https://arm.sputniknews.ru/20220525/kankhik-khaghadrujqnery-hh-um-kargelven-petutjuny-ktesni-vov-e-khaghum-inchqan-inch-pvoghvov-42441722.html
Կանխիկ խաղադրույքները ՀՀ-ում կարգելվեն. պետությունը կտեսնի` ով է խաղում, ինչքան, ինչ փողով
Կանխիկ խաղադրույքները ՀՀ-ում կարգելվեն. պետությունը կտեսնի` ով է խաղում, ինչքան, ինչ փողով
Sputnik Արմենիա
Նախագծի հեղինակ պատգամավորների համոզմամբ` նոր կարգավորումը թույլ կտա պաշտպանել հատկապես սոցիալապես անապահով խավերի շահերը։ Խաղատներում կանխիկ կվճարեն միայն... 25.05.2022, Sputnik Արմենիա
2022-05-25T13:00+0400
2022-05-25T13:00+0400
2022-05-25T13:10+0400
խաղատուն
խաղադրույք
հայաստան
աժ (ազգային ժողով)
օրենք
https://cdn.am.sputniknews.ru/img/07e6/01/19/37961589_0:23:1600:923_1920x0_80_0_0_4ae3e4d19f13ee7317f66796a6c358dc.jpg
ԵՐԵՎԱՆ, 25 մայիսի – Sputnik. Հունիսի առաջին տասնօրյակից Հայաստանի պետական կառույցները հնարավորություն կունենան վերահսկելու շահումով խաղերի, վիճակախաղերի ու խաղատների վրա ծախսվող գումարները, տեսնել` ով է խաղում, ինչքան է խաղում ու ինչ գումարներով։ԱԺ-ն այսօր 67 ձայնով երկրորդ ընթերցմամբ ու ամբողջությամբ ընդունեց «Շահումով խաղերի, ինտերնետ շահումով խաղերի և խաղատների», ինչպես նաև «Վիճակախաղերի մասին» օրենքներում փոփոխություններ կատարելու օրինագծերի փաթեթը։Նախագծի հեղինակ պատգամավորների համոզմամբ նոր կարգավորումը թույլ կտա ապահովել առավելագույն թափանցիկություն, պաշտպանել հատկապես սոցիալապես անապահով խավերի շահերը` խաղադրույք կատարելու լրացուցիչ խոչընդոտներ սահմանելով խաղամոլությամբ տարված մարդկանց համար:Կանխիկ խաղադրույքների արգելքը կտարածվի նաև հայաստանյան խաղատների վրա։ ՀՀ խաղատներում կենդանի խաղի ժամանակ կանխիկ խաղադրույք անելու իրավունք կունենան միայն օտարերկրյա քաղաքացիները։Պաշտոնական վիճակագրության համաձայն` 2018թ.-ին ՀՀ-ում կատարվել է 333 մլրդ դրամի խաղադրույք, 2019 թ.-ին այդ գումարը ավելացել է ավելի քան 3.3 անգամ՝ հասնելով 1 տրիլիոն 115 մլրդ դրամի, իսկ 2020թ-ի միայն առաջին 10 ամիսներին կատարվել է 1.5 տրիլիոն դրամի խաղադրույք, 2021թ.-ին` 3.9 տրիլիոնի։2018-2020թ-ին գրեթե 2.5 անգամ ավելացել է նաև խաղացողների թիվը` 18 093-ից հասնելով 44 082-ի:Եթե օրենքը չընդունվի, խաղադրույքների շրջանառությունը կհասնի 5-6 տրիլիոնի. պատգամավորՀիշեցնենք` մոլախաղի գովազդի սահմանափակումները ՀՀ-ում գործում էին մինչև 2020 թվականի հունվարի 1-ը։ Սակայն դրանից հետո առցանց կազինոների և խաղարկությունների համար բացառություն արվեց` թույլատրելով դրանց արտաքին գովազդը` գովազդային վահանակների վրա, ինտերնետում, հեռուստատեսությամբ և ռադիոյով:Պարզելու համար, թե ինչպես է ազդել առցանց մոլախաղերի գովազդը հասարակության վրա, ֆինանսների նախարարությունը ՊԵԿ-ից պահանջել է այս բիզնեսի կազմակերպիչների՝ Vivaro Group (այժմ՝ Soft Construct), Digitaline, Kabarko և Good Soft-ի ֆինանսական հաշվետվությունները։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
խաղատուն, խաղադրույք, հայաստան, աժ (ազգային ժողով), օրենք
խաղատուն, խաղադրույք, հայաստան, աժ (ազգային ժողով), օրենք
Կանխիկ խաղադրույքները ՀՀ-ում կարգելվեն. պետությունը կտեսնի` ով է խաղում, ինչքան, ինչ փողով
13:00 25.05.2022 (Թարմացված է: 13:10 25.05.2022) Նախագծի հեղինակ պատգամավորների համոզմամբ` նոր կարգավորումը թույլ կտա պաշտպանել հատկապես սոցիալապես անապահով խավերի շահերը։ Խաղատներում կանխիկ կվճարեն միայն օտարերկրացիները։
ԵՐԵՎԱՆ, 25 մայիսի – Sputnik. Հունիսի առաջին տասնօրյակից Հայաստանի պետական կառույցները հնարավորություն կունենան վերահսկելու շահումով խաղերի, վիճակախաղերի ու խաղատների վրա ծախսվող գումարները, տեսնել` ով է խաղում, ինչքան է խաղում ու ինչ գումարներով։
ԱԺ-ն այսօր 67 ձայնով երկրորդ ընթերցմամբ ու ամբողջությամբ ընդունեց «Շահումով խաղերի, ինտերնետ շահումով խաղերի և խաղատների», ինչպես նաև «Վիճակախաղերի մասին» օրենքներում փոփոխություններ կատարելու օրինագծերի փաթեթը։
Ընդունված օրենքի փոփոխությունն ուժի մեջ մտնելուց 10 օր հետո անկանխիկ խաղադրույքները ՀՀ ողջ տարածքում կարգելվեն։ Քաղաքացիներն այլևս չեն կարողանա կանխիկ վճարմամբ լիցքավորել իրենց բուքմեյքերական հաշիվները։ Իսկ 6 ամիս հետո հնարավոր չի լինելու նաև էլեկտրոնային դրամապանակներից լիցքավորում կատարել։ Այլ կերպ ասած` 6 ամիս ու 10 օր հետո քաղաքացիներն իրենց բուքմեյքերական հաշիվները կկարողանան լիցքավորել միայն ու միայն անկանխիկ եղանակով։ Խաղադրույքի գումարը խաղացողի հաշվից պետք է մուտքագրվի վիճակախաղի կամ շահումով խաղի կազմակերպչի բանկային հաշվին, իսկ հնարավոր շահումը` խաղացողի այն հաշվին, որից կատարվել էր մուտքագրումը։
Նախագծի հեղինակ պատգամավորների համոզմամբ նոր կարգավորումը թույլ կտա ապահովել առավելագույն թափանցիկություն, պաշտպանել հատկապես սոցիալապես անապահով խավերի շահերը` խաղադրույք կատարելու լրացուցիչ խոչընդոտներ սահմանելով խաղամոլությամբ տարված մարդկանց համար:
Կանխիկ խաղադրույքների արգելքը կտարածվի նաև հայաստանյան խաղատների վրա։ ՀՀ խաղատներում կենդանի խաղի ժամանակ կանխիկ խաղադրույք անելու իրավունք կունենան միայն օտարերկրյա քաղաքացիները։
Պաշտոնական վիճակագրության համաձայն` 2018թ.-ին ՀՀ-ում կատարվել է 333 մլրդ դրամի խաղադրույք, 2019 թ.-ին այդ գումարը ավելացել է ավելի քան 3.3 անգամ՝ հասնելով 1 տրիլիոն 115 մլրդ դրամի, իսկ 2020թ-ի միայն առաջին 10 ամիսներին կատարվել է 1.5 տրիլիոն դրամի խաղադրույք, 2021թ.-ին` 3.9 տրիլիոնի։
2018-2020թ-ին գրեթե 2.5 անգամ ավելացել է նաև խաղացողների թիվը` 18 093-ից հասնելով 44 082-ի:
Հիշեցնենք` մոլախաղի գովազդի սահմանափակումները ՀՀ-ում գործում էին մինչև 2020 թվականի հունվարի 1-ը։ Սակայն դրանից հետո առցանց կազինոների և խաղարկությունների համար բացառություն արվեց` թույլատրելով դրանց արտաքին գովազդը` գովազդային վահանակների վրա, ինտերնետում, հեռուստատեսությամբ և ռադիոյով:
Պարզելու համար, թե ինչպես է ազդել առցանց մոլախաղերի գովազդը հասարակության վրա, ֆինանսների նախարարությունը ՊԵԿ-ից պահանջել է այս բիզնեսի կազմակերպիչների՝ Vivaro Group (այժմ՝ Soft Construct), Digitaline, Kabarko և Good Soft-ի ֆինանսական հաշվետվությունները։
