարաբաղ» բառակապակցություն միջազգային կազմակերպությունների լեքսիկոնում չկա, և Բրյուսելում վերջերս կայացած հանդիպումը հերթական անգամ ապացուցեց դա։
«Այո, Հայաստանը կրկին բարձրացրեց այդ հարցը և, ինչպես ասում են, գլուխը խփում է պատերին, բայց այդպիսին է իրականությունը, և այդ իրականության հետ պետք է հաշտվել»,- ասել էր Ալիևը։
Նա նաև հավելել էր, որ Բաքուն կշարունակի հզորանալ, այդ թվում՝ ռազմական ոլորտում, քանի որ միջազգային իրավունքի համակարգն այսօր չի գործում, և հիմնական գործոնը ուժն է, իսկ անհրաժեշտության դեպքում` պետք է թշնամուն «ուժով վռնդեն իրենց տարածքներից»։
